完整藏文原文 · 德格版页 当前仅加载第 91 函德格 97a 版页；藏文 NFD、目录标记与异常页序保留在来源切片中，重复版页行以稳定序号区分。
ས་ལ་བགེགས་ཀྱི་གཟུགས་བྲིས་ཏེ། །སྔགས་ཀྱིས་བརྡུངས་ན་བརླག་པར་འགྱུར། །འཇིམ་པས་བགེགས་ཀྱི་གཟུགས་བྱས་ཏེ། །གདབ་ཅིང་བརྡུངས་ན་སེལ་བར་ངེས། །ཕུར་བུ་གདབ་དང་མཚོན་ཆས་བྲབ། །རྡོ་རྗེ་རི་རབ་ཅོག་བརྒྱད་ལྡན། །ས་ལ་བྱས་པའི་ཐེམ་བར་དུ། །
D632.091.0097a01.01གཟུགས་བརྙན་བཅུག་སྟེ་རྐང་པས་མནན། །གཟས་ཟིན་ནུབ་མོ་བའི་མཎྜལ། །དྲི་{བཟངས་,བཟང་}མེ་ཏོག་སིལ་མ་བཀྲམ། །ཕ་རོལ་ཕྱིན་པའི་གླེགས་བམ་བཞུགས། །ཟངས་མའི་སྣོད་དུ་མར་བཞག་སྟེ། །སེང་ལྡེང་མེས་ནི་བསྐོལ་བར་བྱ། །དངོས་གྲུབ་རྣམ་གསུམ་འགྲུབ་པ་དང་། །གཏེར་མཐོང་
D632.091.0097a02.01བར་ཡང་འདི་འགྱུར་རོ། །ཁྲོས་པས་སྤྱན་གྱི་ཕྱག་རྒྱ་བྱ། །ཧཱུཾ་མཐའ་གསང་སྔགས་དྲག་ཏུ་བརྗོད། །དུར་ཁྲོད་ཐལ་བ་གང་བྱིན་པ། །གདོན་གྱིས་འཛིན་ནམ་བྲན་དུ་འགྱུར། །དེ་ནས་མི་གཡོ་སྤྱན་གཅིག་པའི། །སྔགས་ཀྱི་ཆོ་ག་བཤད་པར་བྱ། །རིས་མའི་དྲུང་དུ་འབུམ་ཕྲག་གསུམ། །
D632.091.0097a03.01བརྗོད་པས་འདི་ཡི་བསྙེན་པ་རྫོགས། །དབེན་པར་ཟན་གྱི་ཆང་བུ་སྦྱིན། །དེས་ན་རྟག་ཏུ་འབྲེལ་བར་འགྱུར། །མཛུབ་མོའི་རྩེ་ལ་ཧཱུཾ་བཀོད་ནས། །བརྗོད་པས་སྤྲིན་རྣམས་འདྲལ་བར་བྱེད། །དགྲ་བོ་ལྷར་བཅས་གཟུགས་བརྙན་ལ། །རྐང་གཡོན་མནན་བཟླས་ལྕགས་ཕུར་གདབ། །བཀའ་
D632.091.0097a04.01ཉན་འགྱུར་རོ་གཏུབས་ན་ཤི། །སྐུད་པ་སེར་པོས་བཅིང་ནད་དག །སྤང་ལེབ་མནན་ན་མནན་པར་འགྱུར། །ར་ལྤགས་བྲབས་ན་བཀའ་ཉན་འགྱུར། །སྲད་བུ་ཡུངས་ཀར་ལ་བཟླས་ཏེ། །འཆང་ན་གང་འདོད་སྲུང་བར་བྱེད། །ན་མཿསརྦ་ཏ་ཐཱ་ག་བྷྱཿ། །སརྦ་བི་ཤྭ་མུ་ཁེ་བྷྱོཿ། སརྦ་ཐཱ། ཨོཾ་ཙཎྜ་
D632.091.0097a05.01མ་ཧཱ་རོ་ཥ་ཎ་ཧཱུཾ་ཏྲཾ་ཐཱ་མ་ཧཱ་ཙཎྜ། ཨ་ཙ་ལ་ཀ་ན་ཧཱུཾ་ཧཱུཾ་ཧཱུཾ་ཨ་པྲ་ཏི་ཧ་ཏ། ཏ་ཐཱ་ག་ཏ་ཛྙཱ་སྨ་ར་ཧཱུཾ་ཧཱུཾ་ཕཊ་སྭཱ་ཧཱ། རྒྱ་མཚོར་འབབ་པའི་ཆུ་ཀླུང་དུ། །ཙནྡན་སྦགས་པའི་པདྨ་ནི། །སྔགས་བཅས་ཅི་ཙམ་བསྒྱུར་བའི་གྲངས། །གསེར་གྱི་དོང་ཙེ་རྙེད་པར་འགྱུར། །བྲམ་ཟེ་འམ་ནི་དགེ་འདུན་
D632.091.0097a06.01རས། །རྒྱལ་པོ་རས་སམ་གྲོ་ག་ལ། །པདྨ་མུ་ཁྱུད་གཉིས་ལྡན་བྲི། །ལྟེ་བར་ཨོཾ་ཧཱུྃ་མིང་དང་བཅས། །ཙཎྜ་མ་ཧཱ་རོ་ཥ་ཎ། །ཕཊ་དང་བཅས་པ་འདབ་མར་བཀོད། །མུ་ཁྱུད་དང་པོར་རྩ་སྔགས་ཏེ། །གཉིས་པ་འཇམ་དཔལ་སྔགས་ཉིད་བྲི། །དྲི་དང་མེ་ཏོག་སོགས་མཆོད་
D632.091.0097a07.01