完整藏文原文 · 德格版页 当前仅加载第 91 函德格 100b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་བུར་སྐམས། །ཛམ་བའི་ར་དང་རང་སྐྱུར་བཅས། །དགྲ་བོ་གྲང་བའི་རིམས་ཀྱིས་འདེབས། །ཁྭའི་སྒྲོ་ཨེ་རཎྜའི་མར་ཁུས། །བྱུགས་པ་དྷ་དུར་མ་ལ་བསྲེགས། །ལག་སྟོབས་ཁྭ་ཏ་ལྟ་བུར་ནི། །དགྲ་བོས་མཐའ་ཀུན་ཏུ་འཁྱམ། །སྐེ་ཚེ་མི་རུས་ལན་ཚྭ་དུག །ཡུངས་མར་
D632.091.0100b01.01ནིམ་པའི་མེ་ལ་བསྲེགས། །དགྲ་བོ་རྟག་ཏུ་འཐབ་པ་དང་། །ནད་རྣམས་ཀུན་གྱིས་འདེབས་པར་འགྱུར། །དུར་ཁྲོད་ཐལ་བ་སོལ་བར་བཅས། །དགྲ་བོའི་གཟུགས་བྱས་དུམ་བུར་གནོན། །ཚམ་ངམ་ཕུར་བུར་འདེབས་པ་ནི། །ཕོལ་མིག་ནད་ངན་སྐྱེད་པར་བྱེད། །བྱ་རྒོད་
D632.091.0100b02.01འུག་པ་བྱི་ལ་ཤ། །ནེའུ་ལེའི་སྤུ་རྣམས་ཁྱེར་བའི་མེར། །དྲུག་ཅུ་རྩ་བརྒྱད་བསྲེགས་པ་ཡིས། །ཐུན་གཉིས་མྱུར་དུ་འབྱེད་པར་ངེས། །ཁྲག་ཅན་རས་ལ་གཟུགས་བྲིས་ན། །རྐང་གཡོན་སྐེར་མནན་ཚམ་ངམ་བཅས། །འདོད་བཅས་སྔགས་ནི་དྲག་པོ་ཡིས། །བརྒྱལ་དང་
D632.091.0100b03.01རིམས་ནད་མཆེར་ནད་བསྐྱེད། །དགྲ་ཡི་སྐྲ་དང་རྐང་རྗེས་ས། །དགྲ་གཟུགས་དུག་དང་སྐེ་ཚེས་བྱུགས། །ཚེར་མེས་བསྲེགས་ན་རེངས་པར་འགྱུར། །དགྲ་ཡི་ཕ་རུས་དུག་རང་སྐྱུར། །གཟུགས་བྱད་ནིམ་པའི་མེར་བསྲེགས་ན། །དགྲ་བོ་གདོན་ཆེན་ནད་ཀྱིས་འདེབས། །ཕག་
D632.091.0100b04.01རྟུག་སྣུ་ཧ་ཨརྒའི་ཤིང་། །ཚེར་མེས་བསྲེགས་ན་མགོ་འཁོར་འགྱུར། །ནེའུ་ལེ་བྱི་ལ་བྱི་ཚེར་སྤུ། །བསྲེགས་ན་བུད་མེད་བུ་བརླག་འགྱུར། །མི་དང་ནེའུ་ལེ་ཁྭ་རུས་པ། །ཡུངས་མར་ནིམ་པའི་མེ་ལ་བསྲེགས། །གྲོང་དང་གྲོང་ཁྱེར་སྐྲོད་པར་བྱེད། །སྟག་སྤུ་ཐོད་རུས་
D632.091.0100b05.01འུག་པའི་སྤུ། །ས་ཧ་མེ་ཏོག་ན་ལེ་ཤམ། །ནིམ་པའི་ལོ་མ་དུག་བསྲེགས་བྱེད། །ནིམ་པའི་འབྲས་བུ་དུག་ལན་ཚྭ། དྷ་དུར་འབྲུ་བསྲེགས་ནད་སྐྱེད་བྱེད། །དུག་ཁྲག་དྷ་དུར་འབྲས་བུ་ཡིས། །ནིམ་པའི་ཤིང་ལ་དགྲ་མིང་བྲི། །ཚ་གསུམ་ལན་ཚྭ་ཁྲག་གིས་བྱུགས། །
D632.091.0100b06.01ལྕགས་སྣོད་ཡུངས་མར་ནང་བཞག་ནས། །ནིམ་པའི་ཤིང་གི་མེ་ཡིས་བཙོ། །དགྲ་བོ་ལྷ་དང་འབྱེད་པར་འགྱུར། །མི་ཁྱི་བྱ་རྒོད་རུས་ཕྱེ་དུག །སྐེ་ཚེ་ཡུངས་མར་སྦྲུལ་ཤུན་དང་། །ནིམ་པའི་ལྔ་དང་སྐགས་ལན་ཚྭ། །ཚེར་མེས་བསྲེགས་ན་ནད་ཀྱིས་འདེབས། །སྐེ་ཚེ་དུག་
D632.091.0100b07.01