完整藏文原文 · 德格版页 当前仅加载第 39 函德格 235b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་རྙེད་ན་དེ་ནི་ས་བཞི་པར་བལྟའོ། །གལ་ཏེ་འགྲེང་སྟེ་རྙེད་ན་དེ་ནི་ས་ལྔ་པར་བལྟའོ། །གལ་ཏེ་འདུག་ཏེ་རྙེད་ན་དེ་ནི་ས་དྲུག་པར་བལྟའོ། །གལ་ཏེ་མ་ལ་ནས་རྙེད་ན་དེ་ནི་ས་བདུན་པར་བལྟའོ། །གལ་ཏེ་ནམ་མཁའ་ལས་རྙེད་ན་དེ་ནི་ས་བརྒྱད་པར་བལྟའོ། །གལ་ཏེ་ཟས་ཟ་བའི་
D48.039.0235b01.01ཚེ་རྙེད་ན་དེ་ནི་ས་དགུ་པར་བལྟའོ། །གལ་ཏེ་བཞོན་པ་ལ་ཞོན་པ་འམ། །སྐྱེད་མོས་ཚལ་ན་འདུག་པ་ན་རྒྱན་གྱིས་བརྒྱན་པ་རྙེད་ན་དེ་ནི་ས་བཅུ་པར་བལྟ་སྟེ། །བདུད་ཀྱི་ལས་དང་ལས་ཀྱི་སྒྲིབ་པ་ནི་རྟོགས་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་
D48.039.0235b02.01ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའི་མཚན་མ་བརྒྱ་རྩ་བརྒྱད་པོ་དེ་དག་གིས་ནི་གང་ཟག་བྱང་ཆུབ་སེམས་དཔའི་ཐེག་པ་པ་ཡིན་པར་རིག་པར་བྱ་ཞིང་ཤེས་པར་བྱའོ། །དེ་ནས་དེའི་ཚེ་བཅོམ་ལྡན་
D48.039.0235b03.01འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །གང་ལ་མཚན་མ་དེ་དག་ཡོད་གྱུར་པ། །དེ་ནི་བདག་ཉིད་ཆེ་བར་ཐེ་ཙོམ་མེད། །སྤྱོད་པ་ཅུང་ཟད་ཙམ་ཞིག་རྟོགས་གྱུར་ཀྱང་། །ཡོན་ཏན་ཤེས་པས་ཉེས་པ་མ་སྐྱེད་ཅིག །རྒྱ་མཚོ་ཆེན་པོ་ལས་ནི་མེ་འབར་
D48.039.0235b04.01ཅིང་། །མེ་ཡི་དབུས་ནས་ཆུ་ནི་བྱུང་གྱུར་ཀྱང་། །གང་ལ་མཚན་མ་གཅིག་ཙམ་ཡོད་གྱུར་པ། །དེ་ནི་བྱང་ཆུབ་ཕྱིར་ལྡོག་ངས་མ་མཐོང་། །སྡིག་སྦྲུལ་སོས་ནི་ལྷུན་པོ་བཟུང་གྱུར་ཅིང་། །གང་གཱའི་བྱེ་སྙེད་ཞིང་དུ་འགྲོ་གྱུར་ཀྱང་། །དེ་འདྲའི་བྱེད་རྒྱུ་དེ་དག་ཡོད་པར་ནི། །བྱང་ཆུབ་
D48.039.0235b05.01སེམས་ལས་ཕྱིར་ལྡོག་ཡོད་མ་ཡིན། །སྤྱོད་པས་ས་ལས་ལོག་པར་སྣང་གྱུར་ཀྱང་། །འདི་ལ་བྱང་ཆུབ་ཕྱིར་ལྡོག་འགའ་ཡང་མེད། །གང་ཟག་ཇི་ཙམ་ཡོན་ཏན་ཆུང་བས་ཀྱང་། །ལྷག་པའི་བསམ་པས་བསྐྱོད་ན་བྱང་ཆུབ་འཐོབ། །ནམ་མཁའི་ཁམས་དང་དེ་བཞིན་སེམས་
D48.039.0235b06.01ཅན་ཁམས། །སངས་རྒྱས་ཡེ་ཤེས་དེ་བཞིན་བྱང་ཆུབ་སེམས། །ཆོས་བཞི་གང་ཡིན་དེ་དག་ཚད་མེད་དེ། །དེ་དག་འཇིག་རྟེན་ཀུན་གྱིས་རྟོགས་མི་ནུས། །གང་དག་བྱང་ཆུབ་སེམས་དཔའི་སྤྱོད་རྟོགས་པ། །དེ་དག་སྨོན་པ་ཡིན་པར་ཤེས་པར་བྱ། །སེམས་ཅན་སྤྱོད་པ་བསམ་
D48.039.0235b07.01