完整藏文原文 · 德格版页 当前仅加载第 39 函德格 228a 版页；藏文 NFD、目录标记与异常页序保留在来源切片中，重复版页行以稳定序号区分。
སྒྲིབ་པ་རྣམ་པར་དག་པར་འགྱུར་ཞིང་། རྣམ་པར་མ་དག་པ་ཡང་ཆུང་ངུར་འགྱུར་ལ་སྣང་བ་ཐོབ་པར་ཡང་འགྱུར་རོ། །བྱང་ཆུབ་སེམས་དཔའ་དེ་ནི་ཕྱོགས་བཅུའི་བྱང་ཆུབ་སེམས་དཔའ་རྣམས་ཀྱིས་བསམས་པ་ཡིན་ཏེ། དེ་གལ་ཏེ་སྐྱོ་བར་མི་འགྱུར་ཞིང་མངོན་པར་བརྩོན་
D48.039.0228a01.01པར་འགྱུར་ན་དེས་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །དེ་ལ་རྒྱལ་ཆེན་བཞི་པའི་རིས་ཀྱི་ལྷའི་བུ་མཐོང་ན་ས་དྲུག་པོ་དག་ཏུའོ། །སུམ་ཅུ་རྩ་གསུམ་པས་ནི་ས་བདུན་པར་རོ། །དགའ་ལྡན་པས་ནི་ས་བརྒྱད་པར་རོ། །
D48.039.0228a02.01ཚངས་རིས་པས་ནི་ས་དགུ་པར་རོ། །གནས་གཙང་མ་བས་ནི་ས་བཅུ་པར་རོ། །ས་དང་པོ་ལ་མངོན་པར་བརྩོན་པས་ནི་ས་ཐམས་ཅད་ཀྱང་མཐོང་སྟེ། བདུད་ཀྱི་ལས་ཀྱང་ཡོད་དོ། །ས་བཅུ་པོ་དག་ལྷག་པའི་བསམ་པ་ཕུན་སུམ་ཚོགས་པས་ནི་ཐམས་ཅད་མཐོང་ངོ་། །རྡོ་རྗེས་
D48.039.0228a03.01རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་ཀླུ་མཐོང་ན་དེ་ནི་ས་བརྒྱད་པོ་དག་ལས་ས་གང་ཡང་རུང་བར་བལྟ་སྟེ། དེ་ནི་ཆོས་ལ་རྗེས་སུ་འཐུན་པའི་བཟོད་པ་དང་ལྡན་པ་ཡིན་ནོ། །དེ་ནི་བརྩམས་ནས་ཡང་ཕྱིར་རྣམ་པར་རྩེ་བར་འགྱུར་བ་དང་། སྦྱོར་བ་བཟུང་
D48.039.0228a04.01ནས་ཀྱང་ཡང་ཕྱིར་སྤོང་བར་འགྱུར་ཏེ། དེས་ནི་ལོངས་སྤྱོད་ཀྱི་གཞི་ལས་ཆོས་སྨྲ་བ་ལ་སྐུར་པ་བཏབ་པ་ཡིན་པས་དེས་སྡུག་པའི་དངོས་པོ་ཡོངས་སུ་བཏང་བ་ལ་མངོན་པར་བརྩོན་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་
D48.039.0228a05.01རོ། །གང་གིས་རི་ལ་གནས་པའི་ཀླུ་མཐོང་ན་དེ་ནི་ས་དང་པོ་པར་བལྟའོ། །གང་གིས་ནགས་ཁུང་ན་གནས་པ་མཐོང་ན་དེ་ནི་ས་གཉིས་པར་བལྟའོ། །གང་གིས་ཆུ་ཀླུང་གི་ཕ་རོལ་ཏུ་མཐོང་ན་དེ་ནི་ས་གསུམ་པར་བལྟའོ། །གང་གིས་ནགས་ཁྲོད་ཏུ་མཐོང་ན་དེ་ནི་ས་བཞི་པར་
D48.039.0228a06.01བལྟའོ། །གང་གིས་སྐྱེ་བོའི་ནང་དུ་མཐོང་ན་དེ་ནི་ས་ལྔ་པར་བལྟའོ། །གང་གིས་རྒྱལ་པོའི་ཕོ་བྲང་གི་ནང་དུ་མཐོང་ན་དེ་ནི་ས་དྲུག་པར་བལྟའོ། །གང་གིས་སྐྱེ་བོ་མང་པོས་ཡོངས་སུ་བསྐོར་བ་མཐོང་ན་དེ་ནི་ས་བདུན་པར་བལྟའོ། །གང་གིས་ནམ་མཁའ་ལ་མཐོང་ན་དེ་ནི་ས་བརྒྱད་པར་
D48.039.0228a07.01