完整藏文原文 · 德格版页 当前仅加载第 79 函德格 281b 版页；藏文 NFD、目录标记与异常页序保留在来源切片中，重复版页行以稳定序号区分。
དངོས་གྲུབ་འབྱུང་བའི་རྒྱུད་ལས་དཀྱིལ་འཁོར་བའི་མགོན་པོ་དང་ཡུམ་དང་བཅས་པའི་གསང་སྔགས་དང་ཕྲིན་ལས་ཀྱི་ལེའུ་སྟེ་བཅུ་བཞི་པའོ།། །།དེ་ནས་བདེན་པ་ཙམ་གྱིས་ནི། །གྲུབ་པ་སྩོལ་བར་མཛད་པ་པོ། །དངོས་གྲུབ་འབྱུང་གནས་རིམ་པ་ནི། །ཡང་དག་ཉིད་དུ་
D416.079.0281b01.01བཤད་པར་བྱ། །བྱ་རོག་གཡང་གཞིས་བརྒྱན་པ་ཡི། །ནག་པོ་ཕྱག་བཞི་པ་ཡི་སྐུ། །གསང་ཞིང་དམ་ཚིག་ལྡན་པས་བྲི། །དེ་ནི་སྐུ་ཡི་རྟེན་དུ་བཤད། །གསེར་དངུལ་ལ་སོགས་ཀྱིས་བྲིས་པའི། །ནག་པོ་ཆེན་པོའི་སྙིང་པོ་དང་། །ཉེ་བའི་སྙིང་པོ་བྲིས་པ་རྣམས། །གསུང་གི་རྟེན་དུ་འདོད་
D416.079.0281b02.01པའོ། །བྱ་རོག་སོགས་དང་རྟ་ནག་སྙིང་། །ཁྱི་ཡི་སྙིང་དང་མི་ཡི་སྙིང་། །རིན་ཆེན་ལྔ་དང་བཅས་པ་རྣམས། །ཐུགས་ཀྱི་རྟེན་དུ་གཟུང་བར་བྱ། །སྙིང་གི་རྣམ་པ་ཐམས་ཅད་དང་། །ཉ་ཤ་ལ་སོགས་འབྲུ་ཡི་ཆན། །སྨན་གྱི་རྣམ་པ་ཐམས་ཅད་དང་། །བསྙེན་པའི་གཏོར་མ་བྱ་བ་ཡིན། །
D416.079.0281b03.01རྫས་དང་གཏའ་གཏོར་སྟེང་དང་འོག །སྟེང་ནས་དར་ནག་གུར་གྱིས་དབུབ། །ཤ་ལྔ་སྨན་ལྔ་མྱོས་བྱེད་བཅས། །རྒྱུན་དུ་ཐུགས་དམ་བསྐུལ་ཕྱིར་མཆོད། །རྟ་ནག་ལུག་ནག་གཡག་རོག་ལ། །མགུལ་དུ་སྙིང་པོ་བྲིས་ལ་གདགས། །དེ་ཡི་ངོ་བོ་ལེགས་ཕུལ་ལ། །ཕྱི་ཡི་རྟེན་དུ་བྱ་བར་
D416.079.0281b04.01བཤད། །ནག་པོ་རས་སམ་དར་ལ་ཡང་། །རིན་ཆེན་ལྔ་དང་བཅས་པ་ཡིས། །ནག་པོ་ཞལ་གཅིག་ཕྱག་བཞི་པ། །བྲིས་པ་ཉིན་གཅིག་གིས་རྫོགས་ནས། །བར་ཆད་མེད་པར་རབ་གནས་བྱ། །གསང་རྟེན་ལུས་ལ་བཅང་བའོ། །སྣ་ཚོགས་འབྲུ་ནག་དཔལ་བྱས་པའི། །གཏོར་
D416.079.0281b05.01མ་མི་ཤས་བརྒྱན་པ་དག །ཕོ་བྲང་རྟེན་དང་བརྟེན་པར་བཅས། །ནང་གི་རྟེན་དུ་སློབ་པའོ། །སྐྱེས་པ་གྲིར་ཤིའི་ཐོད་ཕྲེང་ནི། །ཡོན་ཏན་ལྡན་ཕྱིར་རྟག་ཏུ་སྦ། །མི་གསོད་མཚོན་ལས་བྱས་པ་ཡིས། །རྡོ་རྗེ་གྲི་གུག་ཧཱུྃ་བྲིས་པ། །ཕྲིན་ལས་བྱེད་པའི་ཁྱད་པར་རོ། །དམ་ཚིག་གནས་
D416.079.0281b06.01པའི་རྣལ་འབྱོར་པས། །ཉམས་དགའ་དབེན་པའི་གནས་ཉིད་དུ། །ལྷ་མོའི་རྟེན་ཡང་འདི་ལྟར་རོ། །རིགས་མེད་ཀྱི་ནི་ཐོད་པ་ལ། །གསང་སྔགས་ཡི་གེ་འདི་དག་ནི། །བྲིས་པ་ཙམ་གྱིས་ལས་འགྲུབ་བྱེད། །བསྒྲུབ་པ་མི་དགོས་ནུས་པ་འབྱུང་། །དུར་ཁྲོད་སོལ་བས་སྔགས་འདི་བྲི། །
D416.079.0281b07.01