完整藏文原文 · 德格版页 当前仅加载第 39 函德格 212a 版页；藏文 NFD、目录标记与异常页序保留在来源切片中，重复版页行以稳定序号区分。
དེས་ཆོས་སྨྲ་བ་ལ་བསྙེན་བཀུར་བྱ་ཞིང་དངོས་པོ་ཐམས་ཅད་མི་བསྲི་བར་ཆོས་སྨྲ་བ་དག་ལ་དབུལ་བར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཏེ། བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །གལ་ཏེ་རྨི་ལམ་ན་ཆོས་ཐོས་ནས་སད་ནས་མ་མཐོང་ན་དེ་ནི་ས་
D48.039.0212a01.01དང་པོ་པར་བལྟའོ། །གལ་ཏེ་སད་ནས་ཀྱང་མ་བརྗེད་ན་དེ་ནི་ས་གཉིས་པར་བལྟའོ། །གང་ལ་ཉམས་པར་མི་འགྱུར་བའི་བྱང་ཆུབ་སེམས་དཔའ་དེ་ནི་ལུང་བསྟན་པའི་ཆོས་ཅན་ཡིན་ཞིང་ཕ་རོལ་ཏུ་ཕྱིན་པ་དྲུག་པོ་དག་དང་ལྡན་པར་ཡང་བལྟ་སྟེ། ས་གཞན་དག་གི་བར་ན་གནས་པས་ནི་བཟུང་ནས་མི་
D48.039.0212a02.01ཉམས་ཤིང་ཉམས་པར་ཡང་མི་འགྱུར་རོ། །དེས་ལས་ཀྱི་སྒྲིབ་པ་དང་བདུད་ཀྱི་ལས་དག་ཀྱང་རྟོགས་པར་བྱའོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་སྔོན་མ་མཐོང་བའི་དགེ་སློང་ཆོས་སྨྲ་བ་མཐོང་ན་བྱང་ཆུབ་སེམས་དཔའ་དེ་ནི་བྱང་ཆུབ་སེམས་དཔའ་རྣམས་
D48.039.0212a03.01ཀྱིས་བསམས་པ་ཡིན་ཞིང་དེ་ལ་ལས་ཀྱི་སྒྲིབ་པ་ཆུང་བ་དང་། བདུད་ཀྱི་ལས་ཆུང་བར་རིག་པར་བྱའོ། །གལ་ཏེ་བརྩོན་འགྲུས་བྱས་ན་སྣང་བ་ཐོབ་པར་ཡང་འགྱུར་ཏེ། བྱང་ཆུབ་སེམས་དཔའ་དེ་ནི་ས་དང་པོ་དྲུག་པོ་དག་ལས་ས་གང་ཡང་རུང་བར་བལྟའོ། །གལ་ཏེ་ཚིགས་སུ་བཅད་པའི་སྡེ་སྨྲ་
D48.039.0212a04.01ལ་མདོའི་སྡེ་མ་ཡིན་ན་ནི་ས་དང་པོ་པར་བལྟའོ། །གལ་ཏེ་མདོའི་སྡེ་སྨྲ་ན་ནི་ས་གཉིས་པར་བལྟའོ། །གལ་ཏེ་ཚིགས་སུ་བཅད་པའི་སྡེ་དང་མདོའི་སྡེ་སྨྲ་ན་ནི་ས་གསུམ་པར་བལྟའོ། །གལ་ཏེ་སྣ་ཚོགས་སྨྲ་ན་ནི་ས་བཞི་པར་བལྟའོ། །གལ་ཏེ་ཟབ་མོ་སྨྲ་ན་ནི་ས་ལྔ་པར་བལྟའོ། །གལ་ཏེ་སོ་སོ་
D48.039.0212a05.01ཡང་དག་པར་རིག་པ་སྨྲ་ན་ནི་ས་དྲུག་པར་བལྟའོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་ཆོས་ཀྱི་ཁྲི་སྟན་ལ་འདུག་སྟེ་ཆོས་སྟོན་པར་ཀུན་ཏུ་ཤེས་ན་དེས་ནི་སྔོན་གྱི་སངས་རྒྱས་རྣམས་ཀྱི་ཁྲི་སྟན་བཤམས་ཤིང་བདག་ཉིད་ཀྱིས་བཤམས་པ་ཡིན་ཏེ། བྱང་
D48.039.0212a06.01ཆུབ་སེམས་དཔའ་དེ་ནི་ཟབ་མོ་ལ་བཟོད་པའི་སྣོད་དུ་གྱུར་ཅིང་ས་དང་པོ་བརྒྱད་པོ་དག་ལས་ས་གང་ཡང་རུང་བར་བལྟའོ། །གལ་ཏེ་མ་མགུ་བར་བྱས་ཏེ་སྟོན་ན་ནི་ས་དང་པོ་པར་བལྟའོ། །གལ་ཏེ་མགུ་བར་བྱས་ཏེ་སྟོན་ན་ནི་ས་གཉིས་པར་བལྟའོ། །གལ་ཏེ་འབྲེལ་པར་སྟོན་ན་ནི་ས་གསུམ་པར་བལྟའོ། །
D48.039.0212a07.01