完整藏文原文 · 德格版页 当前仅加载第 83 函德格 195a 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད། །ཁ་དོག་དཀར་པོ་འཇིགས་ཆེན་པོ། །མཆོག་ནི་ཞལ་གཅིག་ཕྱག་གཉིས་པ། །གཡས་ན་རྡོ་རྗེ་འབར་བ་དང་། །གཡོན་ན་ཁྲག་བཅས་མགོ་བོ་འཛིན། །གཡོན་བརྐྱང་ཞབས་དང་འཇིགས་པ་སྟེ། །རིན་ཆེན་ཅོད་པན་རྣམ་བརྒྱན་ཅིང་། །
D474.083.0195a01.01རིན་ཆེན་རྒྱན་རྣམས་ཡོངས་རྫོགས་ལ། །འོད་ཟེར་ཕྲེང་བས་འཁྲིགས་པ་སྟེ། །རྒྱལ་པོ་གསོད་པར་བྱེད་པ་ནི། །འོག་གི་ཆ་ལ་ངེས་པར་སྦྱར། །མིང་བཅས་ཁ་དོག་ཡང་དག་ལྡན། །ཇི་ལྟ་བ་ཡི་རྣམ་པར་གནས། །ལྷ་ལ་ཡོངས་སུ་རྫོགས་པར་བྱ། །ཇི་ལྟ་བ་
D474.083.0195a02.01ཡི་དངོས་པོའི་ཚད། །དཀྱིལ་འཁོར་གྲུ་གསུམ་ངེས་པར་ནི། །དེ་ཡི་མདུན་དུ་སྦྱིན་སྲེག་བྱ། །སྦྱིན་སྲེག་འབུམ་གྱིས་རྒྱལ་པོ་ནི། །ཐོབ་འགྱུར་འདི་ལ་ཐེ་ཚོམ་མེད། །དེ་ནས་གཞན་ཡང་ཟླ་གཟས་གསུང་། །ཡང་ན་ཉི་མ་མ་མཐོང་ཚེ། །དུར་ཁྲོད་ཐལ་བ་བླངས་ནས་ནི། །
D474.083.0195a03.01བརྟུལ་ཞུགས་ཅན་གྱིས་གཟུགས་བརྙན་བྱ། །རྭ་ཅན་སྐེ་ཚེ་ཤ་ལྔ་དང་། །ནིམ་པ་དྷ་དུ་རའི་ལོ་མ། །ཆོ་ག་འདི་ཡིས་གཅིག་བྱས་ནས། །མཁས་པ་ཡིས་ནི་གཟུགས་བརྙན་བྱ། །ཁ་དོག་སྔོན་པོ་འཇིགས་ཆེན་པོ། །ཞལ་གཅིག་པ་ལ་ཕྱག་ནི་གཉིས། །མ་ཧེ་ལ་གནས་
D474.083.0195a04.01ཞལ་ནི་གདངས། །རྡོ་རྗེ་དང་ནི་ཐོད་པ་འཛིན། །སྐུ་གཟུགས་རྫོགས་པར་བྱས་ནས་ནི། །རྣམ་པ་མང་པོས་མཆོད་པར་བྱ། །ཧྲཱིཿཥྚྲཱིཿལ་སོགས་སྔགས་ནི་བཟླས། །བཟླས་པ་འབུམ་གྱིས་རིག་པར་བྱ། །རྒྱལ་པོ་ཆེ་གེ་མོ་ཡི་ནི། །སྡེ་དང་ཡོངས་སུ་འཛིན་བཅས་ཆོམས། །
D474.083.0195a05.01རྣལ་འབྱོར་བདག་ཉིད་བཟླས་པ་འབུམ། །འབུམ་དུ་བཟླས་པའི་ཁྱད་པར་ལས། །ཆོ་ག་འདི་ཡིས་སྦྱིན་སྲེག་དང་། །མཆོད་པའི་ལས་རྣམས་ལྡན་པར་བསམ། །སེམས་ཅན་དོན་བྱེད་བློ་ལྡན་གྱིས། །རྒྱལ་པོ་ཐོབ་འགྱུར་ཐེ་ཚོམ་མེད། །དེ་ནས་གཞན་ཡང་རྡུལ་གྱི་གོས། །
D474.083.0195a06.01ནམ་མཁའི་རང་བཞིན་ཆུ་ཡིས་ནི། །གཟའ་ནི་བཀྲ་ཤིས་ལ་བཀྲུས་ཏེ། །རི་མོ་མངོན་པར་བྲི་པར་བྱ། །ཞལ་གཅིག་པ་དང་ཕྱག་ནི་གཉིས། །ཁ་དོག་ནག་པོ་འཇིགས་ལྡན་པ། །སྐྲ་ནི་འོད་ཟེར་ཡང་དག་ལྡན། །མགོ་བོའི་ཕྲེང་བ་རབ་ཏུ་འཕྱང་། །གྲི་གུག་ཐོད་པ་ལག་ན་
D474.083.0195a07.01