完整藏文原文 · 德格版页 当前仅加载第 79 函德格 269a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་སྣ་ཚོགས་རྡོ་རྗེ་ནི། །ཁ་དོག་ལྔ་དང་ལྡན་པར་བསམ། །དེ་དབུས་རྃ་ལས་ཉི་མ་ཡི། །ཧཱུྃ་ཡིག་ས་བོན་ལས་བྱུང་བ། །ས་གཞི་མ་ལུས་རྡོ་རྗེར་གྱུར། །སྟེང་འོག་ཕྱོགས་མཚམས་རྡོ་རྗེ་དང་། །རལ་གྲི་འཁོར་ལོ་མདའ་དང་ནི། །ཕུར་བུ་གྲི་གུག་ཁ་ཊྭཱྃ་ག། །རྡོ་རྗེ་
D416.079.0269a01.01རྩེ་གཅིག་པ་དང་ནི། །རྩེ་གསུམ་ཉི་ཤུ་རྩ་ལྔའི་བར། །དུམ་རྣམ་པར་འཕྲོས་ནས་ནི། །ཤིན་ཏུ་རྒྱ་ཆེ་བསམ་པར་བྱ། །བླ་རེ་ར་བ་སོགས་དང་ནི། །གུར་གྱི་རྣམ་པར་མཚམས་བཅིང་བྱ། །མེ་འོད་འབར་བ་ཁྱབ་པར་འགྱུར། །འདི་དག་བསྲུང་བའི་ཁྱད་པར་རོ། །བྲུྃ་ལས་བྱུང་བའི་
D416.079.0269a02.01འཁོར་ལོ་ནི། །རྩིབས་བཅུ་པ་ནི་ཡོངས་སུ་འཁོར། །དེ་སྟེང་རྃ་ལས་ཉི་དཀྱིལ་འཁོར། །དེ་ཡི་དབུས་སུ་ཧཱུྃ་མཛད་དོ། །ཞལ་གསུམ་ཕྱག་ནི་དྲུག་པ་སྟེ། །རིན་ཆེན་ཀླུ་དབང་རྒྱན་དང་ལྡན། །རོལ་པས་རྣམ་པར་སྒེག་པར་བསམ། །རྃ་ལས་ཉི་མའི་དཀྱིལ་འཁོར་དབུས། །དེ་སྟེང་ཧཱུྃ་
D416.079.0269a03.01བཅུ་རྣམ་པར་བསམ། །དེ་ལས་ཁྲོ་བོའི་རྒྱལ་པོ་བཅུ། །ཞལ་ཕྱིར་གཟིགས་པ་རྣམ་པར་བསམ། །ཁྲོ་བོ་དེ་དག་རེ་རེ་ཞིང་། །ཕྱོགས་སྐྱོང་བཅུ་བོ་གདན་ལ་ནི། །བཀུག་ནས་གཉིས་མེད་བཞུགས་པར་བསམ། །དེ་ལས་གསང་སྔགས་བརྗོད་ཙམ་གྱིས། །ཕུར་བུས་གདབ་དང་བརྡུང་པར་
D416.079.0269a04.01བྱ། །ངེས་ནི་བླ་མེད་མཆོག་དག་འགྱུར། །ཁྲོ་བོ་དེ་དག་རེ་རེ་ཞིང་། །བརྟན་པར་བྱ་ཕྱིར་གསང་སྔགས་བརྗོད། །ཨོྃ་དཀར་འཁོར་ལོ་དང་བཅས་པ། །འོད་ལྡན་དེ་ལས་སྤྲོས་བསྡུས་པས། །བཅོམ་ལྡན་རང་བཞིན་ཡངས་ཤིང་ཁྱབ། །འོད་དུ་ཞུ་ནས་གཞལ་ཡས་ཁང་། །རིན་ཆེན་སྣ་
D416.079.0269a05.01ཚོགས་ལས་གྲུབ་པ། །གྲུ་བཞི་སྒོ་དང་རྟ་བབས་བཅས། །རྡོ་རྗེ་དང་ནི་ནོར་བུ་ཡི། །འོད་ཟེར་འཁྲུགས་པའི་རྣམ་པའོ། །ཕོ་བྲང་ནང་མ་ཟླུམ་པོ་ལ། །རེ་མིག་དགུ་པ་རྡོ་རྗེས་བསྐོར། །ཕྱི་ནི་པདྨ་མུ་ཁྱུད་བཅས། །དེ་ཡི་ནང་ན་ཨེ་ཡི་དབྱིབས། །དྲག་པོའི་གནས་སུ་བསམ་པར་བྱ། །དབུས་
D416.079.0269a06.01མའི་ནང་དུ་བྃ་ལས་ནི། །པདྨ་ཉི་ཟླར་བཅས་པ་བསམ། །ཨཱ་ལི་ཀཱ་ལི་འདུས་པ་ལས། །དེ་ལས་ནམ་མཁའི་ས་བོན་ཏེ། །ནམ་མཁའ་ལས་ནི་ཧཱུྃ་བྱུང་སྟེ། །གཉིས་མེད་ཞུགས་ལས་འོད་དུ་ཞུ། །དེ་ལ་རྡོ་རྗེ་གྲི་གུག་བསམ། །འོད་ཀྱི་སྣང་བས་ཁྱབ་པ་ལས། །སྐད་ཅིག་གིས་ནི་སྐུ་རྫོགས་པ། །
D416.079.0269a07.01