完整藏文原文 · 德格版页 当前仅加载第 83 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
སྭ་བྷཱ་ཝ་ཨཱཏྨ་ཀོ྅ཧཾ། ཨོཾ་པཱུ་ཛཱ་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཨོཾ་དྷརྨ་དྷཱ་ཏུ་སྭ་བྷཱ་བ་ཨཱཏྨ་ཀོ྅ཧཾ། དེ་ནས་ཞི་བ་ལ་སོགས་པའི། །སྦྱིན་སྲེག་རབ་དབྱེ་བདག་གིས་བཤད། །གང་གིས་ལས་ཀུན་རབ་སྒྲུབ་པ། །སྦྱིན་སྲེག་གིས་ནི་འགྲུབ་པར་འགྱུར། །ཞི་ལ་
D474.083.0203a01.01ཞི་བའི་སེམས་ཀྱིས་ཏེ། །རྒྱས་ལ་རྒྱས་པའི་སེམས་ཀྱིས་སོ། །དབང་ལ་རྗེས་སུ་ཆགས་སེམས་ཏེ། །གསང་བ་ལ་ནི་ཁྲོ་སེམས་ཀྱིས། །ཞི་ལ་མཎྜལ་རྣམ་པ་སྟེ། །རྒྱས་ལ་རྫིང་གི་རྣམ་པའོ། །དབང་ལ་ཟླ་བ་ཕྱེད་པ་སྟེ། །ནམ་མཁའི་ཁམས་ནི་གསད་པ་ལ། །ཞི་ལ་
D474.083.0203a02.01ཁྲུ་གང་ཚད་ཡིན་ཏེ། །རྒྱས་ལ་དེ་བཞིན་ཁྲུ་དོའོ། །རྒྱས་པ་ཇི་ལྟ་དེ་བཞིན་དབང་། །གསད་ལ་སོར་མོ་ཉི་ཤུའོ། །ཞི་ལ་ཁྲུ་ཕྱེད་གཏིང་དུའོ། །ཁྲུ་ཡི་ཚད་ཀྱིས་རྒྱས་པ་ལ། །གསད་པ་ལ་ནི་ལྔ་གཉིས་སོ། །རྒྱས་པ་ཇི་ལྟར་དེ་བཞིན་དགུག །ཞི་བའི་སྦྱིན་སྲེག་ཚེས་
D474.083.0203a03.01གཅིག་ལ། །རྒྱས་པ་ཟླ་བ་གང་བ་ལ། །བཅུ་བཞི་ལ་ནི་མངོན་སྤྱོད་དོ། །བརྒྱད་ལ་དབང་གི་ལས་ཡིན་ནོ། །ཉ་སྐྱོགས་དང་ནི་ཤེལ་དག་དང་། །ཞི་ལ་མུ་ཏིག་འབྲས་བུ་མཆོག །དུང་གི་བུ་ནི་འཚོ་བ་ལ། །ནད་མེད་པ་ལ་མུ་མེན་ནོ། །ཙནྡན་དམར་པོ་དག་དང་ནི། །བྱི་རུ་
D474.083.0203a04.01དམར་པོའི་ཁྱད་པར་དང་། །རགྣ་དང་ནི་ལུང་ཐང་ནག །མི་ཡི་རུས་དང་དེ་བཞིན་དུ། །ནཱ་ག་ཕ་ཎཱི་ཞེས་བྱ་རྣམས། །ཞི་བ་ལ་ནི་བརྒྱ་ཕྲག་གཅིག །རྒྱས་པ་བརྒྱད་ཀྱིས་ལྷག་དེ་བཞིན། །དབང་དགུག་ཉི་ཤུ་རྩ་ལྔའོ། །མངོན་སྤྱོད་དྲུག་ཅུ་རྩ་བཞིའོ། །རྡོག་པོ་རྣམས་ནི་
D474.083.0203a05.01སྔགས་ཀྱིས་བསྐུ། །བརྒྱ་ཕྱེད་སྔགས་ཀྱིས་བསྒྲུབ་པར་བྱ། །ཕྲེང་བ་ཀུན་ལ་མཐར་མདུང་བྱ། །དེ་བཞིན་དུ་ནི་རི་རབ་གཉིས། །མཛུབ་མོའི་སྟེང་ནས་ཞི་བ་ལ། །གུང་མོ་ལ་ནི་རྒྱས་པའོ། །དབང་དགུག་དག་ལ་མིང་མེད་ལས། །ཆད་པས་བཅད་ལ་མཐེ་ཆུང་ལས། །ཞི་ལ་ཁ་
D474.083.0203a06.01དོག་དཀར་པོ་དང་། །ཁ་དོག་སེར་པོ་རྒྱས་པ་ལ། །དམར་པོ་དབང་ལ་རྟག་ཏུ་བསྒོམ། །ནག་པོ་ཤིན་ཏུ་གསད་ལ་འདོད། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེ་གཤེད་དམར་པོའི་རྒྱུད་ལས་སྦྱིན་སྲེག་གི་ཆོ་ག་སྟེ་རིམ་པར་བྱེ་བ་བཅུ་པའོ།། །།
D474.083.0203a07.01