完整藏文原文 · 德格版页 当前仅加载第 39 函德格 216a 版页；藏文 NFD、目录标记与异常页序保留在来源切片中，重复版页行以稳定序号区分。
བལྟའོ། །གང་གིས་གདན་ལེགས་པར་བྱས་པ་མཐོང་ན། བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །གང་གིས་གདན་བྱི་དོར་བྱས་པ་མཐོང་ན་བྱང་ཆུབ་སེམས་དཔའ་དེ་ནི་ས་གསུམ་པར་བལྟའོ། །གང་གིས་གདན་ཁྲ་བོ་མཐོང་ན་བྱང་ཆུབ་སེམས་དཔའ་དེ་ནི་ས་བཞི་
D48.039.0216a01.01པར་བལྟའོ། །གང་གིས་གདན་བཤམས་པ་མཐོང་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །གང་གིས་གདན་ལེགས་པར་བཤམས་པ་མཐོང་ན་བྱང་ཆུབ་སེམས་དཔའ་དེ་ནི་ས་དྲུག་པར་བལྟ་སྟེ། བདུད་ཀྱི་ལས་ཀྱང་རྟོགས་པར་བྱའོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་
D48.039.0216a02.01དཔའ་གང་གིས་རྨི་ལམ་ན་བདག་དེ་བཞིན་གཤེགས་པ་ལ་ཞལ་ཟས་འབུལ་བར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་བདུན་པོ་དག་ཏུ་བལྟའོ། །གལ་ཏེ་དེས་བརྩོན་འགྲུས་བྱས་ན་བྱང་ཆུབ་ཏུ་ངེས་པར་འབྱུང་བར་ཡང་འགྱུར་ཏེ། བྱང་ཆུབ་སེམས་དཔའ་དེ་ནི་ལས་ཀྱི་སྒྲིབ་པ་ཆུང་བ་ཡིན་ནོ། །
D48.039.0216a03.01གང་དེ་བཞིན་གཤེགས་པ་གྲོང་དུ་གཤེགས་ཤིང་བཞེངས་པ་ལ་བསོད་སྙོམས་འབུལ་ན་བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །གང་དེ་བཞིན་གཤེགས་པ་གྲོང་ན་བཞུགས་པ་ལ་བསོད་སྙོམས་འབུལ་ན་བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །གང་དེ་བཞིན་གཤེགས་པ་
D48.039.0216a04.01སྒོར་གཤེགས་པ་ལ་བསོད་སྙོམས་འབུལ་ན་བྱང་ཆུབ་སེམས་དཔའ་དེ་ནི་ས་གསུམ་པར་བལྟའོ། །གང་དེ་བཞིན་གཤེགས་པ་སྲང་དུ་གཤེགས་པ་ལ་བསོད་སྙོམས་འབུལ་ན་བྱང་ཆུབ་སེམས་དཔའ་དེ་ནི་ས་བཞི་པར་བལྟའོ། །གང་དེ་བཞིན་གཤེགས་པ་གྲོང་ཁྱེར་གྱི་སྒོར་གཤེགས་པ་ལ་བསོད་
D48.039.0216a05.01སྙོམས་འབུལ་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །གང་དེ་བཞིན་གཤེགས་པ་དགོན་པ་ན་བཞུགས་པ་ལ་བསོད་སྙོམས་འབུལ་ན་བྱང་ཆུབ་སེམས་དཔའ་དེ་ནི་ས་དྲུག་པར་བལྟའོ། །གང་དེ་བཞིན་གཤེགས་པ་གཙུག་ལག་ཁང་དུ་གཤེགས་པ་ལ་བསོད་སྙོམས་འབུལ་ན་བྱང་ཆུབ་སེམས་
D48.039.0216a06.01དཔའ་དེ་ནི་ས་བདུན་པར་བལྟའོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་དེ་བཞིན་གཤེགས་པ་ལ་ན་བཟའ་འབུལ་བར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་བརྒྱད་པོ་དག་ཏུ་བལྟའོ། །དེས་ནི་མཚན་མ་མེད་པའི་ཏིང་ངེ་འཛིན་ལ་བརྩོན་པར་བྱ་སྟེ།
D48.039.0216a07.01