完整藏文原文 · 德格版页 当前仅加载第 79 函德格 275a 版页；藏文 NFD、目录标记与异常页序保留在来源切片中，重复版页行以稳定序号区分。
པས་ལས་ལ་སྦྱར། །འདི་ནི་ཀུན་དུ་མནན་པ་སྟེ། །ལས་ཀྱི་གཤིན་རྗེའི་གནས་སུ་གཏད། །འཁོར་ལོ་ལ་ཡང་བསྙེན་པ་དང་། །བསྒྲུབ་པ་{གོ་རིམས་,གོ་རིམ་}ནོར་མི་བྱ། །འདིས་ནི་བྱ་བ་མི་འགྲུབ་མེད། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་གསང་སྔགས་
D416.079.0275a01.01དང་འཁོར་ལོ་བསྒྲུབ་པའི་ལེའུ་སྟེ་བརྒྱད་པའོ།། །།དེ་ནས་གཞན་ཡང་བཤད་བྱ་བ། །དཔལ་ལྡན་ནག་པོ་ཆེན་པོ་ཡི། །རྣལ་འབྱོར་ཏིང་འཛིན་ལ་ཞུགས་ཏེ། །མངོན་པར་སྤྱོད་པ་བརྩམ་པར་བྱ། །ཁྱད་པར་དུར་ཁྲོད་པ་ཡི་ཤིང་། །ལྷ་འདྲེ་གཏུམ་པོ་གནས་པ་ལས། །མ་
D416.079.0275a02.01མོའི་བྱ་བྲག་བརྟགས་པ་ལས། །བཅད་པ་མགོ་མཇུག་མ་ནོར་བར། །གཉིས་གཤགས་དེ་ནས་སྔགས་བྲིས་ལ། །བསྡམས་ཏེ་ཟླ་བ་མིག་གིས་ནི། །ཕྱེ་བའི་བདུན་ཕྲག་གསུམ་པ་ལ། །ལེགས་པར་གཞག་སྟེ་ཚད་དུ་བྱ། །དཀྱིལ་འཁོར་གྲུ་གསུམ་པ་ལ་གཟུགས། །གཞན་ཡང་
D416.079.0275a03.01བསྒྲུབ་བྱའི་གཟུགས་དག་ནི། །ཟུར་གསུམ་ཚུད་པ་སྔགས་དང་བཅས། །མིང་སྤེལ་བསྐུལ་ཚིག་ལྡན་པ་ནི། །གྲངས་ནི་རབ་འབྲིང་ཐ་མ་སྟེ། །ཅི་རིགས་པར་ནི་བྱ་བར་གསུངས། །ཡང་ན་རོ་སྒྲོམ་ཤིང་ལ་ཡང་། །བྱང་བུ་བྱས་ལ་ལིངྒ་བྲི། །གཞན་དུ་མགོན་པོ་ཡབ་ཡུམ་གྱི། །འཁོར་ལོ་
D416.079.0275a04.01ལེགས་པར་བྲིས་པ་དང་། །བསྒྲུབ་བྱ་སྲོག་གི་འཁོར་ལོ་ནི། །གྲི་གུག་ལྔ་པ་འཁོར་བ་དག །དེ་དག་པར་དུ་བཅུག་པ་དང་། །ཡང་ན་མགོན་པོའི་འཁོར་ལོ་དང་། །བསྒྲུབ་བྱ་དུ་ཡོད་ལིངྒ་རྣམས། །དེ་ཡི་ནང་དུ་དྲིལ་བར་བྱ། །འཁོར་ལོ་ཚོན་སྐུད་རྣམ་ལྔས་དཀྲི། །དེ་ཡི་ཕྱི་རོལ་ཀུ་ཤ་ཡི། །
D416.079.0275a05.01རྩྭ་ཡིས་མི་གཟུགས་བྱས་ནས་ཀྱང་། །རང་མདུན་གྲུ་གསུམ་ནག་པོ་ཡི། །ནང་དུ་གཟུགས་དེ་གཞུག་པར་བྱ། །དེ་ལ་ལྷ་དང་དབྱེ་བ་དང་། །ཉེས་པ་བསྒོ་ཞིང་བསྒྲག་པར་བྱ། །དེ་ནས་བདག་ཉིད་ལྷ་དང་ནི། །མདུན་དུ་ནག་པོ་ཆེན་པོ་ནི། །ཞལ་གཅིག་ཕྱག་བཞི་འཇིགས་པའི་གཟུགས། །
D416.079.0275a06.01ཡུམ་དང་བཅས་པ་བསྐྱེད་པ་དང་། །སྤྱན་དྲངས་མཆོད་ཅིང་བསྟིམ་པར་བྱ། །ལས་མགོན་རྣམས་དང་མ་མོ་བཞི། །རྒྱལ་ཆེན་བཞི་དང་ཕྱོགས་སྐྱོང་བཅུ། །ལྷ་སྲིན་སྡེ་བརྒྱད་མ་ལུས་དང་། །གཞན་ཡང་དུར་ཁྲོད་ཤ་ཟ་དང་། །མ་མོ་རོ་ལངས་ཅེ་སྤྱང་དང་། །སྟག་དང་དྲེད་དང་བྱ་གཅན་
D416.079.0275a07.01