完整藏文原文 · 德格版页 当前仅加载第 91 函德格 94a 版页；藏文 NFD、目录标记与异常页序保留在来源切片中，重复版页行以稳定序号区分。
མཚུངས་སྒེག་པའི་ཉམས། །དེ་རྒྱབ་སྔོན་ལྟར་ཁྲོ་བོ་བཅུ། །སྐུ་འམ་ཕྱག་རྒྱའི་ཕྲེང་བ་བྲི། །དཀྱིལ་འཁོར་ཆ་ཡི་རྒྱབ་ཏུ་ནི། །འཇིག་རྟེན་སྐྱོང་བཅུ་དྲག་ཤུལ་ཅན། །ཁྲོས་པས་རང་རིག་འཁོར་བཅས་བྲི། །བུམ་པ་ཚད་ལྡན་རས་ཀྱིས་དཀྲི། །དྲི་{བཟངས་,བཟང་}ཆུས་བཀང་ལྷ་གྲངས་སམ། །
D632.091.0094a01.01བཅུ་གཉིས་སམ་ནི་དྲུག་ཀྱང་རུང་། །ཁ་རྒྱན་དང་བཅས་གཞག་པར་བྱ། །བླ་རེ་བ་དན་གདུགས་རྒྱལ་མཚན། །ཡོན་ཆབ་བདུག་སྤོས་མེ་ཏོག་དང་། །སྒྲོན་མ་བྱུག་ཆབ་ཞལ་ཟས་དང་། །གླིང་བུ་སིལ་སྙན་ན་བཟའི་ཚོགས། །གཏོར་མའི་དྲི་{བཟངས་,བཟང་}སྨན་དང་བཅས། །ཡིད་འོང་དྲི་ཞིམ་ཟས་སྐོམ་
D632.091.0094a02.01ཚོགས། །དཀྱིལ་འཁོར་སྤྲོས་ནས་མཆོད་པར་བྱ། །ས་ལ་པུས་མོ་ཚད་བརྐོས་ནས། །འབུ་སྲིན་ཤིང་རྡོ་དུམ་བུ་སོགས། །སྐྱོན་མང་བྲལ་ནས་ས་ཡིས་དགང་། །བ་ཡི་རྣམ་ལྔས་བྱུགས་པའི་སར། །མེ་ཏོག་གཅལ་བཀྲམ་མཆོད་སོགས་བཀོད། །ལྷ་ནི་སྤྱན་དྲངས་མཆོད་ནས་ཀྱང་། །དགེ་མི་
D632.091.0094a03.01དགེ་བའི་རྨི་ལམ་བརྟག །རྨི་ལམ་བཟང་ན་སྤྲོ་གྱུར་ནས། །ས་བདག་མོ་ལ་གསོལ་བ་གདབ། །ཁྱད་པར་དུ་ཡང་གཏོར་མས་མཆོད། །བུ་ཚུར་ཤོག་ཅེས་ཐེག་ཆེན་གྱི། །ཚུལ་ཆེན་ཁྱོད་ནི་སྣོད་ཡིན་པས། །གསང་སྔགས་སྤྱོད་ཚུལ་ཆོ་ག་རྣམས། །ཁྱོད་ལ་ཡང་དག་བསྟན་པར་བྱ། །དུས་
D632.091.0094a04.01གསུམ་སངས་རྒྱས་འབྱུང་བ་རྣམས། །མི་གཡོ་མགོན་པོར་རབ་བསྒོམས་པས། །ཡེ་ཤེས་མཚུངས་པ་མེད་པ་བརྙེས། །སྐྱོབ་པ་ཤཱཀྱ་སེང་གེས་ཀྱང་། །གསང་སྔགས་སྦྱོར་བ་མཉམ་མེད་འདིས། །བདུད་སྡེ་ཤིན་ཏུ་མི་བཟད་པ། །དཔུང་ཆེན་རྣམས་ཀྱང་དཔའ་བོས་བཅོམ། །འཇིག་རྟེན་
D632.091.0094a05.01འདུལ་ཕྱིར་ཆོས་རྣམས་ཀྱི། །འཁོར་ལོ་བསྐོར་ནས་མྱ་ངན་འདས། །དེ་འདྲ་ཀུན་མཁྱེན་ཐོབ་བྱའི་ཕྱིར། །བུ་ཁྱོད་བློ་གྲོས་འདི་གྱིས་ཤིག །ཨུ་དུམ་བཱ་རའི་མེ་ཏོག་ལྟར། །བརྒྱ་ལམ་ན་ནི་རེ་འགའ་ཞིག །འབྱུང་འགྱུར་ཡང་ནི་མི་འབྱུང་སྟེ། །སྐྱོབ་པ་འཇིག་རྟེན་མགོན་པོ་ཆེ། །རྙེད་དཀའ་
D632.091.0094a06.01རྙེད་པར་གྱུར་ན་ཡང་། །གསང་སྔགས་སྐྱོབ་པའི་ཚུལ་འབྱུང་བ། །ཤིན་ཏུ་དཀའ་སྟེ་རྨད་བྱུང་ཕྱིར། །སྡུག་བསྔལ་ཤིན་ཏུ་མི་བཟད་པ། །འཁོར་བའི་རྒྱ་མཚོ་ཆེར་འཇིགས་ལས། །མྱུར་དུ་སྒྲོལ་བ་གསང་སྔགས་ལས། །ས་སྟེང་གསང་སྔགས་ནོར་བུ་འདྲ། །རྒ་ནད་འཆི་འཇིགས་
D632.091.0094a07.01