完整藏文原文 · 德格版页 当前仅加载第 83 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་མང་པོའི་ཉ་དང་ཏིལ་དང་ཛི་བུ་ལི་ཀ་དང་དཀར་བའི་ཟས་དང་ཞོ་དང་བུ་རམ་དང་དྷཱུ་པ་དང་འབྲས་བུ་དང་ཉེ་བར་སྤྱོད་པ་རྣམས་དང་ཇི་སྐད་གསུངས་པའི་གཏོར་མ་བྱིན་ཏེ་གུ་གུལ་གྱི་སྤོས་ཕུལ་ཏེ་ཇི་སྲིད་ནམ་ཕྱེད་ཀྱི་བར་དེ་སྲིད་བཟླས་པ་བྱའོ། །དེའི་ནམ་ཕྱེད་ན་ཧཱ་ཧཱ་སྒྲོགས་པ་ཐོས་པར་འགྱུར་
D474.083.0200b01.01ཏེ། དེ་ལ་འཇིགས་པར་མི་བྱའོ། །དེ་འཁོར་གྱི་ཚོགས་ཀྱིས་ཡོངས་སུ་བསྐོར་ནས་འོང་བར་འགྱུར་རོ། །འོངས་པ་དང་གཏོར་མ་བྱིན་པས་ཚིམ་པར་འགྱུར་རོ། །འབྱུང་པོ་ཐམས་ཅད་གང་བསྒོ་བ་བྱེད་དོ། །ཉི་མ་རེ་རེ་ཞིང་དོང་ཙེ་བརྒྱད་བླང་བར་འགྱུར་རོ། །དགྲ་
D474.083.0200b02.01ཐམས་ཅད་འཇོམས་ཤིང་ལོ་སྟོང་དུ་འཚོ་བར་འགྱུར་རོ། །དེ་ནས་རིགས་ཀྱི་དབང་ཕྱུག་སྒྲུབ་པར་གྱུར་ན་ལྷའི་གནས་སུ་ཕྱིན་ནས་དྲི་དམར་པོ་དང་། མེ་ཏོག་དམར་པོ་དང་གུ་གུལ་ཕུལ་ནས་སྔོན་དུ་བསྙེན་པ་ཁྲི་བཟླས་པར་བྱའོ། །ནག་པོའི་ཕྱོགས་ཀྱི་བཅུ་བཞིའི་མཚན་མོ་ལ་ཉ་ཤ་དང་།
D474.083.0200b03.01ཏིལ་དང་། ཛཾ་བུ་ལི་ཀ་དང་། ཁ་ཟས་དམར་པོ་དང་། ཇི་ལྟ་བའི་མཆོད་པས་གཏོར་མ་དབུལ་བར་བྱ་ཞིང་སི་ཧླའི་སྤོས་ཕུལ་ནས་ཇི་སྲིད་ནམ་ཕྱེད་ཀྱི་བར་བཟླས་པ་བྱའོ། །དེ་ནས་འབར་བ་ཆེན་པོ་མཐའ་མེད་པ་ཤིན་ཏུ་འཇིགས་པའི་གཟུགས་འོང་བར་འགྱུར་རོ། །དེ་ལ་འཇིགས་
D474.083.0200b04.01པར་མི་བྱ་སྟེ། བུ་བདག་གིས་ཅི་བྱ་ཞེས་སྨྲ་བར་འགྱུར་རོ། །སྒྲུབ་པ་པོས་སྨྲ་བར་བྱ་སྟེ། བདག་གིས་གང་བསྒོ་བ་གྱིས་ཤིག་ཅེས་སོ། །དེ་ཇི་སྲིད་འཚོའི་བར་དུ་གང་བཅོལ་བའི་ལས་བྱེད་པར་འགྱུར་རོ། །ཉི་མ་རེ་རེ་ལ་དོང་ཙེ་ལྔ་ཐུན་མཚམས་གསུམ་དུ་སྟེར་བར་
D474.083.0200b05.01བྱེད་དོ། །འདོད་པའི་ཁ་ཟས་མཆོག་སྟེར་ཞིང་ལོ་ལྔ་བརྒྱ་འཚོ་བར་འགྱུར་རོ། །དེ་ནས་འབྱུང་པོའི་དབང་ཕྱུག་སྒྲུབ་པར་གྱུར་ན་ལིངྒ་གཅིག་པའི་དྲུང་དུ་ཕྱིན་ཏེ། །ཉིན་མཚན་གསུམ་དུ་དམར་བའི་ཟས་དང་ཉ་ཤ་དང་ཏིལ་དང་། ཛཾ་བུ་ལི་ཀའི་གཏོར་མ་བྱིས་པས་ཉི་མ་
D474.083.0200b06.01གསུམ་པ་ལ་བདག་ཉིད་མྱུར་དུ་འོངས་ནས་མདུན་དུ་འཁོད་དེ་བདག་གིས་ཅི་བྱ་ཞེས་སྨྲ་བར་འགྱུར་རོ། །སྒྲུབ་པ་པོས་སྨྲ་བར་བྱ་སྟེ། བདག་གིས་གང་བསྒོ་བ་གྱིས་ཤིག་ཅེས་སྨྲས་པས་རྟག་ཏུ་རྗེས་སུ་འབྲང་ཞིང་ལྷའི་བུ་མོ་བླངས་ནས་སྟེར་བར་བྱེད་ཅིང་། རང་གིས་ཟས་
D474.083.0200b07.01