完整藏文原文 · 德格版页 当前仅加载第 79 函德格 270a 版页；藏文 NFD、目录标记与异常页序保留在来源切片中，重复版页行以稳定序号区分。
མ། གྷ་མ་གྷ་མ་ཨྃ་ཀ་མ། དྷ་དྷ་ཤ་རི་དྷ་རྃ། །ས་ནི་ས་ས་ས་ནི་ག་མ་ས་ས་ས། །རིག་མོ་བུམ་ཏེ་ས་རི་ས་ར་ས་རི་རི་ས་ནི་ཤ། །མ་ཧཱ་མ་ཨ་དྷ་མ་ས་ས། །ཤྲུ་ཏྲ་ནི་སཱ་ས་སཱ། །ས་ནི་ས་རི་ཏ་གྷམ་ཨྃ་གྷྃ། །ཨ་ཏ་མ་ཏ་ཡ། །ས་སཱ་པ་པ། །མ་ཡ་ཨ་བ་ས་དྷཻ་ན་ཨ་ཨི།
D416.079.0270a01.01དེ་ལྟར་བསྐུལ་བར་གྱུར་པ་ལས། །དེ་ལྟར་ཉེ་བར་གསན་ནས་ནི། །ཐུགས་རྗེའི་ངང་ལས་བཞེངས་མཛད་དེ། །ནག་པོ་གསང་བའི་བུ་དང་བཅས། །ཤིན་ཏུ་འཇིགས་ཤིང་འབར་བའི་སྐུ། །བདུད་འདུལ་ཆེན་པོ་རྒྱན་དང་བཅས། །སྤྲོ་བ་དང་ནི་བསྡུ་བར་མཛད། །དེ་ཉིད་བརྟན་དང་
D416.079.0270a02.01མཉེས་པར་མཛད། །སྐུ་གསུང་ཐུགས་ནི་རྒྱས་གདབ་ཅིང་། །ཡེ་ཤེས་གཞུག་དང་དབང་བསྐུར་དང་། །བྱིན་གྱིས་བརླབས་དང་མཆོད་པ་དང་། །སྔགས་ཀྱིས་བསྟེན་ཕྱེད་བཟླས་པ་བྱ། །བདུད་རྩི་མྱང་དང་བསྟོད་ཅིང་བསྐུལ། །ཏིང་འཛིན་དོན་བསམ་ཉེར་བསྡུ་བྱ། །དེ་ནས་ལྡང་
D416.079.0270a03.01བར་གྱུར་པ་ན། །གཉིས་པ་ལྷ་རྣམས་ཐམས་ཅད་ཀུན། །སྐད་ཅིག་གིས་ནི་རྫོགས་བྱ་སྟེ། །དེ་ཡི་ངང་ལ་ཏིང་ངེ་འཛིན། །གསང་བ་ཁྱད་པར་རྫོགས་པར་བྱ། །རྣམ་རྟོག་བག་ཆགས་ཀྱིས་བཅིངས་ལ། །རྟོག་པ་དག་པའི་ཐབས་མཆོག་ལྡན། །རྣམ་རྟོག་རང་བཞིན་ཡོངས་ཤེས་ན། །
D416.079.0270a04.01དེ་ཉིད་ཐོབ་ཏུ་མེད་པ་སྟེ། །བདེ་བ་ཆེན་པོ་ཡང་དག་འབྱུང་། །ཆགས་པ་མེད་པས་ཀུན་དུ་སྤྱད། །འདི་དེའི་རང་བཞིན་རྣལ་འབྱོར་བ། །རིག་མ་རྣམས་ལ་རོལ་བྱེད་ནའང་། །དེ་ཉིད་ཤེས་ལ་བཅིང་མེད་དེ། །རྣམ་པར་རོལ་བའི་ཚུལ་མཆོག་གོ། །དཔལ་མགོན་པོ་ཆེན་པོ་དངོས་
D416.079.0270a05.01གྲུབ་འབྱུང་བའི་རྒྱུད་ལས་གསང་བ་ལྷའི་གནས་མངོན་པར་འབྱུང་བའི་ལེའུ་སྟེ་ལྔ་པའོ།། །།དེ་ནས་ཡང་དག་བཤད་བྱ་བ། །གང་དུ་སྔགས་ཀྱི་ཡི་གེ་དང་། །བཟང་པོའི་སྔགས་ཀྱི་ཕྲེང་བ་འདི། །རྫ་རྔ་བཅིངས་པ་ལས་ཤེས་བྱ། །རེ་མིག་བདུན་པའི་གྲངས་
D416.079.0270a06.01ཀྱིས་ནི། །ཀུན་ནས་མཉམ་པར་དགོད་པར་བྱ། །མཁས་པས་དབྱངས་དང་གསལ་བྱེད་ནི། །སྡེ་ཚན་རིམ་པས་ཕྱེ་བ་ཉིད། །ཀུན་ནས་བསྐོར་བའི་ཚུལ་གྱིས་ནི། །རིམ་པ་བཞིན་དུ་བཏུ་བར་བྱ། །སྡེ་ཚན་དྲུག་པའི་ལྔ་པ་ནི། །ཧ་ཡི་འོག་ནས་གནས་པ་བླང་། །ཨུསྨ་ཡི་
D416.079.0270a07.01