完整藏文原文 · 德格版页 当前仅加载第 79 函德格 280a 版页；藏文 NFD、目录标记与异常页序保留在来源切片中，重复版页行以稳定序号区分。
ན། །འཆི་དང་སྨྱོ་བར་འགྱུར་བར་ནི། །ཐེ་ཚོམ་ཡོད་པ་མ་ཡིན་ནོ། །{ཡི་དགས་,ཡི་དྭགས་}སམ་ནི་དགྲ་བོ་གང་། །གྲོ་ག་ལ་ནི་གཟུགས་བྲིས་ལ། །སྙིང་གར་སྔགས་འདིས་བསྐོར་བར་བྱ། ཨོྃ་བཛྲ་མ་ཧཱ་ཀཱ་ལ་ཆེ་གེ་མོ་མཱ་ར་ཡ་ཧཱུྃ་ཧཱུྃ་ཕཊ། ཅེས་པའི་སྔགས་བྲིས་གཏོར་མར་གཞུག །
D416.079.0280a01.01དེ་ནས་བསྒྲུབ་སྔགས་བཟླས་པར་བྱ། །དེ་ཡི་རྗེས་ལ་གཏོར་མ་དབུལ། །མགོན་པོ་ནག་པོ་འཁོར་བཅས་ལ། །ཤ་ཁྲག་རྐང་སོགས་བསྟབས་བྱས་ནས། །གཏོར་མས་བསད་པས་བསྒྲལ་བྱ་སྟེ། །དམིགས་པར་བྱ་བ་མྱུར་དུ་བརླག །གཞན་ཡང་གདུག་པ་ཕ་རོལ་ཏེ། །ནུས་པ་ཅུང་ཟད་ཡོད་
D416.079.0280a02.01གྱུར་ན། །རང་ཤེད་རང་ལ་དབབ་པའི་ཕྱིར། །ངག་མནན་སྦྱོར་བ་འདི་ལྟར་བྱ། །གྲོ་ག་འམ་ནི་རོ་རས་ལ། །ཁྲག་དང་དུག་དང་བདུག་པ་ཡིས། །གཟུགས་ནི་ལྕེས་ཁེངས་སྔགས་བྲི་བ། །སྟམྦྷ་མིང་སྤེལ་ལྡན་པ་བསྐོར། །ཕྱིན་ཅི་ལོག་ཏུ་དྲིལ་ལ་བཅིང་། །ཟག་པའི་རྫས་སོགས་ས་
D416.079.0280a03.01ལ་ནི། །ཚ་ཚ་བྱས་པའི་ནང་བཅུག་ལ། །བསྟིམ་ཞིང་མནན་ལ་མདུན་བྱས་ལ། །རྣལ་འབྱོར་སྤྲོ་བསྡུ་ཕྱག་རྒྱ་བཅིང་། །ཐུན་གྱིས་བྲབས་ལ་བཟླས་པ་བྱ། །ལས་བཅོལ་ཞག་བདུན་ཐུན་བཞིར་བྱ། །དེ་ལ་སྔར་བཞིན་བྱས་ནས་ནི། །གནོད་པའི་ས་ཕྱོགས་དག་ཏུ་མནན། །མྱུར་དུ་
D416.079.0280a04.01འགྲུབ་པར་ཐེ་ཚོམ་མེད། །ཐོད་པ་འམ་ནི་སྣོད་གཞན་དུ། །སྦྱིན་སྲེག་བྱས་པའི་ཐལ་བ་དེ། །ཐུན་རྫས་ཀྱིས་བྲབ་ལིངྒར་བཅས། །ཡང་ན་དྲག་པོ་ཀླུ་ལ་གཏད། །གྲུ་གསུམ་དོང་བཅུག་བརྫི་བར་བྱ། །ཁ་བཅད་ནས་ནི་དྲག་པོ་ཡི། །ངེས་པར་ཐོབ་པར་ཐེ་ཚོམ་མེད། །དེ་ལྟར་ལས་
D416.079.0280a05.01ལ་སྦྱོར་དུས་སུ། །ཉེས་པ་བསྒོ་བའི་ཐབས་ཤེས་ནས། །སྲུང་བྱེད་ཉེས་པ་འདི་ལྟར་བསྒྲག །བསྟན་པ་འཇིག་པར་བྱེད་པ་ཡི། །དགྲ་བོ་སྲུང་བྱེད་ལྷ་ཁྱོད་ཉོན། །གདུག་པའི་སེམས་ལྡན་དགྲ་འདི་ཡིས། །དཀོན་མཆོག་བླ་མ་ལ་སྨོད་ཅིང་། །རྣལ་འབྱོར་ལ་སྡང་སེམས་ཅན་འཚེ། །སྒྲུབ་
D416.079.0280a06.01པ་པོ་ལ་བརྙས་གྱུར་པས། །དཔག་ཚད་སྟོང་དུ་ལྷུང་བ་ཡི། །དམྱལ་བའི་སྡུག་བསྔལ་མྱོང་གྱུར་པས། །བདག་གིས་མྱུར་དུ་བསྒྲལ་ནས་ནི། །གཟུགས་ཀྱིས་ལྷ་རྣམས་མཆོད་པ་ཡིན། །ཁྱེད་ཀྱིས་སྲུང་བར་མ་བྱེད་པར། །སྡིག་ཅན་འདི་ནི་མྱུར་དུ་སྤོངས། །ཞེས་བརྗོད་པར་བྱའོ། །བསྟན་
D416.079.0280a07.01