完整藏文原文 · 德格版页 当前仅加载第 83 函德格 199b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡིས་ནི་རིལ་བུ་བྱ། །འདི་ཡི་ཐིག་ལེ་རྟག་བཟུང་ན། །འཇིག་རྟེན་གསུམ་ནི་རྨོངས་པར་འགྱུར། །ཁ་ཡི་བདུད་རྩི་བླངས་ནས་ནི། །གཡོན་པ་ཡི་ནི་མིང་མེད་ཀྱིས། །སྔགས་འདིས་རིལ་བུ་ཐམས་ཅད་ལ་བྱིན་གྱིས་བརླབ་པར་བྱའོ། །ཨོཾ་མ་ཧཱ་ཡཀྵ་སེ་ནཱ་དྷི་པ་ཏ་ཡེ་མ་ཧཱ་
D474.083.0199b01.01དུར་དམྟཾ་ད་མ་ཀཱ་ཡ། །ནཱ་ཤ་ཡ་ནཱ་ཤ་ཡ། བི་ནཱ་ཤ་ཡ་བི་ནཱ་ཤ་ཡ། བི་ཏྲཱ་པ་ཡ་བི་ཏྲཱ་པ་ཡ། ཧཱུྃ་ཧཱུྃ་སརྦ་དུཥྚྲཱྃ་ཌཱྃ་ཕཊ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེ་གཤེད་དམར་པོའི་རྒྱུད་ལས་གྲིབ་གནོན་བསྒྲུབ་པ་སྟེ། རིམ་པར་ཕྱེ་བ་བརྒྱད་
D474.083.0199b02.01པའོ།། །།འདིར་བཅོམ་ལྡན་འདས་ཀྱིས་རོ་ལངས་ལ་སོགས་པའི་སྒྲུབ་ཐབས་གསུངས་པ་ནི། ཨོཾ་ཧཱུྃ་ཛཱཿཨ་པ་རཱ་ཛི་ཏཿཨོཾ་ཧཱུྃ་ཛཿཨ་ཛི་ཏཿཨོཾ་ཧཱུྃ་ཛཿཔཱུ་ར་ཎ། ཨོཾ་ཧཱུྃ་ཛཿཨ་བཱུ་ར་ཎ། ཨོཾ་ཤྲཱཾ་ཛཿཤྨ་ཤཱ་ནཱ་དྷི་པ་ཏིཿ། ཨོཾ་རྱུཾ་ཛ་ཀུ་ལེ་ཤྭ་རཿ། ཨོཾ་ཧཱུྃ་ཛཿབྷཱུ་ཏེ་ཤྭ་རཿ། ཨོཾ་ཨཾ་ཛཿ། ཀིཾ་
D474.083.0199b03.01ཀ་རོ་ཏ་ཏ་མཿཞེས་པ་འདི་རྣམས་འབྱུང་པོའི་བདག་པོ་ཆེན་པོ་རྣམས་སོ། །གཞན་གྱིས་མི་ཐུབ་པ་སྒྲུབ་པར་གྱུར་ན་དཔལ་ལྡན་རྡོ་རྗེ་དབྱུག་པ་འཛིན་པའི་མདུན་དུ་སྔོན་དུ་བསྙེན་པ་འབུམ་བཟླས་པ་བྱས་ནས་དེ་རྫོགས་པ་དང་མཆོད་པ་རྒྱ་ཆེན་པོ་བྱས་ནས་ཟས་དཀར་པོ་དང་
D474.083.0199b04.01ཞོ་དང་བུ་རམ་དང་འོ་མའི་ཐུག་པས་ཇི་ལྟར་གསུང་བའི་མཆོད་པར་བྱའོ། །གུ་གུལ་གྱི་སྤོས་ཕུལ་ནས་མཚན་མོ་ཧྲིལ་པོ་བཟླས་པ་བྱའོ། །ཤིན་ཏུ་སྔ་བ་ན་ངེས་པར་འོང་བར་འགྱུར་རོ། །གལ་ཏེ་མ་འོངས་ན་དེའི་སྐད་ཅིག་ལ་འཆི་བར་བྱེད་དོ། །འོངས་ནས་གནང་བ་
D474.083.0199b05.01ཞུ་བར་བྱེད་དེ། །བདག་གིས་ཅི་བྱ་ཞེས་སོ་སྒྲུབ་པ་པོས་སྨྲ་བར་བྱ་སྟེ། །བདག་གིས་གང་བསྒོ་བ་གྱིས་ཤིག་ཅེས་སོ། །དེ་ནས་བཟུང་སྟེ་གང་བསྒོ་བའི་ལས་རྣམས་བྱེད་དོ། །རིག་པ་འཛིན་པ་དང་རྒྱལ་པོ་ཡང་སྟེར་རོ། །དགྲ་རྣམས་ལ་ཆད་པས་གཅོད་པར་བྱེད་དོ། །ཟླ་བའི་ལྷ་མོ་
D474.083.0199b06.01ཡང་བླངས་ནས་སྟེར་རོ། །རྒྱབ་ལ་ཞོན་པས་ལྷའི་འཇིག་རྟེན་དུ་འགྲོ་ཞིང་བརྒྱ་བྱིན་ཡང་སྟེར་རོ། །བསྐལ་བ་བདུན་དུ་འཚོ་བར་འགྱུར་རོ། །དེ་ནས་ཨ་ཛི་ཏ་སྒྲུབ་པར་གྱུར་ན་མཆོད་རྟེན་གྱི་མདུན་དུ་མཚན་མོ་སྟོང་ཕྲག་བརྒྱད་བཟླས་པ་བྱས་ཏེ། ཉི་མ་བདུན་པའམ་བརྒྱད་པ་ལ་མཆོད་
D474.083.0199b07.01