完整藏文原文 · 德格版页 当前仅加载第 83 函德格 187a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སངས་རྒྱས་མཚུངས་རྣམས་ཀྱིས། །བསོད་ནམས་ཚོགས་ལ་རྗེས་ཡི་རང་། །རྫོགས་པའི་སངས་རྒྱས་དམ་ཆོས་དང་། །ཚོགས་མཆོག་རྣམས་ལ་བདག་སྐྱབས་མཆི། །ཡོན་ཏན་རྒྱ་མཚོ་ཁྱེད་རྣམས་ལ། །བདག་གི་ལུས་འདི་དབུལ་བར་བགྱི། །གནས་དང་
D474.083.0187a01.01ཆོས་ཀུན་སྟོན་པ་དང་། །ཤིན་ཏུ་མཐར་ཡང་མཛེས་པ་དང་། །ཡང་དག་རྫོགས་པའི་སངས་རྒྱས་ཀྱི། །དེ་ཉིད་སྦྱིན་སོགས་གཟུགས་ཅན་གྱི། །སྐུ་གསུམ་ཡེ་ཤེས་ཐོབ་བྱའི་ཕྱིར། །བསྟེན་ཅིང་འདི་ལ་རབ་ཏུ་དད། །སེམས་ཅན་རྣམས་ཀྱི་དོན་བྱེད་ཕྱིར། །བྱང་ཆུབ་
D474.083.0187a02.01སེམས་དག་བདག་གིས་བསྐྱེད། །གང་ཞིག་བསོད་ནམས་ཉེར་བསགས་རྣམས། །རྫོགས་པའི་བྱང་ཆུབ་བདག་གིས་བསྔོ། །འགྲོ་འདི་ཀུན་ལ་ཕན་མཛད་ཕྱིར། །དཔལ་ལྡན་གཤིན་རྗེ་མཐར་བྱེད་གྱུར། །ལྷག་པར་སྨོན་ལམ་འདི་བྱས་པས། །དེ་རྣམས་ལ་ནི་གཤེགས་
D474.083.0187a03.01སུ་གསོལ། །བརྩེ་བས་བྱང་ཆུབ་བཞིན་དུ་བལྟ། །ཁམས་གསུམ་རྣམས་ནི་སྟོང་པར་བསམ། །རང་བཞིན་གྱིས་ནི་སྦྱོར་བྲལ་བས། །རྒྱུ་དང་དེ་བཞིན་མཚན་ཉིད་ལ། །རྣམ་པར་རྟོག་པ་བྲལ་བ་དང་། །ལྷ་དང་སྨོན་ལམ་རྣམས་པར་སྤངས། །ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་
D474.083.0187a04.01ཨཱཏྨ་ཀོ྅ཧྃ། ཡྃ་རྃ་བྃ་ལྃ་བཞི་ལ་དཀྱིལ་འཁོར་བསྡུས་ནས་བྷྲུྃ་ཡིག་ལས་སྐྱེས་པའི་གཞལ་ཡས་ཁང་བསྒོམ་པར་བྱའོ། །ཟུར་བཞི་པ་དང་སྒོ་བཞི་པ། །རྟ་བབས་བཞི་ཡིས་བརྒྱན་པ་ལ། །དྲ་བ་དྲ་ཕྱེད་ཀྱིས་སྤྲས་པ། །ལྷ་དང་ལྷ་མོས་ཤིན་ཏུ་མཛེས། །བ་དན་དྲིལ་བུ་བཅས་
D474.083.0187a05.01པ་རྣམས། །སྣ་ཚོགས་རྩེ་མོ་རླུང་གིས་བསྐྱོད། །བྃ་ཡིག་ལས་ནི་དེ་དབུས་གནས། །སྣ་ཚོགས་པདྨ་རྣམ་པར་བསམ། །དེ་ཡི་ཟེ་འབྲུའི་དབུས་གནས་ལ། །སྣ་ཚོགས་རྡོ་རྗེ་དབྱུག་པར་བཅས། །ཡོངས་སུ་གྱུར་ལས་མཐའ་དག་རྟགས། །ཞེ་སྡང་བདག་ཉིད་རྣམ་པར་བསྒོམ། །རིམ་
D474.083.0187a06.01མཚུངས་པདྨ་ཉི་མ་ལ། །མ་ཧེ་དམར་པོའི་སྟེང་དུ་ནི། །སྤྲུལ་པས་བདུད་རྣམས་མ་ལུས་པ། །གཡོན་བརྐྱང་ཞབས་ཀྱིས་མནན་པར་བྱ། །ཉི་མ་བྱེ་བའི་འོད་འབར་ལྷ། །རོ་ལངས་མ་ཡིས་མགུལ་ནས་འཁྱུད། །དཔའ་བོ་ཞལ་གཅིག་ཕྱག་གཉིས་པ། །ཀླུ་བརྒྱད་ཀྱིས་ནི་རྣམ་པར་
D474.083.0187a07.01