完整藏文原文 · 德格版页 当前仅加载第 39 函德格 211a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་འབུལ་བ་དེ་ནི་ས་གཉིས་པར་བལྟའོ། །གང་བཀོད་པ་ཕུན་སུམ་ཚོགས་པ་ལ་འབུལ་བ་དེ་ནི་ས་གསུམ་པར་རོ། །གང་གཉེན་འདབ་ཀྱིས་ཡོངས་སུ་བསྐོར་བ་ལ་འབུལ་བ་དེ་ནི་ས་བཞི་པར་རོ། །གང་སྐྱེ་བོ་མང་པོས་ཡོངས་སུ་བསྐོར་བ་ལ་འབུལ་བ་དེ་ནི་ས་ལྔ་པར་རོ། །གང་
D48.039.0211a01.01སྐྱེ་བོ་གཉིས་གས་ཡོངས་སུ་བསྐོར་བ་ལ་འབུལ་བ་དེ་ནི་ས་དྲུག་པར་རོ། །གང་བཀོད་པ་ཐམས་ཅད་ལ་སྙོམས་པར་ཞུགས་པ་ལ་འབུལ་བ་དེ་ནི་ས་བདུན་པར་རོ། །གང་བསྟོད་པ་མཛད་པ་ལ་འབུལ་བ་དེ་ནི་ས་བརྒྱད་པར་རོ། །གང་ཆོ་འཕྲུལ་མཛད་པ་ལ་འབུལ་བ་དེ་ནི་ས་དགུ་པར་ཏེ། ཐམས་ཅད་
D48.039.0211a02.01དུ་ཡང་བདུད་ཀྱི་ལས་ནི་རྟོགས་པར་བྱའོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་དེ་བཞིན་གཤེགས་པའི་མཆོད་རྟེན་ལ་མེ་ཏོག་གམ། མེ་ཏོག་ཕྲེང་ངམ། སྤོས་སམ། ཙན་དན་གྱི་ཕྱེ་མ་དག་གསོལ་ལམ། །བྱུག་པས་སྐུད་པར་ཀུན་
D48.039.0211a03.01ཏུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་ལྔ་པོ་དག་ལས་ས་གང་ཡང་རུང་བར་བལྟ་སྟེ། སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ་ལས་གལ་ཏེ་སད་པ་ན། སྦྱིན་པའི་མཚན་མ་དེ་དག་ཀྱང་དྲན་ཞིང་སྦྱིན་པ་ལ་སེམས་ཀྱིས་རློམ་སེམས་སུ་མི་བྱེད་ན་དེ་ནི་ས་དང་པོ་པར་བལྟའོ། །
D48.039.0211a04.01གལ་ཏེ་ཚུལ་ཁྲིམས་ལ་སེམས་ཀྱིས་རློམ་སེམས་སུ་མི་བྱེད་ན་ས་གཉིས་པར་བལྟའོ། །གལ་ཏེ་བཟོད་པ་ལ་སེམས་ཀྱིས་རློམ་སེམས་སུ་མི་བྱེད་ན་ས་གསུམ་པར་བལྟའོ། །གལ་ཏེ་བརྩོན་འགྲུས་ལ་སེམས་ཀྱིས་རློམ་སེམས་སུ་མི་བྱེད་ན་ས་བཞི་པར་བལྟའོ། །གལ་ཏེ་
D48.039.0211a05.01བསམ་གཏན་ལ་སེམས་ཀྱིས་རློམ་སེམས་སུ་མི་བྱེད་ན་ས་ལྔ་པར་བལྟའོ། །དེས་ཀྱང་སེམས་ཅན་ཐམས་ཅད་ལ་ཞེ་འགྲས་པ་མེད་པའི་སེམས་སུ་བྱ་སྟེ། དེས་ན་མྱུར་བ་ཉིད་དུ་ཕྱིར་མི་ལྡོག་པའི་ས་གནོན་པར་འགྱུར་རོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་
D48.039.0211a06.01དཔའ་གང་གིས་རྨི་ལམ་ན་དེ་བཞིན་གཤེགས་པ་ན་བཟའ་དྲི་མ་ཅན་གསོལ་བ་མཐོང་ན་བྱང་ཆུབ་སེམས་དཔའ་དེ་ནི་ལས་ཀྱི་སྒྲིབ་པ་ཆེ་བ་སྟེ། ས་དང་པོ་བཞི་པོ་དག་ལས་ས་གང་ཡང་རུང་བར་བལྟའོ། །གལ་ཏེ་དེ་ལ་ཤིན་ཏུ་གནོད་པ་བྱེད་པའི་རྐྱེན་མི་འདོད་པ་དག་འབྱུང་བར་འགྱུར་ན་ས་དང་
D48.039.0211a07.01