完整藏文原文 · 德格版页 当前仅加载第 62 函德格 88a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེར་མི་མོས། །རྒྱལ་ཕྲན་ཙམ་གྱིས་ཆོག་པར་དེ་འཛིན་ཅིང་། །སུ་དང་ཡང་ནི་འཐབ་ཏུ་འགྲོ་མི་བྱེད། །ཚེགས་འབྱུང་མེད་ཅིང་མྱ་ངན་མེད་པར་འགྱུར། །དེ་ཡི་སེམས་ལ་ཡོངས་སུ་ཡི་ཆད་མེད། །དེ་ལ་ཡིད་མི་ཆེས་པར་མི་འགྱུར་རོ། །བསམ་པ་ངན་དང་གནོད་པ་བྱེད་
D204.062.0088a01.01པ་མེད། །རྒྱལ་པོའི་ཕོ་བྲང་གང་དུ་དེ་སྨྲ་བ། །རྒྱལ་པོ་དང་ནི་རྒྱལ་འཁོར་གྲགས་པར་འགྱུར། །སྐྱ་རྦབ་ནད་ཀྱིས་ནམས་ཀྱང་དེ་མི་ཐེབས། །ཟ་མར་མི་འགྱུར་མ་ནིང་འགྱུར་མ་ཡིན། །ལེགས་པར་གནས་ཤིང་བདེ་དང་ལྡན་འགྱུར་ལ། །དེ་ཡི་ལུས་ལ་ནད་རྣམས་འབྱུང་མི་འགྱུར། །རྨི་
D204.062.0088a02.01ལམ་དུ་ནི་སྡིག་པ་མི་རྨི་ལ། །དེས་ནི་ཇི་ལྟར་སྟོན་པ་དེ་ཚེ་ཤེས། །དེས་ནི་ཡང་དང་ཡང་དུ་གཏེར་རྙེད་དེ། །བདེ་གཤེགས་མཆོད་རྟེན་མཆོད་པས་དེ་ལྟར་འགྱུར། །དེ་བཞིན་གཤེགས་པའི་མཆོད་རྟེན་ལ་མར་མེ་དབུལ་བ་ཕུལ་བས། སེམས་ཅན་དེ་ནི་འདུན་པ་བཞི་འཐོབ་སྟེ། བཞི་
D204.062.0088a03.01གང་ཞེ་ན། ལུས་ཀྱི་འདུན་པ་དང་། ལོངས་སྤྱོད་ཀྱི་འདུན་པ་དང་། རིགས་བཙུན་པར་སྐྱེ་བའི་འདུན་པ་དང་། ཤེས་རབ་འཐོབ་པ་སྟེ། ཤཱ་རིའི་བུ་དེ་བཞིན་གཤེགས་པའི་མཆོད་རྟེན་ལ་མར་མེ་དབུལ་བ་ཕུལ་བས་འདུན་པ་བཞི་པོ་དེ་དག་འཐོབ་པར་འགྱུར་རོ། །བཅོམ་ལྡན་འདས་ཀྱིས་
D204.062.0088a04.01དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས། དེ་བཞིན་དུ་སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ། །དྲང་སྲོང་ཆེན་པོའི་མཆོད་རྟེན་མར་མེ་ཕུལ། །དེ་ཡི་ལུས་རྫོགས་པ་དང་སྟོབས་ཆེར་འགྱུར། །དེ་ནི་ནམས་ཀྱང་རྩོད་པ་སྟེན་མི་བྱེད། །
D204.062.0088a05.01དབང་ཕྱུག་ཚུགས་པ་མེད་པ་ཕྱོགས་བཅུར་སྤྱོད། །དྲང་སྲོང་ཆེན་པོའི་མཆོད་རྟེན་མར་མེ་ཕུལ། །རྣམ་པར་གྲགས་པའི་ལོངས་སྤྱོད་ལྡན་པ་དང་། །ཡོན་ཏན་མཆོག་ལྡན་རབ་མཆོག་ཁྱིམ་དུ་སྐྱེ། །སྐྱེས་ནས་ཚེ་རབས་དྲན་པ་ཉིད་དུ་འགྱུར། །གཡོག་འཁོར་ཕུན་སུམ་ཚོགས་པ་མཆོག་
D204.062.0088a06.01ལྡན་འགྱུར། །སྲོག་ཆགས་རྣམས་ལ་རྟག་ཏུ་སྙིང་བརྩེ་བྱེད། །རྟག་ཏུ་མི་འཚེ་ཤིན་ཏུ་དེས་པར་འགྱུར། །རྣམ་ལྟུང་འགྲོ་བའི་ཁྱིམ་དུ་དེ་མི་སྐྱེ། །ཤཱ་རིའི་བུ་དེ་བཞིན་གཤེགས་པའི་མཆོད་རྟེན་ལ་མར་མེ་དབུལ་བ་ཕུལ་བས་ཡོངས་སུ་དག་པ་བཞི་འཐོབ་སྟེ། བཞི་གང་ཞེ་ན། ལུས་
D204.062.0088a07.01