完整藏文原文 · 德格版页 当前仅加载第 91 函德格 90b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོགས་དུར་ཁྲོད་རྒྱན་རྣམས་ནི། །རྩུབ་ཅིང་བློ་ལྡན་རབ་ཏུ་ཁྲོས། །ན་བཟའ་རློན་པ་ཁྲག་ཅན་ནི། །སྟེང་གི་ཁྱམས་སུ་ཡོད་པར་མཛད། །ཧ་ཧ་ཧཱུཾ་ཧཱུཾ་ཕཊ་ཕཊ་ཀྱི། །ངར་སྐད་འབྲུག་སྒྲ་སྤྱུགས་གླུ་ནི། །རི་རབ་འབུམ་བསྙིལ་ཆལ་ཆོམ་ལྟར། །ལུས་རབ་ལྟོས་འགྲོས་
D632.091.0090b01.01བརྒྱན་པ་ནི། །གཟི་ལྡན་འཁྱུད་ཅིང་ཕུཊ་སྒྲ་འདོན། །འཕྲོ་འདུ་འོད་ཀྱི་དཀྱིལ་འཁོར་ནི། །ཉི་འབུམ་དུས་མེའི་བསྐལ་པ་འདྲ། །རབ་གདུག་མཚོན་ཆ་དུ་མ་ནི། །ལྷ་མིན་དུས་ཀྱི་འཁྲུག་པའི་ཆ། །ཁྲོ་བོ་ཁྲོ་མོའི་ཚོགས་འབྱུང་བ། །ཐམས་ཅད་ཡི་གེ་ཧཱུཾ་སྒྲ་ཅན། །
D632.091.0090b02.01མ་མོ་དང་ནི་མཁའ་འགྲོ་རྣམས། །བྷྱོ་ཡིག་དྲག་པོའི་བདག་ཉིད་ཅན། །ཐུབ་པ་ཡི་གེ་མུྃ་ལས་བསྐྱེད། །རྒྱལ་སྲས་རིག་མ་ཉན་ཐོས་དང་། །འཇིག་རྟེན་སྐྱོང་རྣམས་སྔགས་འདིས་བསྐྱེད། །ན་མཿསརྦ་ཏ་ཐཱ་ག་ཏེ་བྷྱཿ། ས་པ་རི་པཱུ་ར་ཀེ་བྷྱཿ། སརྦ་ཐཱ། ཨོཾ་སརྦ་སཾ་སྐ་ར་
D632.091.0090b03.01པ་རི་ཤུདྡྷེ། དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་པ་རི་ཤུདྡྷེ། མ་ཧཱ་ན་ཡ་པ་རི་ཝཱ་རེ་སྭཱ་ཧཱ། རང་གི་ལུས་ལ་སེམས་བཅུག་ནས། །སྡིག་པ་ཐམས་ཅད་རབ་ཏུ་ཞི། །ངང་ཚུལ་བཟང་པོར་ཡང་དག་བྱུང་། །རིག་པར་གྱུར་པའི་སེམས་ལྡན་ནས། །དྲང་སྲོང་རྫུ་འཕྲུལ་
D632.091.0090b04.01ཅན་དུ་འགྱུར། །གཞན་ཡང་སྡུག་བསྔལ་ཞི་ནུས་ན། །རང་གི་བདེ་ཐོབ་སྨོས་ཅི་དགོས། །རང་རང་རིགས་ཀྱི་ལྷ་རྣམས་ཀྱི། །གཟུགས་བརྙན་ཕྱག་མཚན་ཁ་དོག་ནི། །དཀྱིལ་འཁོར་རམ་ནི་རིས་མ་ལས། །གསུང་བ་ཇི་ལྟར་བསྒོམ་པར་བྱ། །དེ་ནས་
D632.091.0090b05.01མི་གཡོ་ཁྲོ་བོ་ཆེ། །རྡོ་རྗེ་འཛིན་པ་ཕྱག་འཚལ་ནས། །དག་ཅིང་གསལ་ལ་སྙན་པ་ཡིས། །ཚིག་གི་ཡང་ནི་འདི་གསོལ་ཏོ། །རྡོ་རྗེ་འཛིན་པ་བཅོམ་ལྡན་འདས། །གཏུམ་མོ་མཚན་ཉིད་རབ་ལྡན་པའི། །ང་ཡི་མཚན་ཉིད་ཁྱོད་བཤད་ནས། །དེ་ཚེ་རྡོ་རྗེ་
D632.091.0090b06.01འཛིན་རྒྱལ་པོས། །གཏུམ་མོའི་ཆ་བྱད་ལྡན་བྱས་ནས། །རང་གཟུགས་སྔགས་དང་བཅས་པ་ཡིས། །གསང་ཆེན་བརྡ་འདི་བཀའ་སྩལ་ཏོ། །དག་པའི་སེམས་ཉིད་ཧཱུཾ་རྡོ་རྗེ། །མཐིང་གའི་མདོག་ལས་རྡོ་རྗེ་འཛིན། །མཐིང་ག་བརྐྱང་བསྐུམ་ཁྲོ་སེམས་ཅན། །
D632.091.0090b07.01