完整藏文原文 · 德格版页 当前仅加载第 83 函德格 208b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་རོ་ལངས་གཟུགས། །དམར་ཞིང་ཐུང་བའི་ཚད་ལྡན་པ། །རྣམ་པ་མང་པོའི་སྤྲུལ་གཟུགས་བྱེད། །རྡོ་རྗེ་དབྱངས་ཅན་མ་ཡིས་ཞུས། །ཁྱོད་ཀྱི་གར་མཛད་བདེ་བ་ཆེ། །ཁྱོད་ཀྱི་ཧྲཱིཿཥྚྲཱིཿའི་སྔགས་ཀྱི་གར། །ས་གསུམ་པོ་ཡི་འཁྲུལ་པ་སོལ། །བརྩེ་བས་ཁྲོ་བའི་རྗེ་བཙུན་
D474.083.0208b01.01ཁྱོད། །འགྲོ་ལ་བལྟ་ཞིང་གར་མཛད་དོ། །དེ་ནས་བཟླས་པའི་མཚན་ཉིད་མཆོག །བདག་གིས་ཡང་དག་རབ་བཤད་བྱ། །གང་གིས་བཟླས་པ་རབ་སྦྱོར་བས། །མང་པོ་ཡིས་ནི་དངོས་གྲུབ་འཐོབ། །མྱུར་བ་མ་ཡིན་བུལ་བ་མིན། །རིང་པོ་མ་ཡིན་ཐུང་བ་མིན། །ཅུང་ཟད་
D474.083.0208b02.01སྔགས་ནི་ཐོས་པར་རོ། །གཤིན་རྗེ་གཤེད་ཀྱི་སློབ་དཔོན་མཆོག །མི་དང་མ་ཧེ་གཉིས་འཐུང་དང་། །བ་ལང་གཟུགས་དང་རྟ་དང་ནི། །བོང་བུ་རྔ་མོའི་རུས་བཟུང་ནས། །བཟླས་པའི་ཕྲེང་བས་རབ་བསྒྲུབ་བྱ། །ཟླ་བ་ཟླ་བའི་བཅུ་བཞི་ལ། །བདུད་རྩི་ལྔ་དང་ལྡན་པ་ཡི། །ཤ་
D474.083.0208b03.01ལྔ་ཡིས་ནི་བྱུག་པར་བྱ། །བཟླས་པ་ཡིས་ནི་དངོས་གྲུབ་མཆོག །སོ་སོའི་རྐང་པའི་རིལ་བུ་ལ། །གཤིན་རྗེ་གཤེད་སྒོམ་རྣལ་འབྱོར་པས། །མཁས་པས་ཡང་ན་མི་མགོ་ནི། །ཁྲག་འཛག་རློན་པ་བསྒོམ་པར་བྱ། །ཁྲི་ཡི་སྔགས་ཀྱིས་འབྱུང་པོ་རྣམས། །མཁའ་འགྲོ་མ་རྣམས་
D474.083.0208b04.01སྟོང་གིས་ཏེ། །གཤིན་རྗེ་གཤེད་པོ་རབ་སྦྱོར་བས། །{ཡི་དགས་,ཡི་དྭགས་}རྣམས་ནི་གཞོམ་ཞིང་བསད། །རྣལ་འབྱོར་བདག་ཉིད་འབུམ་བཟླས་ན། །ལས་ཀུན་དེ་ཡིས་བྱེད་པར་འགྱུར། །བྱེ་བ་བཟླས་ན་དངོས་གྲུབ་སྟེ། །བྱེ་བ་ལྔ་ཡིས་སྨོས་ཅི་དགོས། །ཉི་མ་སོ་སོའམ་ཡང་ན་ཟླ། །
D474.083.0208b05.01ཡང་ན་ལོ་ནི་སོ་སོ་ལ། །མཁས་པས་དབྱུག་གུ་དྲུག་ཅུ་བཞིའི། །གཏོར་མ་དྲུག་ཅུ་རྩ་བཞི་སྦྱིན། །འགའ་ཞིག་རྟག་ཏུ་བཟའ་བ་དང་། །འགའ་ཞིག་དེ་བཞིན་བཏུང་བ་དང་། །གཞན་ཡང་བཟའ་བ་ཐམས་ཅད་ཀྱི། །དང་པོ་གཤིན་རྗེ་གཤེད་ལ་དབུལ། །དེ་ནས་བླ་མར་
D474.083.0208b06.01ཡོན་གྱི་མཆོག །དབུལ་བར་བྱ་བ་དག་བཤད་བྱ། །བདག་ཉིད་ཞི་བའི་ཕྱིར་དང་ནི། །དེ་བཞིན་ལས་ཀུན་སྒྲུབ་པའི་ཕྱིར། །བདག་གི་ལུས་དབུལ་ངེས་པར་འདུད། །རྟ་དང་བ་ལང་གླང་པོ་དང་། །གསེར་དང་ནོར་དང་མ་མ་དང་། །རང་གི་ཆུང་མ་དེ་བཞིན་བུ། །མ་དང་སྲིང་
D474.083.0208b07.01