完整藏文原文 · 德格版页 当前仅加载第 39 函德格 217b 版页；藏文 NFD、目录标记与异常页序保留在来源切片中，重复版页行以稳定序号区分。
སྤངས་པ་སྟེ་བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །དེ་ནི་བློ་ཆུང་བ་དང་། ལེ་ལོ་ཆེ་བ་དང་། སེམས་ལ་མྱ་ངན་མང་བ་དང་། གནོད་པ་མང་བ་དང་། སྐྱེ་བོ་མང་པོ་སྡང་བ་དང་། ནད་མང་བ་དང་། སེམས་གཡེང་བར་ཡང་འགྱུར་རོ། །དགེ་བའི་རྩ་བ་དག་ལ་རབ་ཏུ་འབྱུང་
D48.039.0217b01.01བར་འགྱུར་ཞིང་ཕྱིར་ཡང་ལྡོག་པར་འགྱུར་རོ། །ལོངས་སྤྱོད་དག་ཀྱང་ཚེགས་ཆེན་པོས་ཐོབ་པར་འགྱུར་ཞིང་ཉོན་མོངས་པ་མང་པོར་ཡང་འགྱུར་རོ། །དེས་ནི་རྙེད་པའི་ཕྱིར་ཆོས་སྨྲ་བ་ལ་སྨད་ཅིང་ཆོས་ཀྱང་སྤངས་ལ་མ་དད་པ་དང་། མ་མོས་པ་དང་། ངོ་ཚ་མེད་པས་ཆོས་སྨྲ་བ་ལ་བསྙེན་བཀུར་བྱས་
D48.039.0217b02.01པ་ཡིན་བས་དེས་དྲང་པོས་ཆོས་སྨྲ་བ་ལ་བསྟེན་པར་བྱའོ། །དེས་གལ་ཏེ་ཞེ་འགྲས་པ་མེད་པའི་སེམས་ཀྱིས་རྫས་ཐམས་ཅད་ཡོངས་སུ་གཏང་བར་གྱུར་ན། དེས་ན་བྱང་ཆུབ་ཏུ་ངེས་པར་འབྱུང་བར་འགྱུར་ཏེ། བྱང་ཆུབ་སེམས་དཔའ་དེ་ནི་ས་དྲུག་པའི་བར་དག་ལ་ཡང་རེག་པར་འགྱུར་བས། དེས་
D48.039.0217b03.01ཀྱང་སྐྱོན་ཆུང་ངུ་དང་། འབྲིང་དང་། ཆེན་པོ་དེ་དག་གཞོམ་པ་ལ་བརྩོན་པར་བྱའོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་སྔོན་མ་མཐོང་བའི་ཡུལ་དུ་ཕྱིན་པར་ཀུན་ཏུ་ཤེས་ན། དེ་ལ་བདུད་ཀྱི་ལས་དང་ལས་ཀྱི་སྒྲིབ་པ་དག་ཡོད་པ་ཡིན་པས་དེས་
D48.039.0217b04.01རྟོགས་ནས་བརྩོན་པར་བྱས་ན་རྣམ་པར་དག་པར་འགྱུར་རོ། །བྱང་ཆུབ་སེམས་དཔའ་དེ་ནི་ས་དང་པོ་གསུམ་པོ་དག་ལས་ས་གང་ཡང་རུང་བར་བལྟ་སྟེ། དཀོན་མཆོག་གསུམ་ལ་དགེ་བའི་རྩ་བ་བསྐྱེད་པ་ལ་བརྩོན་པས་ནི་ས་དང་པོ་ལ་སྦྱོར་བར་འགྱུར་རོ། །སྟོང་པ་ཉིད་སྒོམ་པས་ནི་ས་གཉིས་པ་ལ་སྦྱོར་བར་འགྱུར་
D48.039.0217b05.01རོ། །ཆོས་ལ་བཟོད་པས་ནི་ས་གསུམ་པ་ལ་སྦྱོར་བར་འགྱུར་རོ། །གལ་ཏེ་ས་དྲུག་པའི་བར་དག་ལ་གནས་པའི་བྱང་ཆུབ་སེམས་དཔའ་ལ་མཚན་མ་དེ་དག་བྱུང་བར་གྱུར་ན་བདུད་ཀྱི་ལས་སུ་རྟོགས་པར་བྱའི་ལས་ཀྱི་སྒྲིབ་པ་ནི་མ་ཡིན་ནོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་
D48.039.0217b06.01ལམ་ན་བདག་ཆུ་བོའི་ནང་ན་འདུག་པར་ཀུན་ཏུ་ཤེས་ན། བྱང་ཆུབ་སེམས་དཔའ་དེ་ནི་ས་དང་པོ་ལྔ་པོ་དག་ལས་ས་གང་ཡང་རུང་བར་བལྟ་སྟེ། དེ་ལ་ནི་མི་དགེ་བའི་ཆོས་དང་། དགེ་བའི་ཆོས་གཉིས་ཀ་ཡང་ཤས་ཆེ་བ་ཡིན་ནོ། །དེ་གལ་ཏེ་སྲོག་ཡོངས་སུ་གཏོང་བས་ཡོངས་སུ་གདུང་བར་མི་འགྱུར་
D48.039.0217b07.01