完整藏文原文 · 德格版页 当前仅加载第 39 函德格 236b 版页；藏文 NFD、目录标记与异常页序保留在来源切片中，重复版页行以稳定序号区分。
གཞན། །ལ་ལས་དུག་ཟོས་འཆི་བར་མི་འགྱུར་ལ། །མེ་དག་བཟུང་ཡང་འཚིག་པར་མི་འགྱུར་ན། །གང་དག་ཡེ་ཤེས་སྤྱོད་ལ་བསླབས་དེ་དག །བྱིས་པའི་སྤྱོད་པས་མི་འཕྲོགས་སྨོས་ཅི་དགོས། །བྱང་ཆུབ་སེམས་དཔའ་དག་ལ་ཡོན་ཕུལ་ལྟར། །རང་སངས་རྒྱས་དང་
D48.039.0236b01.01དེ་བཞིན་དགྲ་བཅོམ་གྱིས། །སྟོང་གསུམ་ས་འདི་ཐམས་ཅད་གང་གྱུར་པ། །དེ་དག་མཆོད་བྱས་རྣམ་སྨིན་དཔག་མེད་མིན། །སེམས་དག་གྱུར་ན་སྦྱིན་པའི་གནས་འགྱུར་ཞིང་། །སེམས་དག་གྱུར་པ་རྒྱལ་བ་རྣམས་དང་འདྲ། །གང་དག་རྒྱལ་འདྲའི་བྱང་ཆུབ་སེམས་དཔའ་
D48.039.0236b02.01དེའི། བྱང་ཆུབ་གཞོལ་བའི་ལྷག་པའི་བསམ་ལ་ལྟོས། །གང་དག་གང་གཱའི་བྱེ་སྙེད་སངས་རྒྱས་ཞིང་། །འགྲོན་བུས་བཀང་སྟེ་རྒྱལ་ལ་ཕུལ་བས་ནི། །གང་གིས་མདོ་འདི་བྲིས་ཏེ་འཆང་བ་ཡི། །དེ་ཡི་བསོད་ནམས་དཔེ་དང་ཆར་མི་ཕོད། །གང་དག་བྱང་ཆུབ་སེམས་ནི་མ་བརྗེད་པ། །
D48.039.0236b03.01དེ་དག་རྙེད་པ་རབ་རྙེད་ལེགས་འཚོ་བ། །ནོར་འདོད་པ་དག་རྒྱ་མཚོ་ཆེན་པོ་ལྟར། །དེ་བཞིན་དེ་དག་རྙེད་པ་ཕུན་སུམ་ཚོགས། །གང་གིས་སྐྱེ་མང་དོན་དུ་མདོ་སྡེ་ཀུན། །ཀུན་ཏུ་ཆུབ་བྱས་འཆང་ཞིང་ཀློག་པ་བས། །མི་གང་མདོ་སྡེ་འདི་ལ་མཁས་གྱུར་པས། །སེམས་
D48.039.0236b04.01ཅན་སྤྱོད་པ་མ་རྟོགས་བཅོམ་པ་ཡིན། །གལ་ཏེ་བྱང་ཆུབ་མཆོག་ལ་རེག་འདོད་ན། །དེ་ཕྱིར་བསྟེན་བཞིན་འདི་ལ་བརྩོན་གྱིས་ལ། །བདག་བསྟོད་གཞན་ལ་སྨད་པར་མ་བྱེད་པར། །ལྷག་པའི་བསམ་པས་སྤྱོད་པ་རྣམ་པར་སྦྱོངས། །དགོན་པར་དགའ་ཞིང་རྟག་ཏུ་དབང་བསྡམས་
D48.039.0236b05.01ལ། །བརྩོན་འགྲུས་བརྩམས་ཤིང་ཉེ་དུ་ཐག་བསྲིངས་ལ། །བྱམས་ལ་གནས་ཤིང་དོན་དམ་མཁས་གྱུར་པ། །དེས་ནི་དེ་འདྲའི་བྱང་ཆུབ་ཐོབ་པར་འགྱུར། །བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་འདི་བཤད་པ་ན་ལྷ་དང་མིའི་སྐྱེ་དགུ་དྲུག་ཁྲི་བླ་ན་མེད་པ་ཡང་དག་པར་རྫོགས་
D48.039.0236b06.01པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །ལྷ་དང་མིའི་སྐྱེ་དགུ་སྔོན་སེམས་མ་བསྐྱེད་པ་ཁྲག་ཁྲིག་ཕྲག་བཅོ་བརྒྱད་ཀྱིས་ནི་བྱང་ཆུབ་ཏུ་སེམས་བསྐྱེད་དེ། དེ་དག་གིས་ཆོས་ཀྱི་རྣམ་གྲངས་འདི་ཐོས་མ་ཐག་ཏུ་བསྐལ་པ་བརྒྱད་ཅུར་འཁོར་བ་ཕྱིར་བསྙིལ་བར་གྱུར་
D48.039.0236b07.01