完整藏文原文 · 德格版页 当前仅加载第 83 函德格 198b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེའི་རྐང་པའི་ཚད་ལས་ཕྱུང་སྟེ་མཉམ་དུ་བླངས་ནས་ར་ཏིའི་ཚད་གཞུག་པར་བྱའོ། །ཟངས་མ་ལ་བསྣུན་ན་མ་ལུས་པ་ངེས་པར་གསེར་དུ་འགྱུར་རོ། །ཟོས་པས་ཡུན་རིང་དུ་འཚོ་ཞིང་མཁའ་སྤྱོད་དུ་འགྲོ་བར་ཐེ་ཚོམ་མེད་དོ། །གནོད་སྦྱིན་དང་མིའམ་ཅིའི་བདག་པོ་རྣམས་ཞམ་རིང་བྱེད་བར་
D474.083.0198b01.01འགྱུར་ཞིང་གཤིན་རྗེའི་འཇིག་རྟེན་དུ་མི་འགྲོའོ། །དེ་ནས་གཞན་ཡང་ལྷང་ཚེར་ནག་པོ་སྲང་གཅིག་དང་སྦལ་པའི་ལོ་མའི་ཁུ་བས་སྦྱར་བའི་དངོས་པོ་ཟླ་བ་ཕྱེད་མཚལ་དང་རོ་མཉམ་པར་བྱས་ཏེ་ཟླ་བ་གཅིག་གི་ཚད་ཀྱིས་ཆུ་གྲང་མོ་དང་བཅས་ཏེ་བཟའ་བར་བྱའོ། །ཟླ་བའི་སྦྱོར་བས་རྣལ་འབྱོར་
D474.083.0198b02.01གྱི་བདག་ཉིད་ནད་དང་འཆི་བ་མེད་པར་འགྱུར་རོ། །དེ་ནས་གཞན་ཡང་ལྕགས་སྲང་ཙམ་བཟུང་སྟེ་རེ་ཏྱའི་ཕྱེ་མའི་རབ་ཏུ་བྱེད་པ་དང་། ཀ་ཤཱིའི་ཁུ་བ་དང་མཉམ་དུ་སྦྱར་ཏེ་ཉི་མའི་འོད་ཟེར་ལས་བསྐམ་པར་བྱའོ། །དངུལ་ཆུ་དང་ལྷང་ཚེར་དང་མུ་ཟི་རྣམས་དེའི་བཞི་ཆའི་ཚད་སྦྱོར་བ་ལས་ཀ་
D474.083.0198b03.01ཀོ་ལ་དང་ལི་ཤིའི་ཕྱེ་མ་རྣམས་སྔོན་མའི་ཚད་ལས་ཕྱེད་དང་གཉིས་སོ། །ཐམས་ཅད་གཅིག་ཏུ་བྱས་ཏེ། །ལྕགས་དང་མཉེ་བར་བྱ་སྟེ་རྡོ་བརྟན་པོ་ལའོ། །ལུགས་ཀོང་གི་ནང་དུ་བཅུག་སྟེ་ཁ་བཅད་ནས་སྦྱར་ཏེ་ལྕི་བའི་མེ་ལ་བསྲེག་པར་བྱའོ། །དེ་ནས་ཕྱུང་སྟེ་ལྕགས་ཆེན་པོ་དང་མཱ་ཤའི་ཚད་
D474.083.0198b04.01ཀྱིས་ཟོས་ན་སྐྲ་དཀར་གཉེར་མ་རྣམ་པར་འཇོམས་ཤིང་ནང་དང་འཆི་བས་མི་ཚུགས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེ་གཤེད་དམར་པོའི་རྒྱུད་ལས་མི་སྣང་བ་དང་མིག་སྨན་དང་བཅུད་ལེན་སྒྲུབ་པ་སྟེ་རིམ་པར་ཕྱེ་བ་བདུན་པའོ།། །།དེ་ནས་རྡོ་
D474.083.0198b05.01རྗེ་འཛིན་པའི་རྒྱལ་པོས་གྲིབ་གནོན་གྱི་རབ་ཏུ་བྱེད་པ་གསུངས་པ་འདི་ལྟ་སྟེ། དགྲ་བོ་རྐང་བཞི་པ་རྣམས་ཀྱི་ཆད་པའི་རབ་ཏུ་སྦྱོར་བ་འདི་གསུངས་ཏེ། དང་པོར་རེ་ཞིག་གཤིན་རྗེ་གཤེད་འཇིགས་སོ། །སེམས་ཅན་ཀུན་གྱི་རྨོངས་བྱེད་བསྒོམ་པར་བྱ། །རང་གི་ཁྱིམ་དུ་མཚན་མོའི་
D474.083.0198b06.01དུས། །སྟག་གི་པགས་པའི་སྟན་ལ་གནས། །ཞལ་གཅིག་དམར་པོ་ཤིན་ཏུ་རྔམ། །ཞགས་པ་དང་ནི་ལྕགས་ཀྱུ་འཛིན། །རོ་ཡི་སྟེང་དུ་འཇིགས་ཆེན་གནས། །སྤྱན་གསུམ་ཤིན་ཏུ་འཇིགས་པར་བྱེད། །ལྷ་རྣམས་ཐམས་ཅད་རྨོངས་བྱེད་པ། །མེ་སྟག་ཚོགས་པས་འཁྲིགས་པ་
D474.083.0198b07.01