完整藏文原文 · 德格版页 当前仅加载第 79 函德格 287a 版页；藏文 NFD、目录标记与异常页序保留在来源切片中，重复版页行以稳定序号区分。
ལྔ་པོ་འདི་དག་གིས། །ས་གསུམ་གཡོ་བར་བྱེད་པ་སྟེ། །འདི་དག་སྒྲུབ་པོས་མཆོད་གྱུར་ན། །ཕུན་སུམ་ཚོགས་པའི་དཔལ་རྣམས་སྟེར། །རང་ཉིད་ལྷག་པའི་ལྷ་ཡིས་ནི། །ས་བོན་ལས་འཕྲོས་ལྕགས་ཀྱུས་ནི། །འདི་དག་སྲོག་གི་དབང་པོ་ལ། །དབང་བྱེད་
D416.079.0287a01.01ལས་བྱེད་མི་ཟློག་འགྱུར། །གནོད་སྦྱིན་རྣམས་ལ་ཤིང་ཐོག་དང་། །ཀླུ་རྣམས་གཏོར་མས་ཀུན་དུ་མཆོད། །ལྷ་མོ་ཨ་རུ་ར་ཡི་འབྲུ། །མ་ལུས་མྱུར་དུ་མཆོད་པའོ། །གང་པོ་དང་ནི་མཛེས་མ་དག །ཁྱད་པར་མངག་གཞུག་གྱུར་པའོ། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་
D416.079.0287a02.01ལས་རྒྱལ་པོ་ཆེན་པོ་རྣམ་ཐོས་སྲས་འཁོར་དང་བཅས་པ་བསྒྲུབ་པའི་ལེའུ་སྟེ་ཉི་ཤུ་རྩ་གཅིག་པའོ།། །།དེ་ནས་གཞན་ཡང་བཤད་བྱ་བ། །སེམས་ཅན་རྣམས་ཀྱི་དོན་གྱི་ཕྱིར། །འཁོར་བའི་སྲིད་པ་ཇི་སྲིད་པར། །བྱང་ཆུབ་སེམས་ཀྱི་ཆོས་རྣམས་སྟོན། །རི་བོའི་རྩེ་དང་
D416.079.0287a03.01ནགས་ཚལ་བྲག །རྒྱ་མཚོའི་འགྲམ་དང་ཤིང་གཅིག་ས། །གདོད་ནས་གྲུབ་པའི་དུར་ཁྲོད་དེ། །གནས་འདི་དག་ཏུ་བསམ་གཏན་བསྒོམ། །ལས་ཀྱི་མགོན་པོ་འཇིགས་པའི་གཟུགས། །གྲུ་གསུམ་ཕོ་བྲང་ལ་གནས་པ། །དུར་ཁྲོད་གཞལ་ཡས་འབར་བ་ནི། །མེ་དཔུང་འབར་བ་འཕྲོ་
D416.079.0287a04.01བའི་དབུས། །ཞལ་གཅིག་པ་ལ་ཕྱག་གཉིས་པ། །སྐུ་མདོག་ནག་ཅིང་མཆེ་བ་རྣོ། །ཡན་ལག་ཐུང་ཞིང་གསུས་པ་འཕྱང་། །ཐོད་པ་སྐམ་པོའི་དབུ་རྒྱན་བྱས། །སྤྱན་གསུམ་སྡང་མིག་ཁྲོ་ཚུལ་སྟོན། །བཞིན་བསྒྱུར་མི་སྡུག་ལུས་ཅན་ནི། །ཕྱག་གཡས་རྡོ་རྗེ་གྲི་གུག་འཕྱར། །
D416.079.0287a05.01གཡོན་པ་དམ་ཉམས་སྙིང་ཁྲག་གིས། །ཐོད་པ་བཀང་ནས་གསོལ་བར་མཛད། །དུག་སྦྲུལ་གདུག་པས་ལྷུ་ཚིགས་བརྒྱན། །དབུ་སྐྲ་དམར་སེར་གྱེན་དུ་བརྫེས། །མི་ཐོད་རློན་པའི་དོ་ཤལ་བྱས། །རོ་ཡི་གདན་ལ་བརྫིས་ནས་ཀྱང་། །དྲག་པོའི་ང་རོ་སྒྲོགས་པའི་གནས། །སྐུ་གསུང་
D416.079.0287a06.01ཐུགས་ཀྱི་མགོན་པོ་ནི། །གསོད་བྱེད་རྔམ་བྱེད་སྒྲོལ་བྱེད་ཆེ། །བསྒྲུབ་བྱ་ངེས་པར་སྒྲོལ་བའི་ཚེ། །སྐུ་ཡི་མགོན་པོས་དམ་ཉམས་ཀྱི། །ལྟེ་བའི་སྲོག་རྩ་གཅོད་པར་བྱེད། །གསུང་གི་མགོན་པོས་དམ་ཉམས་ཀྱི། །མགྲིན་པ་ནས་ནི་ཁྲག་རྣམས་འདྲེན། །རྡོ་རྗེ་ཐུགས་ཀྱི་
D416.079.0287a07.01