完整藏文原文 · 德格版页 当前仅加载第 91 函德格 82b 版页；藏文 NFD、目录标记与异常页序保留在来源切片中，重复版页行以稳定序号区分。
སྔགས་ཚུལ་དུ་སྤྱོད་པ་ཅི། །འདུས་མ་བྱས་པའི་བྱང་ཆུབ་གང་། །འཇིག་རྟེན་མགོན་པོ་ཅི་ལྟར་འགྱུར། །བདག་ཅག་རྣམས་ལ་སྨན་རབ་དང་། །འགྲོ་ལ་ཐུགས་རྗེ་ཆེ་མཛད་ཕྱིར། །མགོན་པོ་བཅོམ་ལྡན་ཐུབ་པ་ཆེས། །ཡང་དང་ཡང་དུ་བཤད་དུ་གསོལ། །དེ་ནས་ཡང་
D632.091.0082b01.01དག་རྫོགས་སངས་རྒྱས། །རྐང་གཉིས་གཙོ་བོས་བཀའ་སྩལ་པ། །གསང་བའི་དབང་ཕྱུག་རྡོ་རྗེ་འཛིན། །ཤེས་རབ་ཆེན་པོའི་སྤྱན་ལྡན་པས། །བདག་གཞན་ཕན་དོན་ལ་བརྩོན་ཕྱིར། །ལེགས་པར་ཉོན་ལ་ཡིད་ལ་ཟུང་། །ཡང་དག་ཡང་དག་མཐའ་མིན་ཚུལ། །
D632.091.0082b02.01དེ་ནི་ང་ཡིས་བཤད་པར་བྱ། །སྲོག་གཅོད་མ་བྱིན་ལེན་{བརྫུན་,རྫུན་}འཁྲིག །ཚིག་རྩུབ་དབྱེན་དང་ངག་ཀྱལ་སྨྲ། །བརྣབ་སེམས་གནོད་སེམས་ལོག་ལྟ་ཆང་། །དྲི་རོ་ངན་པའི་ཟས་སྐོམ་དང་། །སྲོག་ཅན་ཤ་ཁྲག་ལོག་འཚོར་བཅས། །སློབ་དཔོན་དགེ་འདུན་མཆོད་རྟེན་སོགས། །
D632.091.0082b03.01ཁྱད་པར་ཡུལ་ཅན་ཡོ་བྱད་དང་། །དམན་ཞིང་ཉམ་ཐག་ཕྲོག་དགུ་པ། །གླེགས་བམ་འཚོང་དང་ཆོས་ཀྱི་ཟོང་། །གཡངས་རལ་གྲི་སོ་དུག་སོགས། །མེ་འོབས་ལྟར་མཐོང་སྤངས་ནས་ཀྱང་། །རྣམ་པར་དཀར་ལ་སོགས་པར་བྱ། །ཡི་གེ་འདྲི་མཆོད་སྦྱིན་སྩོལ་དང་། །
D632.091.0082b04.01ཉན་དང་འཛིན་དང་ཀློག་པ་དང་། །མཆོད་པ་དང་ནི་ཁ་ཏོན་དང་། །དེ་དག་སེམས་དང་སྒོམ་པ་སྟེ། །དཀར་བཅུ་ལམ་ལ་ཡུན་རིང་དང་། །ནུས་བཅས་རྒྱུན་མི་འཆད་དུ་འབད། །གཏན་པ་མེད་པའི་བྱང་ཆུབ་སེམས། །ཤེལ་ལྟར་དྲི་མ་མེད་པའོ། །མཆོག་འདི་སྤྱད་པས་སྡུག་
D632.091.0082b05.01བསྔལ་ཚོགས། །མྱུར་དུ་གཅོད་པས་དགེ་བའོ། །ཆོས་བདག་མེད་དང་མཉམ་ཉིད་དང་། །རང་སེམས་གདོད་ནས་དག་པ་གང་། །རྒྱུ་འབྲས་འདུ་བྱེད་མེད་པ་དང་། །ཟག་བཅས་བདེ་དང་བྲལ་བ་ལས། །བྱང་ཆུབ་ཕྱོགས་ཆོས་མ་ལུས་པ། །ཆོས་ཉིད་བདག་མེད་སྤྱོད་
D632.091.0082b06.01པ་ནི། །ཆོས་དབྱིངས་ཡེ་ཤེས་མངོན་བྱས་ནས། །མ་འདྲེས་ཆོས་རྣམས་རྫོགས་གསལ་བ། །འདུས་མ་བྱས་ཀྱི་བྱང་ཆུབ་སྟེ། །ཆོས་རྣམས་ཀུན་གྱི་གཞི་ལུས་སོ། །འདོད་པའི་ཁམས་སོགས་ཡོན་ཏན་ལ། །ཤིན་ཏུ་བདེ་རོལ་སྤྱད་པ་སྤྱོད། །སངས་རྒྱས་མུ་སྟེགས་
D632.091.0082b07.01