完整藏文原文 · 德格版页 当前仅加载第 79 函德格 284a 版页；藏文 NFD、目录标记与异常页序保留在来源切片中，重复版页行以稳定序号区分。
དཀྱིལ་འཁོར་ཆེན་པོའི་ནང་དུ་ནི། །ཞེ་སྡང་དག་པས་དབང་བསྐུར་རོ། །མཉམ་ཉིད་སོ་སོར་རྟོག་པ་དང་། །བྱ་བ་ནན་ཏན་ཆོས་ཀྱི་དབྱིངས། །ཡེ་ཤེས་ལྔ་ཡི་རིགས་ཀྱི་གཙང་། །ངེས་པར་དབང་བསྐུར་བསྟན་པར་བྱ། །ཕྲིན་ལས་བཞི་ཡི་དབང་ཡང་
D416.079.0284a01.01བསྐུར། །ལྷ་མོ་བརྒྱད་ཀྱིས་ལས་རྣམས་འགྲུབ། །བུམ་པ་སྤྱི་བོར་བྱིན་པ་དང་། །ཐོད་པའི་བདུད་རྩི་བླུགས་པ་ཡིས། །གསང་བ་བདེ་ཆེན་ཡེ་ཤེས་ཉིད། །རང་བྱུང་དྲི་མེད་དབང་བསྐུར་བའོ། །དེ་རྗེས་བྷ་ལིྃ་གཏད་པ་ཡིས། །ནུས་པ་ཐོགས་མེད་སྦྱིན་བྱེད་ཡིན། །སྐུ་གསུང་
D416.079.0284a02.01ཐུགས་ཀྱི་གསང་བ་མཆོག །ལྷ་དང་སྔགས་ཀྱི་ཟབ་པའི་ཆོས། །ཏིང་འཛིན་ཆེན་པོའི་ཕྱག་རྒྱ་ཆེ། །འདི་ཉིད་དངོས་གྲུབ་ཀུན་གྱི་གཏེར། །ཟབ་ཅིང་རྒྱ་ཆེའི་དོན་སྒྲུབ་པ། །སྐལ་བ་ཅན་ལ་སྦྱིན་པར་འོས། །ཧེ་རུ་ཀ་དང་ནག་པོ་ཆེ། །བླ་མ་ཐ་དད་མེད་པ་ལ། །ཚོགས་ཀྱི་འཁོར་
D416.079.0284a03.01ལོས་ལེགས་མཆོད་ཅིང་། །ཞབས་ལ་གཏུགས་ལ་སྨོན་ལམ་གདབ། །འདི་ནི་ཐོབ་པར་ཐེ་ཚོམ་མེད། །ཕྲིན་ལས་ཀུན་དུ་གྲུབ་སྟེར་བྱེད། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་དབང་བསྐུར་ཞིང་བྱིན་གྱིས་བརླབས་པའི་ལེའུ་སྟེ་{བཅྭ་,བཅོ་}བརྒྱད་པའོ།། །།
D416.079.0284a04.01དེ་ནས་གཞན་ཡང་བཤད་བྱ་བ། །དཔལ་ལྡན་མགོན་པོ་དེ་ཉིད་ཀྱི། །ཕྱོགས་བཞི་ཡོངས་སུ་སྐྱོང་བ་ཡི། །རྒྱལ་པོ་ཆེན་པོ་རྣམ་པ་བཞི། །ཤར་ཕྱོགས་ནས་ནི་ཡུལ་འཁོར་སྲུང་། །ལྷོ་ཕྱོགས་ནས་ནི་འཕགས་སྐྱེས་པོ། །ནུབ་ཕྱོགས་ནས་ནི་སྤྱན་མི་བཟང་། །བྱང་ཕྱོགས་ནས་ནི་
D416.079.0284a05.01རྣམ་ཐོས་སྲས། །སངས་རྒྱས་བསྟན་པ་སྲུང་བྱེད་པ། །འདི་ཉིད་གྲུབ་པ་སྟེར་བྱེད་པའོ། །རབ་ཏུ་དབེན་ཞིང་གཙང་བ་དང་། །བཀྲ་ཤིས་ཉམས་དགའི་ས་ཕྱོགས་སུ། །རྣམ་ཐོས་སྲས་ནི་བསྒྲུབ་པར་བྱ། །ས་གཞི་བ་ཡི་ལྕི་བས་བྱུག །དྲི་{བཟངས་,བཟང་}ཙན་དན་དཀར་དམར་དང་། །ཨ་ག་རུ་
D416.079.0284a06.01དང་དུ་རུ་ཀ། །ཁ་ཆེ་གི་ཧང་སྣ་ཚོགས་སྨན། །བསྲེག་ཅིང་ཚོགས་པའི་སྨན་དུ་བྱ། །མཎྜལ་གྲུ་བཞི་མདའ་གང་བ། །དཀྱིལ་འཁོར་སྒོ་བཞི་རྟ་བབས་དང་། །རིན་ཆེན་ཁང་པ་ཡིད་འོང་བ། །ཕོ་བྲང་རིན་ཆེན་ལས་གྲུབ་པ། །སྣ་ཚོགས་པདྨ་རིན་ཆེན་གླིང་། །གཏེར་དང་དཔག་
D416.079.0284a07.01