完整藏文原文 · 德格版页 当前仅加载第 39 函德格 228b 版页；藏文 NFD、目录标记与异常页序保留在来源切片中，重复版页行以稳定序号区分。
བལྟའོ། །ས་དང་པོ་དྲུག་པོ་དག་ལ་ནི་བདུད་ཀྱི་ལས་མ་གཏོགས་པར་བལྟའོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན། བདག་འཛམ་བུའི་གླིང་གཞན་དུ་སོན་པར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་དྲུག་པོ་དག་ཏུ་བལྟ་སྟེ། བཟོད་
D48.039.0228b01.01པ་ཐོབ་པ་ཡིན་ནོ། །དེ་ལ་སྒྲིབ་པ་ནི་ཆུང་ན་དེ་མངོན་པར་མི་བརྩོན་པ་དང་། ལེ་ལོ་དང་གཡོ་ལ་སྟེན་པ་དང་། ངའོ་སྙམ་པའི་ང་རྒྱལ་གྱི་ཚུལ་གྱིས་སྣང་བ་ཐོབ་པར་མི་འགྱུར་བས་དེས་ཚུལ་དེ་དག་ཇི་ལྟ་བ་དེ་བཞིན་དུ་རབ་ཏུ་བརྩོན་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་
D48.039.0228b02.01དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གང་གིས་འཛམ་བུའི་གླིང་ཉམས་མི་དགའ་བ་མཐོང་ན་དེ་ནི་ས་དང་པོ་པར་རོ། །གང་གིས་ཉམས་དགའ་བ་མཐོང་ན་དེ་ནི་ས་གཉིས་པར་རོ། །གང་གིས་གྲོང་དང་། གྲོང་ཁྱེར་དང་། གྲོང་རྡལ་མཛེས་པར་མཐོང་
D48.039.0228b03.01ན་དེ་ནི་ས་གསུམ་པར་རོ། །གང་གིས་སྐྱེད་མོས་ཚལ་མེ་ཏོག་ཀུན་ཏུ་རྒྱས་པར་མཐོང་ན་དེ་ནི་ས་བཞི་པར་རོ། །གང་གིས་ལྗོངས་ཀྱི་མི་འདུས་པར་མཐོང་ན་དེ་ནི་ས་ལྔ་པར་རོ། །གང་གིས་ཀུན་དགའི་ར་བ་དང་། ཚལ་ཕུན་སུམ་ཚོགས་པ་མཐོང་ན་དེ་ནི་ས་དྲུག་པར་ཏེ། །བདུད་ཀྱི་
D48.039.0228b04.01ལས་ནི་མ་གཏོགས་སོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་གོས་དཀར་པོ་གྱོན་པར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་བརྒྱད་པོ་དག་ཏུ་བལྟ་སྟེ། དེ་ནི་ལས་ཀྱི་སྒྲིབ་པ་རྣམ་པར་དག་པ་ལ་བདུད་ཀྱི་ལས་ཤས་ཆེ་བ་ཡིན་པས་དེ་
D48.039.0228b05.01ཆོས་ལ་འདུན་པ་སྐྱེས་ཀྱང་། ཡང་ཕྱིར་ནུར་བར་འགྱུར་ཞིང་དེའི་ཡོན་ཏན་དག་ལ་བར་ཆད་མང་བར་འགྱུར་བས་དངོས་པོ་ཐམས་ཅད་མི་སྦ་བར་བྱ་ཞིང་ཡེ་ཤེས་ལ་བརྩོན་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་
D48.039.0228b06.01རོ། །ཡོ་བྱད་ཐམས་ཅད་དང་། གདིང་བ་ཐམས་ཅད་དང་། མང་དུ་ཐོས་པར་བྱ་བ་དང་། སྐྱོན་དང་། ལུས་དང་། སྲོག་དང་། དགེ་བའི་རྩ་བ་དག་ལ་ཡང་མངོན་པར་བརྟག་པར་བྱའོ། །གང་གིས་གོས་དཀར་པོ་གཙང་མ་རྙིང་པ་གྱོན་པར་མཐོང་ན་དེ་ནི་ས་དང་པོ་པར་རོ། །གང་གིས་སར་པ་ཁ་
D48.039.0228b07.01