完整藏文原文 · 德格版页 当前仅加载第 62 函德格 88b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་དག་པ་དང་། ངག་ཡོངས་སུ་དག་པ་དང་། ཡིད་ཡོངས་སུ་དག་པ་དང་། མཛའ་བཤེས་ཡོངས་སུ་དག་པའོ། །ཤཱ་རིའི་བུ་རིགས་ཀྱི་བུའམ། རིགས་ཀྱི་བུ་མོ་དེ་སྐྱེ་བའི་གནས་དེ་དང་། དེ་དག་ཏུ་སྐྱེས་པ་ན་སྲོག་གཅོད་པ་སྤོང་བར་འགྱུར་ཏེ། དེ་སྲོག་གཅོད་
D204.062.0088b01.01པར་མི་བྱེད་དོ། །མ་བྱིན་པར་མི་ལེན་ཏོ། །འདོད་པས་ལོག་པར་གཡེམ་པ་སྤོང་བར་འགྱུར་ཏེ། རང་གི་ཆུང་མ་ལ་ཡང་ལོག་པར་མི་སྟེན་ཏོ། །འབྲུའི་ཆང་དང་། བཅོས་པའི་ཆང་བཏུང་བ་སྤོང་བར་བྱེད་དོ། །སེམས་ཅན་གང་ལ་ཡང་དབྱུག་པའམ། མཚོན་ནམ། བོང་བའམ།
D204.062.0088b02.01ཁུ་ཚུར་རམ། མཚོན་ཆར་གྱུར་པ་གང་ཡང་རུང་བས་རྣམ་པར་འཚེ་བར་མི་བྱེད་ཅིང་། དེ་སྡིག་པ་མི་དགེ་བའི་ཆོས་རྣམས་ལས་ལྡོག་པར་འགྱུར་ཏེ། ཤཱ་རིའི་བུ་དེ་དག་ནི་ལུས་ཀྱི་ཡོངས་སུ་དག་པ་ཞེས་བྱའོ། །དེ་ལ་ངག་གི་ཡོངས་སུ་དག་པ་གང་ཞེ་ན། དེ་{བརྫུན་,རྫུན་}དུ་སྨྲ་བ་སྤངས་
D204.062.0088b03.01པ་ཡིན་ཏེ། དེ་མ་མཐོང་བའམ། མ་ཐོས་པ་རྗོད་པར་མི་བྱེད་ལ། མཐོང་བ་དང་། ཐོས་པ་དྲིས་པ་ཡང་དུས་མ་ཡིན་པར་སྨྲ་བར་མི་བྱེད་དེ། དེ་མཐོང་བའམ། ཐོས་པ་དྲིས་ན་ཡང་དག་པར་སྨྲ་བར་བྱེད་དེ། དེ་བདག་གི་དོན་ནམ། གཞན་གྱི་དོན་དུ་ཡང་རུང་སྟེ་ལོག་པར་
D204.062.0088b04.01མི་སྨྲའོ། །གཞན་དག་གིས་{བརྫུན་,རྫུན་}དུ་སྨྲ་བ་བཅོལ་བའི་ཚེ་ཡང་དག་པར་ཤེས་ན་བདེན་པ་སྲུང་བར་བྱེད་དེ། ངག་གི་ཡོངས་སུ་མ་དག་པ་དེ་དག་སྤོང་བར་བྱེད་དོ། །དེ་དེ་དག་དབྱེ་བའི་ཕྱིར་འདི་ནས་ཐོས་པ་ཕ་བིར་མི་སྙོད། དེ་དག་དབྱེ་བའི་ཕྱིར་ཕ་བི་ནས་ཐོས་པ་འདིར་མི་སྙོད་དེ།
D204.062.0088b05.01འཐུན་པ་རྣམས་ནི་གཅུགས་པར་བྱེད་ཅིང་། བྱེ་བ་རྣམས་ལ་ནི་སྡུམས་བྱེད་དོ། །དེ་ངག་རྩུབ་པོ་སྤངས་པ་ཡིན་ཏེ། ངག་གང་ཞེར་འདེབས་པ། བརླང་བ། གཞན་ལ་རྩུབ་པ། གཞན་ལ་མི་བདེ་བ། མི་སྡུག་པ། མི་འདོད་པ། མི་དགའ་བ། ཡིད་དུ་མི་འོང་བ།
D204.062.0088b06.01གཞན་ལ་གནོད་པ། ཁོན་དུ་འཛིན་པའི་ངག་དེ་ལྟ་བུ་སྤངས་ནས། ངག་མཉེན་པ། འཇམ་པ། ཡིད་དུ་འོང་བ། བདེན་པ། རྣར་སྙན་པ། སྙིང་དུ་སྡུག་པ། མཛའ་བར་འགྱུར་བ། སྐྱེ་བོ་མང་པོ་མགུ་བ། སྐྱེ་བོ་མང་པོ་འདོད་པ། དགའ་བ། ཡིད་དུ་འོང་བ།
D204.062.0088b07.01