完整藏文原文 · 德格版页 当前仅加载第 91 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
རྭ་དབུས་ལ། །ཉེ་སྙིང་མིང་དང་བཅས་པ་བྲི། །དེ་ཡི་ལྟེ་བར་སྙིང་པོ་ནི། །བསད་པ་མིང་བཅས་བྲི་བའོ། །ཚོགས་ཀྱི་བདག་པོ་གཏོར་མས་མཆོད། །མ་མོ་རྣམས་དང་ལེགས་ལྡན་སྲས། །ཤ་ཁྲག་མེ་ཏོག་ནག་པོས་མཆོད། །ཇི་སྲིད་གསུམ་དང་བདུན་བར་དུ། །ལེ་ལོ་མེད་
D632.091.0098a01.01པར་བྱས་གྱུར་ན། །དགེ་སློང་དགེ་ཚུལ་བསྙེན་ལྡན་གང་། །སྡོམ་བརྩོན་དེ་ནི་ལྡན་གྱུར་ཏེ། །སྡིག་ལྡན་མྱུར་དུ་ཤི་བར་འགྱུར། །དེ་ནས་ཡང་དག་བཤད་བྱ་བ། །གཏུམ་པོ་རྡོ་རྗེ་འཛིན་པ་ཡི། །སྣ་ཚོགས་ལས་རྣམས་ཐུན་མོང་སྟེ། །ཁྱད་པར་སྦྱོར་བ་ཅུང་ཟད་བཤད། །ཡུངས་ཀར་
D632.091.0098a02.01བསྣུན་པས་འབྱུང་པོ་འབྲོས། །སེར་བ་བསྲུང་ན་འཁོར་ལོའམ། །རྔ་དང་དུང་ལ་བྲི་བར་བྱ། །གཡུལ་དུ་འཇུག་ན་རལ་གྲི་སོགས། །ནད་ལ་འཁོར་ལོ་ཆུ་ཡུངས་ཀར། །ཐོད་ལོ་ཀོར་གྱིས་ས་ཕོར་ལ། །བྲིས་ཏེ་སྒོར་དབྱངས་སྲིའུ་བསྲུང་། །སྤྲ་ཚིལ་གཟུགས་བརྙན་སོར་བཞི་པ། །དུར་ཁྲོད་
D632.091.0098a03.01ཐལ་བཟླས་སྒོ་སྟེང་བཞག །ནད་པ་གདོན་ལས་བསྲུང་བར་ངེས། །སྙིང་གར་མིང་སྔགས་སྤེལ་བཅུག་ནས། །ཚེར་མ་ཁར་བཙུགས་ངག་རེངས་བྱེད། །སྙིང་ལ་བཙུགས་ན་ཁྲོས་པ་ཞི། །ནན་ཏན་སེམས་ཀྱིས་གསོད་པར་ངེས། །ལིང་གས་རྟགས་ཀྱི་ནུས་པ་མེད། །ཡང་ན་རབས་ཆད་ཐོད་
D632.091.0098a04.01པ་ལ། །མིང་སྔགས་བྲིས་ཏེ་མི་ཁྲག་བཀང་། །རབས་ཆད་དུར་སྦས་རིགས་རྒྱུད་འཆད། །ཁྱི་ནག་ཐོད་པར་མིང་སྔགས་བཅས། །དུག་བཀང་ཀླུ་གནས་སྦས་མཛེས་འཛིན། །དགྲ་ཡི་སྒོར་སྦས་འབྱེད་པར་བྱེད། །ཞིང་དུ་སྦས་ན་ལོ་ཉིས་བྱེད། །ཕྱུགས་གནས་གོད་འབྱུང་ཟླ་དང་འབྱེད། །ཆུ་དོང་
D632.091.0098a05.01སྦས་ན་ཆུ་སྐེམས་འགྱུར། །མེ་དུར་སྦས་ན་རིམས་ཀྱིས་འཛིན། །ཡང་ན་དགྲ་མིང་ཁྲག་གིས་བྲི། །སྤྲ་ཚིལ་གཟུགས་ཀྱི་སྙིང་གར་བཅུག །མཆོད་རྟེན་ནག་པོ་མཐོ་གང་བའི། །ནང་བཅུག་དོང་བཞག་ལྷུང་བཟེད་སྦུབ། །བྲམ་ཟེ་རིགས་བཞིས་སྔགས་བརྗོད་ཅིང་། །ནག་པོ་ཚེས་ནས་ཕྱིས་
D632.091.0098a06.01བསྐོར་ཞིང་། །བདེན་པའི་མཐུ་བརྗོད་གཟུགས་བརྙན་བསྲེག །དགྲ་བོ་ཤི་འགྱུར་ཐེ་ཚོམ་མེད། །གྲི་ཁྲག་བྱ་རོག་འུག་པའི་ཁྲག །ཀ་ཏ་ཡི་ལྟེ་བ་ལ། །ཀ་རོ་ཀ་ཡི་དུས་སུ་ནི། །གཟུགས་ལ་མིང་དང་སྔགས་བཅས་བྲིས། །རྐང་པས་མཉེས་ན་རྡུལ་དུ་འགྱུར། །རྡོ་རྗེ་འཛིན་པའི་བཀའ་བཞིན་
D632.091.0098a07.01