完整藏文原文 · 德格版页 当前仅加载第 39 函德格 211b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་པར་བལྟའོ། །གལ་ཏེ་འདྲེན་མར་འབྱུང་ན་ས་གཉིས་པར་བལྟའོ། །གལ་ཏེ་ལུས་ཀྱིས་འབྱུང་ན་ས་གསུམ་པར་བལྟའོ། །གལ་ཏེ་སེམས་ཀྱིས་འབྱུང་ན་ས་བཞི་པར་བལྟའོ། །གལ་ཏེ་རྨི་ལམ་ན་བདག་ལ་བདག་གནོད་པ་བྱེད་ན་དེ་ནི་ས་ལྔ་བར་བལྟའོ། །ཡོངས་སུ་རྫོགས་པའི་
D48.039.0211b01.01བྱང་ཆུབ་སེམས་དཔའ་རྣམས་ལ་ནི་ཐ་ན་རྨི་ལམ་ན་ཡང་ལས་ཀྱི་རྣམ་པར་སྨིན་པ་མྱོང་བ་མེད་དོ། །དེས་མངོན་པའི་ང་རྒྱལ་མེད་པར་བྱ་ཞིང་ཕྲག་དོག་མེད་པར་སེམས་ཅན་རྣམས་ཀྱང་གཞན་མཆོད་པ་ཡང་དག་པར་འཛིན་དུ་གཞུག་པར་བྱ། དེས་ཡང་དང་ཡང་དུ་ཕུང་པོ་གསུམ་པའི་མདོ་སྡེ་
D48.039.0211b02.01ཡང་ཁ་ཏོན་དུ་བྱ་སྟེ། དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་རོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་སྔོན་མ་ཐོས་པའི་ཆོས་དག་ཐོས་ན་བྱང་ཆུབ་སེམས་དཔའ་དེ་ནི་སངས་རྒྱས་མང་པོ་ལ་བསྙེན་བཀུར་བྱས་པ་དང་། ཆོས་
D48.039.0211b03.01སྨྲ་བའི་གང་ཟག་མང་པོ་དག་ལ་ཡང་བསྙེན་བཀུར་བྱས་པ་ཡིན་བར་རིག་པར་བྱ་སྟེ། བྱང་ཆུབ་སེམས་དཔའ་དེ་ནི་ས་དང་པོ་བདུན་པོ་དག་ལས་ས་གང་ཡང་རུང་བར་བར་བལྟའོ། །དེས་ནི་ཇི་སྐད་སྨྲས་པ་དེ་བཞིན་དུ་བྱེད་པར་བྱ་སྟེ། དེས་ནི་མྱུར་བ་ཉིད་དུ་བྱང་ཆུབ་ཏུ་ངེས་པར་འབྱུང་བར་
D48.039.0211b04.01འགྱུར་རོ། །གལ་ཏེ་ཆོས་ཀྱི་གཏམ་སྣ་ཚོགས་དག་ཐོས་ན་ནི་ས་དང་པོ་པར་བལྟའོ། །གལ་ཏེ་ཡོ་བྱད་བསྙུངས་པའི་གཏམ་དག་ཐོས་ན་ནི་ས་གཉིས་པར་བལྟའོ། །གལ་ཏེ་ཐེ་ཚོམ་གཅོད་པའི་གཏམ་དག་ཐོས་ན་ནི་ས་གསུམ་པར་བལྟའོ། །གལ་ཏེ་གཟུངས་ཀྱི་གཏམ་དག་
D48.039.0211b05.01ཐོས་ན་ནི་ས་བཞི་བར་བལྟའོ། །གལ་ཏེ་མཚན་ཉིད་ཀྱི་གཏམ་དག་ཐོས་ན་ནི་ས་ལྔ་པར་བལྟའོ། །གལ་ཏེ་དོན་དམ་པའི་གཏམ་དག་ཐོས་ན་ནི་ས་དྲུག་པར་བལྟའོ། །གལ་ཏེ་གཏམ་ཐམས་ཅད་ཐོས་ན་ནི་ས་བདུན་པར་བལྟ་སྟེ། ས་དང་ས་དག་ལ་དེ་ལྟར་ཤེས་པར་བྱ་ཞིང་ལས་
D48.039.0211b06.01ཀྱི་སྒྲིབ་པ་དག་ཀྱང་རྟོགས་པར་བྱའོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་མ་བསྟན་པའི་ཆོས་དག་ཤེས་ལ། །དེས་སད་ན་མི་ཤེས་ན་དེས་ནི་ཆོས་ལ་སྒྲིབ་པའི་ལས་བྱས་ཤིང་ཟང་ཟིང་དང་བཅས་པའི་སེམས་ཀྱིས་ཆོས་ཀྱི་སྦྱིན་པ་བྱིན་པ་ཡིན་པས།
D48.039.0211b07.01