完整藏文原文 · 德格版页 当前仅加载第 83 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིན་ཏུ་འཇིགས། །རྡོ་རྗེའི་ཐུགས་དང་རབ་མཚུངས་པ། །རིན་ཆེན་རྡོ་རྗེ་ཕྱག་འཚལ་བསྟོད། །འདོད་ཆགས་རྡོ་རྗེའི་རང་བཞིན་ཁྱོད། །འདོད་ཆགས་ཆོས་ཀྱི་འབྱུང་གནས་གཙོ། །དབྱངས་མཆོག་ཀུན་གྱི་མཆོག་གི་མཆོག །རྡོ་རྗེའི་གསུང་ལ་ཕྱག་འཚལ་བསྟོད། །ཕྲག་དོག་རྡོ་རྗེའི་རང་
D474.083.0206a01.01བཞིན་ཁྱོད། །གཤིན་རྗེ་གཤེད་པོ་ལས་ཀུན་པ། །རྡོ་རྗེའི་སྐུ་དང་རབ་མཚུངས་པ། །ཕྱག་ན་རལ་གྲི་ཕྱག་འཚལ་བསྟོད། །སངས་རྒྱས་ཀུན་གྱི་རང་བཞིན་ཁྱོད། །སངས་རྒྱས་ཐམས་ཅད་གཅིག་བསྡུས་པ། །སངས་རྒྱས་ཀུན་གྱི་རབ་མཆོག་གཙོ། །དཀྱིལ་འཁོར་
D474.083.0206a02.01དབང་ཕྱུག་ཕྱག་འཚལ་བསྟོད། །རྡོ་རྗེའི་མིག་དང་རྡོ་རྗེའི་རྣ་བ་དང་རྡོ་རྗེའི་སྣ་དང་རྡོ་རྗེའི་ལྕེ་དང་རྡོ་རྗེའི་ལུས་དང་རྡོ་རྗེའི་ཡིད་ཅེས་བཅོམ་ལྡན་འདས་ཀྱིས་གསུངས་པ་ནི་མིག་ལ་སོགས་པ་བྱིན་གྱིས་བརླབ་པའི་དམ་ཚིག་གོ། །དེ་ནས་གཤིན་རྗེ་གཤེད་འཇིགས་ཀྱི། །དཀྱིལ་འཁོར་
D474.083.0206a03.01བདག་གིས་རབ་བཤད་བྱ། །གཤིན་རྗེ་གཤེད་པོ་དང་མཚུངས་པ། །དོན་རྣམས་ཐམས་ཅད་སྒྲུབ་བྱེད་པ། །སྲད་བུ་གསར་པ་ལེགས་བསྒྲིམས་ཤིང་། །མཛེས་ཤིང་ཚད་དང་ཡང་དག་ལྡན། །གཤིན་རྗེ་གཤེད་ཀྱི་དཀྱིལ་འཁོར་ལ། །ཤེས་རབ་ཅན་གྱིས་ཐིག་གདབ་བོ། །མཚན་
D474.083.0206a04.01ཉིད་ཐམས་ཅད་ཡོངས་རྫོགས་པ། །དོན་མེད་ཐམས་ཅད་རྣམ་པར་འཇིག །ཞི་བ་ལ་སོགས་རབ་སྒྲུབ་པའི། །མཎྜལ་དཀྱིལ་འཁོར་རྣམ་པ་ལ། །ལས་ཀྱི་རྡོ་རྗེ་བྲི་བྱ་སྟེ། །དེ་ལ་རྩེ་ལྔ་མཐའ་དག་ལ། །དེ་ཡི་དབུས་སུ་རྡོ་རྗེ་བྲི། །རྡོ་རྗེ་འབར་བས་ཀུན་ཏུ་འཁྲིགས། །ཤར་གྱི་
D474.083.0206a05.01རྩིབས་ལ་འཁོར་ལོ་བྲི། །འཁོར་ལོའི་འོད་ཟེར་ཀུན་ཏུ་འཁྲིགས། །ལྷོ་རུ་རིན་ཆེན་བྲི་བྱ་སྟེ། །འོད་ཟེར་ཕྲེང་བས་ཀུན་ཏུ་ཁྱབ། །ནུབ་ཏུ་པདྨ་བྲི་བྱ་སྟེ། །པདྨ་རཱ་གའི་འོད་ཟེར་མཛེས། །བྱང་དུ་རལ་གྲི་བྲི་བྱ་སྟེ། །སྤྲིན་གྱི་ཁ་དོག་འོད་ཟེར་མཚུངས། །ཤར་གྱི་མཚམས་སུ་འཁོར་
D474.083.0206a06.01ལོ་བྲི། །ལྷོ་རུ་རྡོ་རྗེ་བྲི་བར་བྱ། །ནུབ་ཏུ་པདྨ་བྲི་བྱ་སྟེ། །པདྨ་གདོང་བཅས་རྒྱས་པའི་ཞལ། །བྱང་དུ་རལ་གྲི་བྲི་བྱ་སྟེ། །འོད་ཟེར་ལྔ་དང་མཚུངས་པར་ལྡན། །ཤར་གྱི་སྒོ་རུ་ཐོ་བ་སྟེ། །རྡོ་རྗེ་དབྱུག་པ་ལྷོ་རུའོ། །ནུབ་ཀྱི་སྒོ་རུ་ཆུ་སྐྱེས་ཏེ། །རྡོ་རྗེ་རལ་གྲི་བྱང་དུའོ། །དཀྱིལ་འཁོར་
D474.083.0206a07.01