完整藏文原文 · 德格版页 当前仅加载第 79 函德格 265a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱེར་ལྡན། །དུས་ཀྱི་རྒྱལ་པོ་འོད་གསལ་བ། །ཆུ་འཛིན་ཕྱོགས་ཙམ་ཕྱེད་ལྡན་ཉིད། །སྒྲ་དང་སྒྲ་ལས་ཁྱབ་པ་སྟེ། །དུ་མ་མ་ཡིན་གནས་པའི་ཡུལ། །དམ་ཚིག་གསང་བ་འབྱུང་བ་ལས། །རྒྱལ་བ་རིན་ཆེན་འབར་བའི་གཙོ། །ཕྱོགས་དུས་མེད་པར་རང་བྱུང་བ། །ཆོས་འབྱུང་
D416.079.0265a01.01ཕོ་བྲང་དཀྱིལ་འཁོར་དུ། །རིགས་ཀྱི་ཡོན་ཏན་ལྡན་པར་ནི། །ནམ་མཁའི་རྒྱ་མཚོ་འབྲས་ལྡན་པ། །ཕུན་སུམ་ཚོགས་པ་ལྷུན་གྱིས་གྲུབ། །མི་ཕྱེད་ལྷན་ཅིག་སྐྱེས་པ་རྒྱལ། །ཕོ་བྲང་གསང་བའི་གཞལ་ཡས་ཁང་། །དཀྱིལ་འཁོར་རིན་ཆེན་འོད་འཁྲུག་པ། །གེ་སར་པདྨའི་དབུས་སུ་ནི། །ཀུན་
D416.079.0265a02.01ནས་ཟླུམ་པོར་འཁོར་བ་ནི། །ཚད་མེད་ཕྲེང་བས་བརྒྱན་པ་ནི། །བཀོད་པ་དཔག་མེད་རིམ་པར་ལྡན། །རི་རབ་ལྷུན་པོ་མཆོག་བྱུང་བའི། །དེ་ཉིད་ཀུན་ནས་ཡོངས་བསྐོར་བའི། །རྒྱ་མཚོ་དང་ནི་རི་རྣམས་ཏེ། །ཤིན་ཏུ་མཉམ་ཞིང་མཚུངས་པར་འཁོར། །དེ་ཉིད་རིམ་པ་ཡོངས་སུ་བརྟན། །བྱེ་བྲག་མཚུངས་
D416.079.0265a03.01མེད་དམར་ཆེན་མཚོ། །རིམ་པས་ཆུ་གཏེར་འོ་མའི་གནས། །འབྱུང་བ་བསྡུས་པ་མི་ལུས་ཀྱི། །ཕུང་པོ་རུས་པའི་རི་བོ་ལ། །ཕྱི་ནང་མཉམ་པའི་ཚང་ཅན་གྱི། །ལྷུན་གྱིས་གྲུབ་པར་བསྟན་པ་ཡིན། །དེ་ལས་དངོས་པོ་སྣ་ཚོགས་ཀྱིས། །ཐ་དད་སྣང་བ་ཡེ་ཤེས་གཟུགས། །རང་བྱུང་བདེ་བ་ཆེན་པོ་
D416.079.0265a04.01ཉིད། །མཉམ་པ་མེད་པ་ཀུན་ཏུ་འབྱུང་། །དུས་གསུམ་དེ་བཞིན་གཤེགས་པ་ཡི། །འབྱུང་གནས་སྙིང་པོ་རྡོ་རྗེའི་གདན། །རྡོ་རྗེ་སྐྱིལ་ཀྲུང་མི་ཕྱེད་ལས། །ཐོག་མཐའ་མེད་པའི་རང་བཞིན་ཅན། །གསང་བ་ཆེན་པོའི་རིགས་དག་པའི། །འདོད་ཆགས་རྡོ་རྗེའི་སྐུར་ལྡན་པ། །ལྷོ་ཕྱོགས་བྱ་རྐང་རི་དང་
D416.079.0265a05.01ནི། །དཔལ་གྱི་རིལ་མདུན་ཕྱོགས་པ། །དྷཱ་ན་ཀ་ཊ་པར་པ་ཏ། །པདྨ་གེ་སར་རྒྱས་པའི་དབུས། །ཆོས་ཀྱི་འབྱུང་གནས་རྟག་པར་གནས། །དཔལ་ལྡན་དགའ་བའི་ཁང་པ་བརྩེགས། །གསང་བ་སྔགས་ཀྱི་རྒྱ་མཚོ་ཡི། །མ་ལུས་རྒྱལ་བ་བགྲོད་པའི་ཡུལ། །གསང་བ་ཆོས་ཀྱི་དབྱིངས་ཆེན་
D416.079.0265a06.01བོ། །དཔལ་ལྡན་རྒྱུ་སྐར་དཀྱིལ་འཁོར་དུ། །ཀླ་ཀློའི་ཡུལ་གྱི་མི་རྣམས་དང་། །ལྷ་དང་ལྷ་མིན་དྲི་ཟར་བཅས། །གསང་ཆེན་ཡོངས་སུ་རྫོགས་པ་ཡི། །རང་བྱུང་ཡེ་ཤེས་ཕོ་བྲང་དུ། །ཚངས་དབང་ཁྱབ་འཇུག་དབང་ཕྱུག་བདག །དཀྱིལ་འཁོར་སྒོ་བཞོར་བཅུག་ནས་ཀྱང་། །སྐྱེ་བོ་ཆགས་ཅན་
D416.079.0265a07.01