完整藏文原文 · 德格版页 当前仅加载第 83 函德格 206b 版页；藏文 NFD、目录标记与异常页序保留在来源切片中，重复版页行以稳定序号区分。
རྫོགས་པར་ཤེས་བྱས་ལ། །ཁྱད་པར་ཅན་གྱིས་མཆོད་བྱ་བ། །འདོད་པའི་ཡོན་ཏན་ལྔ་རྣམས་ཀྱིས། །ཐེ་ཚོམ་མེད་པས་སངས་རྒྱས་མཆོད། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་གཤིན་རྗེ་གཤེད་དམར་པོའི་རྒྱུད་ལས་དཀྱིལ་འཁོར་ཆེན་པོའི་རིམ་པར་ཕྱེ་བ་
D474.083.0206b01.01སྟེ་བཅུ་གཉིས་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་རྡོ་རྗེ་འཆང་ཆེན་པོ་ལ་བསྟོད་པའི་རྒྱལ་པོ་འདིས་གསོལ་བ་གདབ་བོ། །ཕྱག་རྒྱ་གསུངས་པས་རབ་སྦྱོར་བ། །གང་
D474.083.0206b02.01གིས་རྡོ་རྗེ་རྣམས་ལ་བསྟོད། །ཕྱག་རྒྱ་རྡོ་རྗེ་ཕྱག་རྒྱ་ཡིས། །དངོས་གྲུབ་མང་པོ་སྒྲུབ་པར་མཛོད། །དེ་ནས་རྒྱལ་པོ་རྡོ་རྗེ་འཆང་། །ཚིག་འདི་དག་ནི་གསུང་བར་མཛད། །དཀྱིལ་འཁོར་པ་རྣམས་ཐམས་ཅད་ཀྱི། །སྤྱི་བོར་གཤིན་རྗེ་གཤེད་པོ་བསྒོམ། །རྟག་ཏུ་དཀྱིལ་འཁོར་ཟླུམ་བྱས་ལ། །རྟག་
D474.083.0206b03.01ཏུ་སྦྱིན་སྲེག་མཆོད་པ་དང་། །རྟག་ཏུ་དམ་ཚིག་བསྒྲུབ་བྱ་ཞིང་། །དེ་ཡི་སྡོམ་པ་གཟུང་བར་བྱ། །དང་པོ་ཅོད་པན་དབང་བསྐུར་ཏེ། །གཉིས་པ་རལ་གྲི་སྦྱིན་པར་བྱ། །གསུམ་པ་རྡོ་རྗེ་དྲིལ་བུ་སྟེ། །བཞི་པ་ཟླ་བའི་བཟའ་བའོ། །དབང་བསྐུར་ཆེན་པོ་བཞི་པ་ནི། །དམར་པོའི་ཞལ་ནས་འབྱུང་བ་
D474.083.0206b04.01སྟེ། །དབང་བསྐུར་འདི་ཡི་མཐུ་ཡིས་ནི། །བྱང་ཆུབ་རྒྱལ་བའི་རོ་བཅུད་འཐོབ། །དེ་ནས་བདག་གིས་སྔགས་བཤད་པས། །འབྱུང་པོ་ཀུན་ལ་གཏོར་མ་བྱ། །སྔགས་ཆེན་པོ་ནི་བརྗོད་པ་ཡིས། །འབྱུང་པོ་ཐམས་ཅད་རབ་ཏུ་འབར། །སྔགས་ཀྱི་ས་བོན་ཧྲཱིཿཥྚྲཱིཿསོགས། །མཐར་ནི་
D474.083.0206b05.01སྭཱ་ཧཱ་ངེས་པར་སྦྱར། །བི་ཊ་མ་ཊ་ཆུ་བསྲེས་ཀྱིས། །མཎྜལ་ཟུར་གསུམ་བྱས་ནས་ནི། །ལྷ་རྣམས་མཉེས་བྱ་རྣལ་འབྱོར་པས། །ཧཱ་ཧཱ་ཞེས་སྒྲོགས་སླར་དྲན་བྱ། །འཁོར་ལོ་རིམ་གསུམ་བྱ་བ་ནི། །བརྒྱད་དང་བཅུ་གཉིས་བཅུ་དྲུག་དང་། །མཁས་པས་ཆོ་ག་བཞིན་དུ་བྲི། །
D474.083.0206b06.01སྔགས་ནི་ཀུན་ཏུ་དགོད་པར་བྱ། །བརྟུལ་ཞུགས་ཅན་གྱིས་བཅུ་གཉིས་པར། །གྲུབ་པའི་སྔགས་རྣམས་དགོད་པར་བྱ། །ཁམས་གསུམ་གཡོ་དང་མི་གཡོ་བ། །མ་ལུས་ལུས་པ་མེད་པར་འགྲུབ། །ཡ་མ་རཱ་ཛཱ་ས་དོ་མེ་ཡ། ཡ་མེ་དོ་རུ་ཎ་ཡོ་ད་ཡ། ཡ་ད་ཡོ་ནི་ར་ཡ་ཀྵེ་ཡ།
D474.083.0206b07.01