完整藏文原文 · 德格版页 当前仅加载第 83 函德格 193a 版页；藏文 NFD、目录标记与异常页序保留在来源切片中，重复版页行以稳定序号区分。
སྙོམས་པར་ཞུགས་སོ། །རྡོ་རྗེ་ཕག་མོས་ཆང་དགུག་པའི་དམ་ཚིག་གསུངས་པ་འདི་ལྟ་སྟེ། །ཨོཾ་གྷོ་ནེ་སུ་གྷོ་ནེ་བཛྲ་མཱ་མ་ཀཱི་བྷ་ར་བྷ་ར། སྃ་བྷ་ར་སྃ་བྷ་ར། ཏྲཻ་དྷཱ་ཏུ་ཀ་མ་དྱཱ་ཀརྵ་ཡ་ཛཿ། རྫ་མཁན་ལག་པ་ཕྱིས་པའི་སས། བུམ་པ་ཁ་ནི་མཛེས་བྱས་ཏེ། །རྐུན་
D474.083.0193a01.01པོའི་སྐྲ་ཡི་སྟེང་དུ་གཞག །སྔགས་ནི་རྗེས་སུ་དྲན་པར་བྱ། །སྔགས་འདིའི་བདག་ཉིད་ཆེ་བ་ནི། །མཆོད་རྟེན་པ་ཏ་ན་རུ་བསྟན། །མཁས་པས་འབད་པས་དམིགས་བྱས་ན། །ཆང་ནི་འགུགས་པར་རབ་ཏུ་གྲགས། །དེ་ནས་བཅོམ་ལྡན་འདས་གཤིན་རྗེ་གཤེད་ཀྱི་རྡོ་རྗེ་ཤེས་
D474.083.0193a02.01རབ་ཀྱི་ཕ་རོལ་ཏུ་ཕྱིན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དབྱངས་ཅན་མས་སྔགས་འདི་གསུངས་སོ། །ཨོཾ་པི་ཙུ་པི་ཙུ་པྲཛྙཱ་བར་དྷ་ནི། ཛྭ་ལ་ཛྭ་ལ་མེ་དྷཱ་བ་ར་དྷ་ནི། དྷི་རི་དྷི་རི། བུད་ངྷི་བ་ར་ངྷ་ནི་སྭཱ་ཧཱ། ཚེས་གཅིག་ནས་ནི་བཟུང་ནས་ནི། །ཇི་
D474.083.0193a03.01སྲིད་{བཅྭ་,བཅོ་}ལྔའི་མཐར་ཐུག་ཀུན། །ལེགས་པར་སྦྱར་བ་བརྩམ་པར་བྱ། །ཇི་སྲིད་ཟླ་པའི་རྗེས་འབྲངས་ནས། །གསུང་གི་དབང་ཕྱུག་མ་ནི་འགྲུབ། །འདི་ཡིས་ཚིགས་བཅད་བརྒྱ་ཕྱེད་དོ། །ཁམས་གསུམ་པ་ནི་མ་ལུས་ཤིང་། །མ་ལུས་ལུས་པ་མེད་པ་འགྲུབ། །དེ་ནས་བཅོམ་
D474.083.0193a04.01ལྡན་འདས་གཤིན་རྗེ་མཐར་བྱེད་ཆེན་པོ་དཀྲུག་པ་རྡོ་རྗེ་ཁུ་བ་འགུགས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཁུ་བ་འགུགས་པ་གཽ་རཱིའི་སྔགས་གསུངས་པ་འདི་ལྟ་སྟེ། ཨོཾ་ཀརྞྷྲི་ནི་ཀརྵ་ཎི་གཽ་རཱི་ཛཿདུཥྚ་པྲ་དུཥྚཱ། ཡཱཿཤུ་ཀྲ་མཱ་ཀརྵ་ཡ་ཛཿཛཿཛཿཧཱུྃ་སྭཱ་ཧཱ། །
D474.083.0193a05.01ནམ་མཁའི་གདོང་དང་རྡོ་རྗེའི་ལམ། །རླུང་དང་དྲིལ་སྦྱོར་ལྕགས་ཀྱུ་ཡིས། །ཁུ་བའི་ཚོགས་རྣམས་འགུགས་པར་བྱེད། །བསྒོམ་དང་བཟླས་པ་རབ་སྦྱོར་བས། །སྐྱེ་བོས་དབེན་དང་ནགས་ཚལ་དུ། །ལས་འདི་རབ་ཏུ་བསྒྲུབ་པར་བྱ། །མཚན་མོ་བདུན་གྱི་སྦྱོར་བ་ཡིས། །
D474.083.0193a06.01འགྲུབ་འགྱུར་འདི་ལ་ཐེ་ཚོམ་མེད། །དེ་ནས་བཅོམ་ལྡན་འདས་རྡོ་རྗེ་གཤིན་རྗེ་གཤེད་ཆེན་པོ་དུས་ཀྱི་དབྱེ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །འདིར་མཆོག་གི་དབང་བསྐུར་བའི་དམ་ཚིག་ཉིད་ཀྱི་སྐུ་གསུང་ཐུགས་རྡོ་རྗེ་རྣམས་ལས་སྤྲོ་བར་མཛད་ནས།
D474.083.0193a07.01