完整藏文原文 · 德格版页 当前仅加载第 79 函德格 283b 版页；藏文 NFD、目录标记与异常页序保留在来源切片中，重复版页行以稳定序号区分。
ཀུ་ལི་ཡི་ཕྲེང་། །ཡང་ན་ཁ་བད་མཛེས་པའི་རྒྱན། །ཆོས་འཁོར་{རི་དགས་,རི་དྭགས་}གདུགས་དང་བཅས། །ཐོད་སྐམ་པདྨའི་ཕྲེང་བར་ལྡན། །དུར་ཁྲོད་བརྒྱད་ཀྱིས་ཡོངས་སུ་འཁོར། །རྡོ་རྗེ་མེ་འོད་འབར་བས་འཁྲིགས། །དམ་ཚིག་ཡེ་ཤེས་གཉིས་མེད་པའི། །གསང་སྔགས་ཉེ་བ་
D416.079.0283b01.01སྔགས་པར་གནས། །བརྟན་ཞིང་མཆོད་ལ་གསོལ་བ་གདབ། །ཉེ་བར་བརྒྱན་ཅིང་ཡོངས་སུ་བསྐོར། །དེ་ནས་སློབ་དཔོན་བདག་འཇུག་བྱ། །སྦྱིན་སྲེག་ལས་ནི་རབ་ཏུ་ཤིས། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་གསང་བ་ཆེན་པོའི་དཀྱིལ་འཁོར་
D416.079.0283b02.01གསལ་བར་བྱེད་པའི་ལེའུ་སྟེ་བཅུ་བདུན་པའོ།། །།དེ་ནས་གཞན་ཡང་རྣམ་བཤད་བྱ། །ཡང་ན་ལེ་ཚེ་དགུ་ལྡན་པའི། །པདྨ་འདབ་བརྒྱད་ཕྱི་རོལ་དུ། །མུ་ཁྱུད་འཁོར་ལོ་རིམ་གསུམ་ལ། །ཨེ་དབྱིབས་ཞིང་སྐྱོང་རིམ་པ་དགོད། །ལྷ་དང་ས་བོན་ཕྱག་མཚན་ནི། །
D416.079.0283b03.01སྐུ་གསུང་ཐུགས་ཀྱི་ཕྱག་རྒྱས་མཚན། །སློབ་མ་ཁྲུས་བྱས་རྒྱན་བཏགས་ཏེ། །མཎྜལ་མེ་ཏོག་ཕྱག་བྱ་ཞིང་། །རས་ཀྱིས་མིག་ནི་བཀབ་ནས་སུ། །དང་པོར་མེ་ཏོག་དོར་བར་བྱ། །མཚན་མ་མཐོང་བས་ལེགས་པར་དྲང་། །སྒོ་བཞི་ནས་ནི་ནང་འཇུག་ཅིང་། །གུ་གུལ་བདུག་ཅིང་
D416.079.0283b04.01ཏིང་འཛིན་གྱིས། །ནག་པོ་ཆེན་པོའི་ལྷ་ཚོགས་ཀྱང་། །ངེས་པར་སྤྱན་དྲངས་བསྟིམ་པར་བྱ། །དེ་ལས་ངེས་པར་རྟགས་རྣམས་བྱུང་། །ཡང་ན་སོ་སོའི་མགོན་པོར་བསྐྱེད། །ཡེ་ཤེས་སེམས་དཔའ་བྱིན་གྱིས་བརླབ། །བླ་མ་དཀྱིལ་འཁོར་གཙོ་བཅས་ལས། །འོད་འཕྲོས་རང་
D416.079.0283b05.01བྱིན་བརླབས་པར་གྱུར། །མཐོང་བ་དྲི་དང་བདུད་རྩིས་གཏོར། །གདོང་གཡོགས་བཀྲོལ་ཞིང་ལྷ་ངོ་བསྟན། །དེ་ནས་དབང་པོའི་བྱེ་བྲག་གིས། །ངེས་པར་རིམ་པས་དབང་བསྐུར་ཏེ། །བསྟན་པ་འཛིན་ཅིང་བསྟན་པ་སྐྱོང་། །བསྟན་པ་སྲུང་བར་བྱེད་པ་ཡི། །སངས་རྒྱས་བསྟན་པ་
D416.079.0283b06.01འཕེལ་མཛད་པ། །སྐུ་ཡི་མགོན་པོ་འཁོར་བཅས་ཀྱིས། །བླ་མེད་དངོས་གྲུབ་སྦྱིན་པའི་ཕྱིར། །ཡང་དག་ཡེ་ཤེས་དབང་བསྐུར་རོ། །སྐུ་གསུང་ཐུགས་དང་ཡོན་ཏན་དང་། །ཕྲིན་ལས་ལྷ་ཡི་ཁྱད་པར་རོ། །མེ་ལོང་ཡེ་ཤེས་དབང་ཉིད་ཅན། །རྡོ་རྗེ་རིགས་ཀྱི་མགོན་པོ་ཡིས། །
D416.079.0283b07.01