完整藏文原文 · 德格版页 当前仅加载第 91 函德格 95b 版页；藏文 NFD、目录标记与异常页序保留在来源切片中，重复版页行以稳定序号区分。
ཆར་འབེབས་ཆུན་འཕྱང་སྒྲེང་། །དེ་རྗེས་རིག་འཛིན་མ་ལུས་དང་། །འཇིག་རྟེན་སྐྱོང་བས་རབ་བསྐོར་ནས། །ཁྲོ་རྒྱལ་བྱོན་ནས་གསུང་སྙན་གྱིས། །ཅི་འདོད་བུ་ཁྱོད་གསུང་བར་འགྱུར། །རིག་འཛིན་རྒྱལ་པོ་མི་སྣང་སོགས། །ཅི་འདོད་པར་ནི་སྨྲ་བར་བྱ། །འགྲུབ་ནས་བརྒྱད་གཉིས་ཆ་བྱད་ཅན། །
D632.091.0095b01.01རྒྱན་བཟང་ལག་ན་རལ་གྲི་ཐོགས། །ལྷ་ཡི་བཞོན་པ་ལ་བཅིབས་ནས། །རིག་འཛིན་ཚོགས་མང་ལྷན་ཅིག་ཏུ། །སངས་རྒྱས་ཞིང་མང་ཕྱིན་པའི་ཚེ། །རྒྱལ་སྲས་རྣམས་ཀྱིས་ཕྱག་བྱས་ནས། །མཆོད་པ་ཆེན་པོ་ཐོབ་འགྱུར་ཏེ། །བསྐལ་པ་དུ་མར་ཚེ་གནས་འགྱུར། །ཨུཏྤལ་སྔོན་
D632.091.0095b02.01པོ་ལིག་བུ་མིག །རུ་རྟ་ཟངས་སྣོད་རིལ་བུ་གཞག །ཟླ་བ་གཟས་ཟིན་པར་བཟླས་ནས། །མིག་བསྐུས་འདོད་པའི་ཁམས་གསལ་འགྱུར། །བདག་ནི་སུས་ཀྱང་མི་མཐོང་ངོ་། །གནམ་ལྕགས་རྡོ་རྗེ་སོར་བཅུ་དྲུག །ངོས་གཉིས་རྩེ་གསུམ་དབྱིབས་ཅན་ཏེ། །ཙནྡན་དམར་དང་དྲི་{བཟངས་,བཟང་}
D632.091.0095b03.01བྱུག །ཆོ་འཕྲུལ་ཚེས་གཉིས་ཉ་ཡི་བར། །མཆོད་ཅིང་བཟླས་ན་ཐ་མར་ནི། །མར་མེ་བརྒྱ་སོགས་ཀྱིས་མཆོད་དེ། །ཀུ་ཤ་ཁྲེས་ཀྱི་སྟེང་འདུག་ནས། །རྡོ་རྗེ་ལག་གཉིས་གཟུང་མ་ཐག །དུད་འཐུལ་འོད་དུ་འབར་ནས་ཀྱང་། །འཁོར་བཅས་རིག་པ་འཛིན་པ་ཡི། །འཁོར་ལོས་སྒྱུར་
D632.091.0095b04.01བ་ཐོབ་པར་འགྱུར། །འཁོར་ལོ་བདུན་སོགས་མཚོན་ཆ་དང་། །གསེར་དང་མལ་ལྷམ་ཚངས་སྐུད་སོགས། །དགོས་པ་ཐམས་ཅད་དེ་ལྟར་སྒྲུབ། །སྔོན་གྱི་ཚུལ་དུ་དངོས་གྲུབ་འབྱུང་། །ཚེས་གཅིག་ཉིན་པར་སྐུ་གཟུགས་ཀྱི། །མཐེ་བོར་ཛ་ཏི་སྔགས་བརྗོད་བརྡེག །སྟོང་ཕྲག་བརྒྱད་
D632.091.0095b05.01ཀྱིས་མཐེ་བོ་ལས། །འོད་ཟེར་ཕྱུང་ནས་རེག་མ་ཐག །དབུ་སྐྲ་ལྕང་ལོ་འཁྱིལ་གྱུར་ནས། །འཁོར་བཅས་རིག་འཛིན་རྒྱལ་པོ་འཐོབ། །སུས་ཀྱང་མི་ཐུབ་ལུས་གྲུབ་འགྱུར། །ཚེ་ནི་བསྐལ་པའི་བར་དུ་གནས། །ས་ལ་པད་འདབ་བརྒྱད་པ་བྲི། །བུམ་པ་སྐུད་པ་ནག་པོས་དཀྲི། །ཙནྡན་གྱིས་
D632.091.0095b06.01བྱུགས་དྲིས་ཀྱང་དགང་། །པདྨའི་སྟེང་བཞག་པད་སྟེང་འདུག །སྟོང་ཕྲག་བརྒྱད་བཟླས་ས་གཞི་གས། །པདྨར་སྣང་ཞིང་ས་གཞིར་སྣང་། །ཆུ་དེས་གཏོར་ལ་ཁྲུ་གང་བརྐོ། །བླངས་པས་བསྐལ་བའི་ཚེ་ཚད་འཐོབ། །གྲོག་མཁར་ས་ལ་སེང་གེ་བྱ། །གིའུ་ཝང་གིས་བྱུགས་དཀྱིལ་འཁོར་
D632.091.0095b07.01