完整藏文原文 · 德格版页 当前仅加载第 39 函德格 236a 版页；藏文 NFD、目录标记与异常页序保留在来源切片中，重复版页行以稳定序号区分。
ཡས་སེམས་བྱེད་པ། །གང་ཞིག་རྩྭ་ཡིས་རྒྱ་མཚོ་གཏིང་དཔོག་བཞིན། །གང་ཟག་འཚོ་བར་འདོད་པས་ལྕགས་བཞུན་གྱི། །རྒྱ་མཚོ་ཆེན་པོ་འཐུང་བར་བྱེད་སླ་ཡི། །བྱང་ཆུབ་སེམས་དཔའ་ཐ་བ་མི་སྐྱེད་དེ། །དེ་ཡི་སྡུག་བསྔལ་དེ་ལ་གྲངས་ཀྱང་མེད། །འགའ་
D48.039.0236a01.01ཞིག་ལས་ཀྱིས་བསྒྲིབས་པར་གྱུར་པའམ། །ཡང་ན་བདུད་ཀྱིས་ཀུན་ཏུ་དཀྲུགས་གྱུར་པ། །དེ་ལ་གང་ཟག་ཕལ་པ་བདེ་འདོད་པ། །སུས་ཀྱང་ཁོང་ནི་ཁྲོ་བར་མི་བྱའོ། །མདོག་ངན་གླེན་ནམ་ཡང་ན་རྙེད་མེད་དམ། །བརྙས་ཤིང་སྨད་པར་བྱ་བ་ཡིན་ན་ཡང་། །མི་ཡི་ཁམས་དང་སྤྱོད་པ་
D48.039.0236a02.01ཤེས་དཀའ་བས། །དེ་ལ་གྱ་ཚོམ་སྐྱོན་ནི་གདགས་མི་བྱ། །ཤཱ་རིའི་བུ་དབེན་འདུག་སྟེ་སྒོམ་པ་ན། དེས་ནི་སེམས་ཀྱི་སྐད་ཅིག་ལྔ་བཅུ་རྟོགས། །སྟོན་པས་སྐད་ཅིག་གཅིག་ལ་ཚད་མེད་སེམས། །མཁྱེན་པས་དེ་ལ་སོམ་ཉི་མ་བྱེད་གསུངས། །དགྲ་བཅོམ་ཀུན་གྱིས་རང་ཁམས་
D48.039.0236a03.01མི་ཤེས་ན། །སེམས་ཅན་སྤྱོད་པ་ཤེས་པ་སྨོས་ཅི་དགོས། །ངས་ནི་སྐད་ཅིག་ཙམ་གྱིས་གཞན་ཤེས་པས། །གང་ཟག་དེ་ལ་བརྙས་པར་མ་བྱེད་ཅིག །འདོད་ཆགས་བྲལ་བས་གོས་དམར་བླངས་ནས་ནི། །གྱོན་པར་བྱེད་ཅིང་དེ་བཞིན་མྱུར་དུ་ནི། །སྐད་ཅིག་འཇིག་པར་
D48.039.0236a04.01འགྱུར་བ་ངས་མཐོང་བས། །སུ་ཞིག་ཉེས་བདེན་འགའ་ཞིག་སྨྲ་བར་བྱེད། །མ་སྐྱེས་དགྲ་ཡིས་ཕ་ནི་བསད་གྱུར་ཅིང་། །དེ་བཞིན་གཤེགས་པ་བགྲོངས་པར་སྦྱར་བྱས་ཀྱང་། །དེ་སེམས་གཅིག་གིས་ངན་འགྲོ་རྣམ་གྲོལ་ན། །གང་ཟག་དམ་པ་གང་ཡིན་སྨོས་ཅི་དགོས། །
D48.039.0236a05.01སེམས་ཀྱིས་འཆིང་བར་བྱེད་ཅིང་གྲོལ་བྱེད་པས། །ལུས་བེམས་འདི་ལ་ཉེས་པ་ཅི་ཡང་མེད། །ལུས་ཀྱི་འདུ་འཛི་མཐོང་ནས་གཤེ་མ་བྱེད། །ཕ་རོལ་རྒོལ་བར་མ་བྱེད་ལུས་སྦྱོངས་ཤིག །གསེར་ནི་མི་གཙང་ནང་དུ་བཅུག་གྱུར་ཀྱང་། །འབར་བའི་རང་བཞིན་ནམ་ཡང་མི་འབྲི་
D48.039.0236a06.01ལྟར། །ངེས་པ་གང་ཞིག་འཇིག་རྟེན་ཆོས་སྤྱོད་ཀྱང་། །ནམ་ཡང་བསམ་པའི་རང་བཞིན་ཡོང་མི་སྤོང་། །རྒྱལ་བུ་ཚོང་དཔོན་བུ་དང་ལྷན་ཅིག་ཏུ། །དགའ་བར་བདག་ཉིད་ཆེན་པོ་རྩེ་བ་ལྟར། །དེ་བཞིན་སེམས་ཅན་སྤྱོད་པའི་དབུས་ན་ཡང་། །དེ་ཡང་གཞན་ལ་ལྷར་བཅས་འགྲོ་བའང་
D48.039.0236a07.01