完整藏文原文 · 德格版页 当前仅加载第 91 函德格 84a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་ཉིད་ཀྱི་སྙིང་པོ་མཆོག །སྟོང་ཉིད་ལས་བྱུང་རྒྱལ་བའི་སྐུ། །ཆོས་དབྱིངས་བདག་ཉིད་ལ་བཞུགས་ནས། །སྤྲུལ་འདིས་སྲིད་པའི་ཁམས་སྦྱོང་མཛད། །མཁའ་ལྟར་དྲི་མེད་སྤྲོས་བྲལ་བས། །དུས་གསུམ་སངས་རྒྱས་ཐམས་ཅད་འབྱུང་། །སྤྲོས་མེད་ནམ་མཁའི་
D632.091.0084a01.01རང་བཞིན་ལ། །ཐ་སྙད་ཙམ་དུ་གསང་སྔགས་ཞེས། །བརྗོད་ཀྱང་ངག་གི་སྤྱོད་ཡུལ་འདས། །སྐྱོབ་པས་ཐ་སྙད་རྟོགས་ཕྱིར་གསུངས། །སེམས་མེད་རང་བཞིན་མེད་སྟོང་ཉིད། །སྒྱུ་འདྲར་ཡིད་ཀྱིས་བསྒོམ་པ་ཡིན། །དངོས་མེད་མཉམ་མཛེས་འདོད་དོན་རྣམས། །གསང་སྔགས་
D632.091.0084a02.01མགོན་འདི་བརྗོད་པས་སྩལ། །མུ་སྟེགས་བདག་དང་སྲོག་གང་ཟག །གཙོ་བོ་སྐྱེས་བུ་ཁྱབ་གནས་པས། །འཁོར་བ་རྟག་འདོད་ང་རྒྱལ་རྨོངས། །ལོག་པའི་ཞགས་བཅིངས་སྡུག་བསྔལ་བསྐྱེད། །བདག་མེད་སྲོག་མེད་སེམས་ཅན་མེད། །བྱེད་པོ་མེད་ཅིང་གཙོ་བོ་མེད། །ཁྱབ་
D632.091.0084a03.01གནས་མེད་ཅིང་དངོས་པོ་མེད། །རྫས་ལ་རྫོགས་པའི་རང་བཞིན་མེད། །ལོག་རྟོག་སྲིད་འཆིང་ཞགས་བཅད་ཕྱིར། །དངོས་མེད་སྣ་ཚོགས་གཟུགས་བསྒོམས་པས། །དངོས་གྲོལ་སྟོང་ཉིད་གོ་འཕང་འཐོབ། །ཕྱི་ནང་ཁྱད་པར་དེར་གོམས་པའོ། །དབུ་བ་ཆུ་བུར་སྒྱུ་འདྲར་བསྒོམ། །
D632.091.0084a04.01སྟོང་ཉིད་ལས་ལྡང་ཏིང་འཛིན་གྱིས། །རྣམ་རྟོག་སྡིག་བཅིངས་ལས་གྲོལ་ནས། །འཆི་མེད་ཡེ་ཤེས་གོ་འཕང་འཐོབ། །ཕུང་པོ་ཁམས་དང་སྐྱེ་མཆེད་མེད། །ཀུན་གཞི་མེད་དེ་གང་ཟག་མེད། །གཟུང་འཛིན་མེད་དེ་བཅིངས་མེད་པར། །རྒྱལ་བ་རྣམས་ཀྱིས་རྟག་ཏུ་བཤད། །
D632.091.0084a05.01ཀུན་མེད་ཀུན་བྲལ་ཀུན་སྤངས་པའི། །སྟོང་ཉིད་བྱང་སེམས་སྒྱུ་འདྲ་བར། །བག་ཡོད་པས་ནི་རྟག་བསྒོམས་ན། །བྱང་ཆུབ་སེམས་ཀྱི་མྱུ་གུ་འཆར། །ཡིད་བཞིན་ནོར་འདྲ་རྫུ་འཕྲུལ་ཆེ། །མཁའ་ལྟར་གོས་པ་མེད་པའི་སྐུ། །སྔགས་སྤྱོད་བྱང་ཆུབ་སེམས་དཔའ་ཡིས། །བྱང་
D632.091.0084a06.01ཆུབ་སེམས་ཀྱི་སྒོམ་པ་འཐོབ། །ངོ་མཚར་གསུངས་ཏེ་ཐོས་མ་ཐག །ཁྲོ་བོ་རྣམས་ཀྱི་གཙོ་ལ་བསྟོད། །རྟག་ཏུ་དག་ཅིང་དྲི་མེད་པ། །རྣམ་རྟོག་རྒྱུན་འགགས་ཀུན་རྟོག་མེད། །བརྟག་རྟོག་མེད་ལ་ཞུགས་པ་ཡི། །དཔའ་བོ་ཆེན་པོ་ཕྱག་འཚལ་བསྟོད། །ཆོས་ཀུན་གཡོ་
D632.091.0084a07.01