完整藏文原文 · 德格版页 当前仅加载第 91 函德格 82a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལས། །འགྲོ་རྣམས་ཀུན་གྱི་རྟེན་གནས་དང་། །རྟགས་སུ་ཡང་དག་འཛིན་པ་ལྟར། །རྣམ་པར་ཤེས་དང་ཕུང་པོ་བཞི། །འབྱུང་བ་རྣམ་པར་དག་བསྒྲུབས་པས། །ལྷ་དང་ཕྱག་རྒྱ་ཕྲིན་ལས་སུ། །སྔགས་ཤེས་རྣམས་ཀྱིས་བཟུང་བྱས་ནས། །བརྟུལ་བའི་ཡེ་
D632.091.0082a01.01ཤེས་བྱང་ཆུབ་རིམ། །ཁྱད་པར་དེ་ལ་ལྡན་པར་འགྱུར། །དེ་ནས་བཅོམ་ལྡན་ཐུབ་པ་ཆེ། །ཀུན་མཁྱེན་ཡེ་ཤེས་གཙོ་བོ་ཆེས། །སྐུ་ལས་སྣ་ཚོགས་མདངས་འོད་ཅན། །འོད་ཟེར་དུ་མ་བྱུང་ནས་ཀྱང་། །གཞི་དང་སྙིང་པོ་མེ་ཏོག་གིས། །བརྒྱན་པའི་ཞིང་རྣམས་ཁྱབ་བྱས་
D632.091.0082a02.01ཚེ། །ས་ཡང་རྣམ་པ་དྲུག་ཏུ་གཡོས། །འཇིག་རྟེན་སྐྱོང་དང་བདུད་ཀྱི་ཚོགས། །མ་ལུས་པ་རྣམས་བརྒྱལ་བར་འགྱུར། །ཉན་ཐོས་རང་རྒྱལ་འདར་བར་འགྱུར། །བྱང་ཆུབ་སེམས་དཔའ་བློ་ལྡན་གྱི། །ཚོགས་རྣམས་ཤིན་ཏུ་སྐྲག་པར་གྱུར། །དེ་ཚེ་ཕྱོགས་བཅུའི་ཞིང་
D632.091.0082a03.01རྣམས་ནས། །སངས་རྒྱས་ཀུན་གྱི་མཛོད་སྤུ་ནས། །ཁྲོ་བོ་ཆེན་པོའི་ཚོགས་བྱུང་བ། །འོད་ཟེར་རྩེ་མོས་དྲངས་ནས་སུ། །ཞིང་དབུས་དཀྱིལ་འཁོར་འདི་རུ་ལྷགས། །འོད་ཟེར་ཚོགས་ཀྱང་རབ་འདུས་ནས། །དཔལ་བེའུ་ཉིད་དུ་ཐིམ་པར་གྱུར། །དེ་ཚེ་འོད་དེའི་བྱིན་
D632.091.0082a04.01བརླབས་ལས། །མཁའ་ལ་སྒྲ་འདི་གྲག་པར་གྱུར། །ཤཱཀྱའི་མགོན་པོ་རྫོགས་སངས་རྒྱས། །གང་དུ་གཟི་བརྗིད་ཆེ་བཞུགས་སླད། །ཆོས་ཀྱི་དབྱིངས་ལས་བྱུང་བ་ཡི། །རྒྱལ་བའི་སྲས་པོ་ཐམས་ཅད་གཤེགས། །དྲི་མ་མེད་པའི་དམ་ཆོས་མཆོག །གསང་སྔགས་
D632.091.0082a05.01སྤྱོད་པའི་ཚུལ་དགེ་བ། །ཐོས་ནས་བྱང་ཆུབ་འདུས་མ་བྱས། །འཇིག་རྟེན་མགོན་པོ་བརྙེས་པར་གྱུར། །དེ་ནས་ལག་ན་རྡོ་རྗེ་ཚོགས། །འཁོར་གྱི་དཀྱིལ་འཁོར་ཐམས་ཅད་ཀྱང་། །སྙིམ་པ་མེ་ཏོག་བཀང་བྱས་ཏེ། །གཏོར་ནས་ཕྱག་འཚལ་བསྐོར་བ་བྱས། །དང་ཞིང་
D632.091.0082a06.01གུས་པའི་ཚུལ་གྱིས་སུ། །པུས་བཙུགས་ཐལ་སྦྱར་གསོལ་བ་འདེབས། །མི་གནས་ཡེ་ཤེས་ཆེ་བའི་མཆོག །ཡོན་ཏན་རྒྱ་མཚོ་འབྱུང་བའི་གཙོ། །མཚན་ཉིད་ཐམས་ཅད་རབ་བརྒྱན་པ། །མཚན་མིན་སྤངས་པའི་ཐུབ་པ་ཆེ། །དྲི་མེད་དགེ་བ་ཇི་ལྟར་ལགས། །གསང་
D632.091.0082a07.01