完整藏文原文 · 德格版页 当前仅加载第 83 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
པའི། །མ་རུངས་ཆེན་པོ་རྣམས་ཀྱི་ནི། །ལྟོ་བའི་ནང་ནས་རྒྱུ་མ་དང་། །ལུས་ལ་ཚེར་མས་གང་བ་དང་། །རྐང་པ་གདོས་དང་སྒྲོག་གིས་བསྡམས། །དེ་བཞིན་དུམ་བུ་དུམ་བུར་བྱས། །པགས་པ་ངེས་པར་བཤུ་བར་བསམ། །སྐེ་ཚེ་ཚྭ་ཡིས་བྱུག་པར་བྱ། །གྲང་བ་ཡིས་ནི་ལུས་
D474.083.0191b01.01འདོན་བསྒོམ། །དེ་ཡི་ལུས་ཀྱི་བསྲུང་སོགས་རྣམས། །བཅད་ཅིང་བདག་ཉིད་མདུན་དུ་གཟུང་། །དེ་ཡི་གོ་ཆ་གཅད་པར་བྱ། །ལུས་ནི་དེ་བཞིན་སྟོང་པར་བསྒོམ། །བདག་གི་ལས་ལས་སྐྱེས་པ་ཡི། །ཁྲོ་བོ་གཤིན་རྗེ་གཤེད་གཟུགས་ཀྱིས། །འཇོམས་པ་དག་ཏུ་བསྒོམ་བྱ་ཞིང་། །
D474.083.0191b02.01རྐང་དང་ཚིལ་རྣམས་འཐུང་བ་སྟེ། །དེ་ཡི་མདུན་དུ་གཤིན་རྗེ་བསྒོམ། །ལག་ན་དབྱུག་པ་སྟོབས་ཆེན་ལྡན། །མ་རུངས་དེ་ཡིས་གདུག་པ་དེ། །རྣམ་པར་འཇོམས་པ་བསྒོམ་པར་བྱ། །དེ་ཡི་རྒྱུ་མ་རྩ་རྣམས་ནི། །བྱ་རྒོད་ཀྱིས་བཟུང་མཁའ་ལ་འགྲོ། །ཀླུ་ཡིས་ས་འོག་འགུགས་
D474.083.0191b03.01པར་བྱེད། །ལྷ་མ་ཡིན་ལ་སོགས་པས་བཙིར། །དེ་ལྟར་བསྒྲུབ་བྱ་བསམ་པར་བྱ། །སྙིང་རྗེའི་སེམས་ཀྱིས་རབ་བཅིངས་ནས། །འཁོར་བ་ལས་ནི་ཕ་རོལ་བྱས། །སངས་རྒྱས་རྣམས་ཀྱི་ཞིང་དུ་འགྲོ། །དེ་ནས་བཅོམ་ལྡན་འདས་དེ་བཞིན་གཤེགས་པ་རྣམས་ཐུགས་
D474.083.0191b04.01དགྱེས་ནས་གསུངས་པ། འདི་ལྟ་སྟེ། །ཀྱེ་མ་གསད་བྱ་ལེགས་པར་བྱས། །གསད་པར་བྱ་བ་མ་བསད་དེ། །ཇི་སྲིད་སྡིག་རྣམས་གྲོལ་བར་བྱས། །ཤི་བ་དེ་ཡང་མ་ཤི་སྟེ། །སྡིག་པ་སྟོང་ཕྲག་བྱས་པ་ཡི། །མནར་མེད་ལ་སོགས་མི་སྐྱེའོ། །ཨེ་མ་བདག་ཉིད་ཆེན་པོ་སྟེ། །
D474.083.0191b05.01བསད་པས་སངས་རྒྱས་བྱང་ཆུབ་ཐོབ། །སླར་ཡང་བརྩེ་བས་སེམས་ཅན་རྣམས། །གསང་པར་བྱ་བས་གསད་པར་བྱ། །ཨེ་མ་སྙིང་རྗེའི་སྟོབས་ཀྱིས་ཏེ། །སྙིང་རྗེ་དམན་པས་འགྲུབ་མི་འགྱུར། །ཨོཾ་ཧྲཱིཿཥྚྲཱིཿཝི་ཀྲྀ་ཏཱ་ན་ན་ཧཱུྃ་ཧཱུྃ་ཕཊ་ཕཊ་ཧཱུྃ་ལྷ་སྦྱིན་སོད་ཧཱུྃ། ཨོཾ་ཧྲཱིཿཥྚྲཱིཿཝི་ཀྲྀ་ཏཱ་ན་ན་ཧཱུྃ་
D474.083.0191b06.01ཧཱུྃ་ཕཊ་ཕཊ་ཧཱུྃ་ཕཊ་ལྷ་སྦྱིན་མཱ་ར་ཡ་ཧཱུྃ་ཕཊ་ཅེས་པ་ནི། བཅོམ་ལྡན་འདས་ཀྱིས་རྟོག་པ་ཆེན་པོ་གསང་པའི་རྡོ་རྗེའི་འཁྲུལ་འཁོར་དང་སྔགས་དང་རྒྱུད་ཀྱིས་གསད་པ་ལ་སོགས་པའི་དམ་ཚིག་ཏུ་གསུངས་སོ། །དེ་ནས་འཁོར་ལོ་གཉིས་བྲིས་ཏེ། །ཕཊ་ཀྱི་ཡི་གེའི་ནང་དུ་ནི། །བསྒྲུབ་བྱའི་
D474.083.0191b07.01