完整藏文原文 · 德格版页 当前仅加载第 79 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་རྒྱས་པར་བྱེད། །བསྙེན་པའི་དུས་སུ་རང་ལྷ་ཡི། །ཧེ་རུ་ཀར་ནི་གནས་པ་ཡི། །མདུན་དུ་བཀའ་སྡོད་དམ་ཚིག་གི། །མགོན་པོ་ཕྱག་བཞི་བསྒོམ་པར་བྱ། །དེ་ནས་ཐུགས་ཀའི་རང་སྔགས་ལས། །འོད་འཕྲོས་འཁོར་བའི་བཟླས་པ་ལས། །ཁྱད་པར་དུ་ནི་སྒྲ་བཅས་དང་། །ཤིན་ཏུ་དལ་བར་
D416.079.0266b01.01བཟླས་པ་བྱ། །ཉེ་བར་བསྙེན་པའི་དུས་སུ་ནི། །བདག་ཉིད་ཧེ་རུ་ཀ་ལས་ནི། །ཧཱུྃ་ཕྱུང་མདུན་དུ་འོད་འཕྲོས་པས། །བསྐྱེད་ཅིང་མཐར་ནི་ཉེ་བར་བསྡུ། །སྒྲུབ་པའི་དུས་སུ་མགོན་པོ་ཡི། །རྒྱས་འདེབས་སྤྱི་བོར་ཧེ་རུ་ཀ། །དེ་ཉིད་གསང་སྔགས་ཕྱོགས་བཅས་པ། །དེ་ཉིད་སེམས་དཔའ་སུམ་
D416.079.0266b02.01བརྩེགས་བསམ། །གསང་བ་ཞིང་སྐྱོང་རྒྱལ་པོ་ཆེ། །ཆོ་ག་གསུམ་གྱིས་སྒྲུབ་པའི་ཚུལ། །འཇིག་རྟེན་འཇིག་རྟེན་འདས་པའི་བདག །ཐམས་ཅད་བདེ་ཆེན་གནས་པ་ལ། །དུས་གསུམ་འཁོར་ལོ་གསུམ་དུ་གནས། །བརྟུལ་ཞུགས་འཛིན་པས་འཐོབ་པར་འགྱུར། །སྒྲུབ་པ་ཆེན་པོ་བླ་ན་མེད། །ཡེ་
D416.079.0266b03.01ཤེས་མགོན་པོ་ཆེན་པོ་ཉིད། །ཁྭ་གདོང་ལ་སོགས་ལྷ་མོ་བརྒྱད། །རིམ་པ་བཞིན་དུ་ཡོངས་སུ་བསྐོར། །དཀྱིལ་འཁོར་ཕོ་བྲང་དབུས་སུ་ཡང་། །དུར་ཁྲོད་དུ་ནི་མགོན་པོ་རོལ། །འཇིག་རྟེན་གསུམ་ན་རྙེད་དཀའ་བ། །དམ་ཚིག་སྤྱོད་པའི་རང་བཞིན་ནི། །རྟག་ཏུ་རང་སྔགས་སྦས་པ་སྟེ། །རབ་ཏུ་
D416.079.0266b04.01འབད་དེ་གསང་བར་བྱའོ། །ཕྲིན་ལས་ཁྱད་པར་གང་ཡིན་པ། །ལས་ལ་སྦྱོར་བ་རིམ་ཤེས་བྱ། །རེངས་པར་བྱེད་དང་སྐྲོད་པ་དང་། །རྨུགས་པར་བྱེད་དང་བརྒྱལ་དུ་འཇུག །རྣམ་པར་རྨོངས་དང་ལྐུགས་པར་བྱེད། །དུག་གིས་འཛིན་དང་འོན་ལོང་དང་། །རང་ཤ་རང་གིས་ཟ་བྱེད་ཅིང་། །གཤིས་
D416.079.0266b05.01དན་དུག་དང་ཁྲག་ཏུ་སྐྱུག །འདི་དག་དུས་མིན་འཆི་བྱེད་པ། །ལས་ཀྱི་ཁྱད་པར་ཡོངས་སུ་བསྟན། །ཆར་དབབ་པ་དང་སྤྲིན་དྲལ་དང་། །ཐོག་དང་སེར་བ་དབབ་པ་དང་། །རང་ཕྱོགས་སུ་ནི་བཟློག་ཅིང་བསྲུང་། །བྱད་ཀ་བཟློག་དང་ངག་བཅིང་དང་། །ནུས་པ་གཞོམ་དང་ཆོ་འཕྲུལ་དང་། །ཕྲན་
D416.079.0266b06.01ཚེགས་ལས་ཀྱི་གསང་བའོ། །ཐབས་ནི་ལས་ཀྱི་རིམ་པ་སྟེ། །རྟེན་གྱི་གང་ཟག་འགའ་ཞིག་གིས། །དང་པོར་བླ་མ་མཉེས་པར་བྱ། །གཉིས་པར་དབང་བཞི་ཐོབ་པ་དང་། །གསུམ་པར་བྱིན་གྱིས་བརླབས་ནས་ནི། །བཀའ་བསྒོའི་རྗེས་གནང་ཚུལ་བཞིན་དུ། །མ་ནོར་འཇུག་པའི་{གོ་རིམས་,གོ་རིམ་}ཤེས། །
D416.079.0266b07.01