完整藏文原文 · 德格版页 当前仅加载第 62 函德格 91a 版页；藏文 NFD、目录标记与异常页序保留在来源切片中，重复版页行以稳定序号区分。
མཐོང་ན་ལྟ་བས་མི་ངོམས་ཏེ། །ཆོས་ཐོས་ནས་ནི་སུ་ཞིག་བག་མི་བྱེད། །མི་ཡི་འཇིག་རྟེན་གནས་ཚེ་དེ་ཡིས་ནི། །བདེ་གཤེགས་མཆོད་རྟེན་མར་མེ་ཕུལ་བྱས་ཤིང་། །བདེ་བར་གཤེགས་ཀྱི་བསྟན་ལ་གནས་བྱས་པས། །འདི་ན་ལྷ་མཆོག་རྙེད་པ་ལེགས་པར་རྙེད། །མི་ཡི་ལུས་ནི་
D204.062.0091a01.01བདག་གིས་ཐོབ་གྱུར་ཅིག །རྒྱལ་བའི་བསྟན་ལ་དད་པ་མཆོག་ཐོབ་ཤོག །གལ་ཏེ་བག་མེད་གྱུར་ན་ལུས་འདོར་གྱི། །ཆོས་ཀྱི་དམ་པ་འདོར་བར་ཡོད་མ་གྱུར། །མི་ལུས་རྙེད་པར་དཀའ་བ་ཐོབ་གྱུར་ནས། །བླུན་རྣམས་ཅི་ཕྱིར་རང་གི་དོན་མི་བྱེད། །བདེ་གཤེགས་བསྟན་ལ་གནོད་བྱེད་སེམས་ལྡན་ན། །
D204.062.0091a02.01ཤི་ནས་གཡང་ས་ཆེན་པོར་ལྟུང་བར་འགྱུར། །དེ་ཡིས་འབྱོར་བ་རྒྱ་ཆེན་ལྷས་ཐོས་ནས། །སྐྱོ་བ་སྐྱེས་ཏེ་སྨོན་ལམ་འདེབས་བྱེད་པ། །མི་ཡི་ལུས་ནི་བདག་གིས་ཐོབ་གྱུར་ཅིག །ལེགས་དོན་གྱུར་ནས་ཚངས་སྤྱོད་བདག་སྟོན་ཤོག །འཆི་བའི་དུས་བྱེད་ཚེ་ཡང་དེ་བཞིན་དུ། །ཆོས་ལ་ཕན་ཞིང་སེམས་ལ་གསལ་
D204.062.0091a03.01གྱུར་ཅིང་། །ལྷ་སྟོང་བྱེ་བ་ལྷ་མོ་རྣམས་བཅས་པས། །དེ་ནི་བདག་གི་ཡིན་ཞེས་དགའ་བར་བྱེད། །ལྷ་ཡི་བུ་མོ་ཡིད་འོང་བརྒྱན་པ་རྣམས། །སྐྱེད་མོས་ཚལ་བཞིར་དེ་ནི་རྩེ་བྱེད་འཇུག །ཡིད་དུ་འོང་བའི་སྤོས་ངད་ཀུན་ནས་ལྡང་། །གླུ་དབྱངས་སྙན་པའི་སྒྲ་ཡང་ཐོས་པར་འགྱུར། །བསྔགས་པའི་ལྷ་དེ་ག་
D204.062.0091a04.01ལས་གར་འགྲོ་བ། །དེ་དང་དེར་ནི་གཟུགས་བཟང་རྣམས་ཀྱང་མཐོང་། །མི་སྡུག་གཟུགས་ངན་རྣམས་ཀྱང་མི་མཐོང་སྟེ། །རྒྱལ་བའི་མཆོད་རྟེན་མར་མེ་ཕུལ་བས་འགྱུར། །དེ་ནས་ཤི་འཕོས་མི་ཡི་སྲིད་པ་འདིར། །དྲན་དང་ལྡན་བཞིན་མ་ཡི་མངལ་ན་གནས། །བཙས་ནས་གང་ནས་ཤི་འཕོས་ཚེ་
D204.062.0091a05.01རབས་དྲན། །འཕགས་པའི་ཡེ་ཤེས་སྟོབས་ལས་ཉམས་མི་འགྱུར། །བདེ་གཤེགས་མཆོད་རྟེན་མར་མེ་ཕུལ་བྱས་པས། །དེ་ཡིས་ལས་བྱས་པ་ནི་དེ་ཉིད་ཀྱིས། །འཁོར་ལོས་སྒྱུར་བ་མི་བདག་སྟོབས་ཆེན་ལྡན། །ཡིད་འོང་གཟུགས་བཟང་བལྟ་ན་དགའ་བར་འགྱུར། །དེ་ཡིས་ལས་བྱས་པ་དེས་ཚེ་
D204.062.0091a06.01རིང་འགྱུར། །གཅིག་ཏུ་དག་པ་ཉིད་ཀྱི་བདེ་དང་ལྡན། །དེ་ཡི་ལུས་ནི་ནད་ཀྱིས་ཉོན་མི་མོངས། །མར་མེ་ཕུལ་བའི་རྣམ་སྨིན་དེ་ཡིན་ནོ། །བདེ་བར་གཤེགས་ལ་མར་མེས་མཆོད་བྱས་པས། །རྐུན་པོའི་གནོད་མེད་རྒྱལ་པོའི་ཆད་པ་མེད། །གཤེད་མ་མེད་ཅིང་ཆུང་མ་བྱི་ཕོ་མེད། །དེ་ཡི་ལས་ཀྱིས་
D204.062.0091a07.01