完整藏文原文 · 德格版页 当前仅加载第 62 函德格 83b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་གྲངས་མེད་པ་ཡོངས་སུ་བཟུང་བར་གྱུར་པའི་དོན་དེ་ནི་དེ་བཞིན་གཤེགས་པས་མཁྱེན་ཏེ། ཤཱ་རིའི་བུ་མར་མེ་དེ་ཙམ་དུ་ཆུང་ངུ་ཕུལ་བའི་རྣམ་པར་སྨིན་པ་ཡང་དཔག་ཏུ་མེད་ན། གང་གིས་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་དེ་བཞིན་གཤེགས་པའི་མཆོད་
D204.062.0083b01.01རྟེན་ལ་མཆོད་པ་ཁྱད་པར་ཅན་བྱེད་དམ་བྱེད་དུ་འཇུག་སྟེ། སྤོས་སམ། མེ་ཏོག་ཕྲེང་ངམ། གདུགས་སམ། བ་དན་རྣམས་སམ། གང་ཡང་རུང་བའི་མར་མེའི་ཕྲེང་བ་རྣམ་པ་མང་པོས་མཆོད་པ་ཁྱད་པར་ཅན་བྱེད་དམ་བྱེད་དུ་འཇུག་པ་ལྟ་སྨོས་ཀྱང་ཅི་དགོས། ཤཱ་རིའི་བུ་གཞན་ཡང་
D204.062.0083b02.01ཆོས་འདི་བཞི་ནི་དད་པས་རྟོགས་པར་བྱ་བ་ཡིན་ཏེ། བཞི་གང་ཞེ་ན། སངས་རྒྱས་ཀྱི་ཆོས་རྣམས་ནི་དཔག་ཏུ་མེད་དོ་སྙམ་དུ་དད་པས་རྟོགས་པར་བྱ་བ་དང་། དགེ་བའི་རྩ་བ་ཇི་ལྟར་ཆུང་ངུའི་རྣམ་པར་སྨིན་པ་ཡང་དཔག་ཏུ་མེད་པར་འགྱུར་བ་དད་པས་རྟོགས་པར་བྱ་བ་དང་། དཀོན་མཆོག་
D204.062.0083b03.01གསུམ་ལ་དད་པའི་ལས་མངོན་པར་འདུ་བྱེད་པའི་རྣམ་པར་སྨིན་པ་གང་ཡིན་པ་དེ་སྟོན་པ་མཐོང་བ། ཉན་ཐོས་ཁྱེད་ཀྱིས་ཀྱང་རྣམ་པ་ཐམས་ཅད་དུ་བསམ་པའམ། ཡོངས་སུ་བསམ་པར་མི་ནུས་ན། འཕགས་པའི་རིགས་ལ་མི་གནས་པ་གཞན་རྣམས་ཀྱིས་ལས་ཀྱི་རྣམ་པར་སྨིན་པ་
D204.062.0083b04.01མངོན་སུམ་དུ་ཤེས་པའམ། ཁོང་དུ་ཆུད་པར་ནུས་པ་ལྟ་ཅི་སྨོས་ཏེ་དེ་ནི་གནས་མེད་དོ། །གཞན་དུ་ན་དེ་ནི་དད་པས་རྟོགས་པར་བྱ་བ་ཡིན་པ་དང་། ཤཱ་རིའི་བུ་ཉན་ཐོས་རྣམས་ཀྱིས་སེམས་ཅན་ཐམས་ཅད་ཀྱི་ལས་ཀྱི་རྣམ་པར་སྨིན་པ་བསམ་པའམ་ཤེས་པར་མི་ནུས་ཏེ། ཤཱ་རིའི་
D204.062.0083b05.01བུ་ཁྱེད་རྣམས་གནས་འདི་ལ་བསམ་པ་དང་བྲལ་བར་གྱིས་ཤིག །དེ་ཅིའི་ཕྱིར་ཞེ་ན། ཤཱ་རིའི་བུ་སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པ་བསམ་གྱིས་མི་ཁྱབ་བོ་ཞེས་དེ་བཞིན་གཤེགས་པས་གསུངས་པའི་ཕྱིར་རོ། །ཤཱ་རིའི་བུ་སྔོན་གྱི་དེ་བཞིན་གཤེགས་པ་དགྲ་བཅོམ་
D204.062.0083b06.01པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཀྱང་སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པ་བསམ་གྱིས་མི་ཁྱབ་པོ་ཞེས་གསུངས་སོ། །ཤཱ་རིའི་བུ་མ་འོངས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱང་སེམས་ཅན་རྣམས་ཀྱི་
D204.062.0083b07.01