完整藏文原文 · 德格版页 当前仅加载第 39 函德格 224b 版页；藏文 NFD、目录标记与异常页序保留在来源切片中，重复版页行以稳定序号区分。
གང་གིས་རྩྭ་དང་འདྲེས་པ་རྙེད་ན་དེ་ནི་ས་གསུམ་པར་བལྟའོ། །མངོན་པར་བརྩོན་པ་དག་གི་མཚན་མ་ནི་དེ་དག་ཡིན་གྱི། མངོན་པར་མི་བརྩོན་པ་དག་ལ་ནི་བདུད་ཀྱི་ལས་དག་ཀྱང་ཡོད་དེ་ལྷག་པར་ཡང་ས་དྲུག་པ་ལ་འབྱུང་ངོ་། །ས་བཞི་པ་ལ་མི་བརྩོན་པ་དང་ལྡན་པ་དག་བདུད་
D48.039.0224b01.01ཀྱི་ལས་དང་ལས་ཀྱི་སྒྲིབ་པ་ལས་མ་གྲོལ་བ་ཡིན་ནོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་རི་རབ་ཀྱི་རྩེ་མོར་སོན་པར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་ལྔ་པོ་དག་ལས་ཕྱིར་མི་ལྡོག་པར་བལྟ་སྟེ། དེ་ལ་ནི་
D48.039.0224b02.01སྡིག་པའི་གྲོགས་པོའི་དབང་དང་། གཡོལ་བསྟེན་པ་དང་། མ་མོས་པ་མང་བས་ཡོན་ཏན་གང་ཡིན་པ་དག་ཅུང་ཟད་ཀྱང་མི་སྐྱེ་སྟེ། དེས་ནི་དགེ་བའི་བཤེས་གཉེན་ལ་བསྟེན་པར་བྱ་ཞིང་གཡོ་མེད་པ་དང་མོས་པ་མང་དུ་ཡང་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་
D48.039.0224b03.01པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གང་གིས་བདག་རི་རབ་ལ་འཛེག་པར་ཀུན་ཏུ་ཤེས་ན་དེ་ནི་ས་དྲུག་པར་རོ། །འཛེགས་ཏེ་འགྲེང་ན་ས་བདུན་པར་རོ། །བདག་ཕྱོགས་བཞིར་རྣམ་པར་ལྟ་ན་ས་བརྒྱད་པར་རོ། །འདུག་ན་ས་དགུ་པར་རོ། །
D48.039.0224b04.01སྒུལ་བར་བྱེད་ན་ས་བཅུ་པར་རོ། །ས་དང་པོ་ནས་ས་བདུན་པའི་བར་དག་གིས་ནི་མངོན་པར་བརྩོན་པ་འམ། བསམ་པ་ཕུན་སུམ་ཚོགས་པ་འམ། དགེ་བའི་བཤེས་གཉེན་གྱི་ལག་ཏུ་སོན་པ་འམ། བདུད་ཀྱི་ལས་ཀྱིས་མཐོང་བར་འགྱུར་རོ། །རྡོ་རྗེས་རབ་
D48.039.0224b05.01འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་རི་ལ་འཛེག་པར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་ལྔ་པོ་དག་ཏུ་བལྟ་སྟེ། བྱང་ཆུབ་སེམས་དཔའ་དེ་ལ་ནི་རྣམ་པ་ཐམས་ཅད་དུ་གནོད་པ་དག་ཀུན་འབྱུང་བར་འགྱུར་རོ། །དེས་ནི་
D48.039.0224b06.01ཆོས་སྨྲ་བ་ལ་བརྙས་པར་བྱས་པ་ཡིན་པས་དེས་དངོས་པོ་ཐམས་ཅད་སྦ་བ་མེད་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་ཏེ། ས་དང་པོ་ལ་ནི་ཕུང་པོ་གསུམ་པའི་ཆོས་ཀྱི་རྣམ་གྲངས་གདོན་པར་བྱའོ། །
D48.039.0224b07.01