完整藏文原文 · 德格版页 当前仅加载第 79 函德格 272a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་སྦྱར་བར་བྱ། །ཚ་ཡི་སྟེང་མ་ཕ་ཐོག་དྲུང་། །ཥ་ཡི་ཐོག་མ་དྲུང་དུ་གནས། །དེ་ནི་ཟུང་དུ་སྦྱར་བར་བྱ། །མ་སྟེང་གནས་པ་ས་ཐོག་དྲུང་། །ཉིས་འགྱུར་རིམ་པར་ཤེས་པར་བྱ། །ཤ་ཐོག་གནས་པ་ཝ་ཐོག་དྲུང་། །ལན་གཉིས་སུ་ནི་བརྗོད་པར་བྱ། །ཀ་འོག་
D416.079.0272a01.01གནས་པ་ཕ་སྟན་པ། །བ་འོག་སྟན་དུ་བྱས་པ་ཉིད། །ཉིས་འགྱུར་དག་ཏུ་ཤེས་པར་བྱ། །བྷ་སྟེང་གནས་པ་ཊ་སྟེང་དྲུང་། །ཥ་ཡི་འོག་མ་སྟན་དུ་བྱས། །ཤའི་སྟེང་ཌ་ཡི་འོག་མས་བརྒྱན། །དྷ་འོག་ཨི་ཐོག་སྟན་དུ་སྦྱར། །ཕ་ཡི་སྟེང་མ་དྲུང་དུ་བཞག །ཧ་ཡི་འོག་མ་ཎ་འོག་ལྡན། །
D416.079.0272a02.01ཕ་ཐོག་དྲག་པོར་འགྱུར་བའོ། །ཤ་སྟེང་ཐ་ཡི་འོག་མས་བརྒྱན། །འདི་ཉིད་རིམ་པ་མངོན་སྤྱོད་པའི། །མཱ་ར་ཡ་ཡི་ཐོག་མར་སྦྱར། །མ་ཡི་སྟེང་གནས་རི་འོག་སྦྱར། །ཉིས་འགྱུར་ཐིག་ལེ་ནཱ་དས་བརྒྱན། །ཙ་ཡི་སྟེང་ན་གནས་པ་ལ། །ཨི་ཡི་སྟེང་མ་བརྒྱན་པ་དྲུང་། །བྷ་ཐོག་ཐ་
D416.079.0272a03.01ཐོག་གནས་པ་སྦྱར། །དེ་ལ་ཉ་ཡི་འོག་མས་བརྒྱན། །མ་སྟེང་གནས་པ་ཉ་འོག་ནི། །ཡང་དག་སྟན་དུ་བྱ་བའོ། །འདི་ནི་དྲི་མེད་བདེ་བའི་གཏེར། །སྙིང་པོ་གསང་སྔགས་འདི་ཉིད་ནི། །གང་དུ་གནས་པའི་ས་ཕྱོགས་སུ། །ནག་པོ་ཆེན་པོ་འཁོར་དང་བཅས། །མ་ལུས་ཞིང་སྐྱོང་འཁོར་
D416.079.0272a04.01དང་བཅས། །དུར་ཁྲོད་རོ་ལ་ཅེ་སྦྱང་དང་། །ཤ་ཟའི་ཚོགས་རྣམས་འདུ་བ་བཞིན། །ངེས་པར་འདུ་བར་བྱེད་པ་སྟེ། །བསྟན་པ་རྒྱ་མཚོ་སྲུང་བྱེད་པའོ། །དཔག་ཚད་བརྒྱད་ཁྲིའི་བར་དུ་ནི། །དེ་ཡི་བགེགས་རྣམས་མ་ལུས་པ། །ཏིལ་འབྲུ་ཙམ་དུ་བྱེད་པར་མཛད། །སྙིང་པོ་འདི་ནི་ཟློས་བྱེད་
D416.079.0272a05.01ཅིང་། །གང་དུ་ཉི་མ་གཅིག་ཏུ་ཡང་། །མ་ཆད་མངོན་པར་སེམས་པ་ཡི། །ཧེ་རུ་ཀ་དཔལ་རྣལ་འབྱོར་ལ། །འཇིགས་པ་ཀུན་ལས་སྲུང་བ་དང་། །ཞི་བ་དང་ནི་རྒྱས་པ་དང་། །དེ་བཞིན་དབང་དང་མངོན་སྤྱོད་ལ། །ཐོགས་པ་མེད་པར་འགྲུབ་པར་འགྱུར། །ཇི་སྲིད་མཚན་མ་མ་བྱུང་གི། །
D416.079.0272a06.01བར་དུ་འབད་དེ་བསྒྲུབ་པར་བྱ། །མཚན་མ་བྱུང་ནས་བླ་མ་ཡི། །མན་ངག་བཞིན་དུ་ལས་ལ་སྦྱར། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་གསང་བ་སྔགས་ཀྱི་ལེའུ་སྟེ་དྲུག་པའོ།། །།དེ་ནས་གཞན་ཡང་བཤད་བྱ་བ། །ཡང་དག་ཡེ་ཤེས་བསྐྱེད་པ་པོ། །
D416.079.0272a07.01