完整藏文原文 · 德格版页 当前仅加载第 91 函德格 90a 版页；藏文 NFD、目录标记与异常页序保留在来源切片中，重复版页行以稳定序号区分。
སོགས་པ། །ཅི་བདེ་པས་ནི་ཕྱགས་ནས་ཀྱང་། །སྐྱེ་འགག་མེད་པའི་སྔགས་བརྗོད་ནས། །ཆུ་བོ་ལ་ནི་དོར་བར་བྱ། །འབྲས་དང་འོ་མ་ཤ་ཁ་ར། །མར་དང་བཅས་པ་བསྐོལ་བྱས་ཏེ། །འབྲས་ཟན་དང་ནི་ལྷན་ཅིག་ཏུ། །དགའ་བསྐྱེད་ཕྱིར་དུ་དགེ་འདུན་དང་། །
D632.091.0090a01.01བྲམ་ཟེ་ལ་ནི་སྟོན་མོ་བྱ། །དེ་ནས་བྲིས་སྐུ་བརྟན་པར་ནི། །གསང་བའི་གནས་སུ་མཆོད་པར་བྱ། །ཁྱད་པར་ཚེས་བརྒྱད་དུས་སུ་མཆོད། །བླ་མ་ལ་ནི་ཡོན་དབུལ་ཞིང་། །རྟག་ཏུ་སྔགས་འཛིན་ཐམས་ཅད་ཀྱང་། །མཉེས་པར་བྱ་ཞིང་ཁྲོས་པ་མིན། །སེམས་
D632.091.0090a02.01ཅན་མ་མོས་སྤང་བར་བྱ། །དཀོན་མཆོག་གསུམ་ལ་ངེས་བསྐྱེད་དེ། །ཐེ་ཚོམ་ལེ་ལོ་སྤང་བར་བྱའོ། །རང་གི་ཕུང་པོ་བསྙེན་བཀུར་ཕྱིར། །ཁྲུས་དང་གཙང་སྦྲ་ལྡན་བྱས་ནས། །གོས་སྦྲ་དྲི་མ་མེད་པ་བགོ། །ཟས་ཀྱང་འབྲས་སོགས་དྲི་མེད་ལ། །ཉུང་དུ་
D632.091.0090a03.01བཟའ་ཞིང་བཏུང་བར་བྱ། །{མངས་,མང་}པས་གཉིད་དང་ལེ་ལོ་དང་། །དྲི་ང་བ་ནི་བསྐྱེད་པར་འགྱུར། །ཐོ་རངས་དང་པོར་ལངས་ནས་ནི། །སྲོད་ཐལ་བར་དུ་བརྩོན་པར་བྱ། །ནམ་གྱི་གུང་ལ་གཉིད་པའི་ཚེ། །འགྲོ་ལ་ཕན་བྱའི་སེམས་ཀྱིས་ཉལ། །འཕགས་
D632.091.0090a04.01པ་རྡོ་རྗེ་ཁྲོ་བོའི་རྒྱལ་པོའི་རྟོག་པ་བསྡུས་པའི་རྒྱུད་ལས་བྲིས་སྐུའི་ལེའུ་སྟེ་བཞི་པའོ།། །།དེ་ནས་ཡང་དག་བཤད་བྱ་སྟེ། །ལྷ་བསྒོམ་པ་ཡི་རིམ་པ་ནི། །རང་གཟུགས་སྟོང་པར་བྱས་ནས་སུ། །ཡི་གེ་ཕྲེང་བའི་འཁོར་ལོ་ལས། །སྒྲ་གྲགས་པ་ན་རིག་
D632.091.0090a05.01པ་ཆེ། །ཟླ་བའི་གཟུགས་བརྙན་ལྟ་བུར་སྣང་། །དེར་སོན་པ་ནི་རྡོ་རྗེ་སོགས། །རང་གི་ཕྱག་རྒྱ་ཉིད་ཡིན་ནོ། །དེ་ལས་གྱུར་པའི་སྐུ་མཆོག་ནི། །འཇའ་ཚོན་ཤར་བ་ཇི་ལྟ་བར། །མཚན་དཔེ་མདངས་འོད་ཡང་དག་ལྡན། །བརྗིད་ཅིང་དགྱེས་པའི་མདངས་དང་
D632.091.0090a06.01ལྡན། །སྒེག་ཅིང་རོལ་པའི་ཆ་བྱད་ནི། །བྱིས་པ་གཞོན་ནུའི་ལང་ཚོ་འདྲ། །རིན་ཆེན་རྒྱན་དང་ན་བཟའ་ནི། །གཟུགས་མཛེས་ལྷ་ཡི་ཅི་ལྟ་བ། །ཁྲོས་པའི་སྲིན་པོ་ལྟ་བུ་སྟེ། །སྐྲ་དང་ཁ་སྤུ་ལ་སོགས་པ། །སྤུ་སོགས་སེར་ཞིང་རྩུབ་ལ་འཁྱིལ། །སྣ་
D632.091.0090a07.01