完整藏文原文 · 德格版页 当前仅加载第 91 函德格 99b 版页；藏文 NFD、目录标记与异常页序保留在来源切片中，重复版页行以稳定序号区分。
སྔགས་བརྗོད་ཐལ་བར་གྱུར་པར་དུ། །ཉིན་ཕྱེད་བསྲེགས་ན་དགྲ་འཆི་ངེས། །འཆི་ལྟས་འདབ་མ་རྩ་བ་ཤུན། །ར་ཁྲག་ཡུངས་མར་ཚྭ་རྒྱ་སྐྱེགས། །ཚ་བའི་བུད་ཤིང་ཡམ་ཤིང་ལ། །བདུན་ཕྲག་མིང་དང་བཅས་པ་བསྲེགས། །སྟོང་ཕྲག་གཉིས་ཀྱིས་རྟ་ཕྱུགས་འཆི། །བཞིས་ནི་
D632.091.0099b01.01བུ་དང་ཆུང་མ་འཆི། །དྲུག་གིས་ཉེ་དུ་གཉེན་འདུན་བརླག །བརྒྱད་ཀྱིས་དགྲ་ཡི་རང་སྲོག་འཆད། །གལ་ཏེ་སྐྱབས་སུ་འོང་གྱུར་ན། །འོ་མ་སྟོང་བསྲེགས་རྣལ་དུ་སོས། །ཁྲག་དང་དུག་ཕྱེ་ནིམ་པའི་འབྲས། །ཡུངས་མར་ལ་སྦགས་བརྒྱ་རྩ་བརྒྱད། །མྱོས་བྱེད་ལ་བསྲེགས་དགྲ་བོ་འཆི། །
D632.091.0099b02.01ཡང་ན་རུས་ཕྱེ་ནིམ་པའི་ལྔ། །རང་གི་ཁྲག་གམ་ཡུངས་མར་སྦག །ཡང་ན་སྐེ་ཆེ་དུག་དང་ནི། །ནིམ་བའི་འབྲས་བུས་གསད་པར་བྱ། །ཡང་ན་གྲི་ཁྲག་གིས་བསྲེགས་པས། །བྱད་མ་མྱུར་དུ་གསོད་པར་འགྱུར། །ནིམ་པའི་ལྔ་དང་ར་ཁྲག་དུག །དྲི་མ་ལྔ་བཅས་གཟུགས་སྙིང་
D632.091.0099b03.01གར། །མིང་ཡིག་བཅུག་ནས་ཕུར་བུས་གདབ། །རིག་སྔགས་བྱད་མ་ཉིད་ལྡོག་འགྱུར། །རྒྱ་སྐྱེགས་མི་རུས་ཕྱེ་མ་ཡིས། །མི་ལྤགས་རློན་ལ་དགྲ་གཟུགས་བྲི། །དུག་དང་སྐེ་ཚེ་ཅུང་ཟད་བྱུགས། །ནིམ་པའི་མེ་ལ་ཁྲོས་པས་བསྲོ། །བསྲེགས་པས་ཚ་བའི་རིམས་ཀྱིས་འཆི། །
D632.091.0099b04.01དཱུར་བ་འོ་མས་སོས་པར་འགྱུར། །དུག་དང་ནིམ་པ་སྒོག་སྐྱ་དང་། །མི་རུས་ཕྱེ་བསྲེགས་ཕྱུགས་རྣམས་བརླག །ཚ་གསུམ་ལན་ཚྭ་དཱུར་རང་སྐྱུར། །ཡུངས་མར་རོ་སྐྲ་སྦྲུལ་ཤུན་དང་། །ནིམ་པའི་ལྔ་དང་མི་རུས་ཕྱེ། །སྐྱེ་ཚེ་དུག་ཕྱེ་སྒོག་བཙོང་དང་། །སྒོག་སྐྱ་ཚེར་མའི་མེ་ལ་
D632.091.0099b05.01བསྲེགས། །དགྲ་བོ་ཁྲག་ཏུ་སྐྱུག་སྟེ་འཆི། །རྒྱ་སྐྱེགས་ལན་ཚྭ་བ་ལང་མཁྲིས། །བསྲེགས་ན་མཆིན་གས་ནད་ཀྱིས་འཆི། །སྒེའུ་གཤེར་ལན་ཚྭ་ཚ་བ་གསུམ། །གཟུགས་བརྙན་དུར་ཁྲོད་མགལ་དུམ་ལ། །མགོ་ནས་རྐང་པའི་བར་དུ་བསྲེགས། །ཐིག་ནག་གིས་ནི་གསོད་
D632.091.0099b06.01པར་འགྱུར། །འོ་མ་ཅན་གྱི་ཡམ་ཤིང་ལ། །དཀར་གསུམ་བསྲེགས་ན་སོས་པར་འགྱུར། །དྲི་ཆུས་སྤངས་པའི་ས་ལས་ནི། །ཐབ་ཁུང་བྱས་ཏེ་དུག་གིས་བྱུགས། །ནིམ་པའི་འདབ་མར་དགྲ་བོའི་མིང་། །ར་ཁྲག་གིས་བྲིས་རྒྱུས་པས་དཀྲིས། །ཚ་གསུམ་ཤིང་གི་མེར་
D632.091.0099b07.01