完整藏文原文 · 德格版页 当前仅加载第 39 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གལ་ཏེ་བྱང་ཆུབ་སེམས་དཔའ་བདག་གམ་ཡོའི་ལོ་ཏོག་ཕུན་སུམ་ཚོགས་པར་མཐོང་ན་དེ་ནི་ས་གསུམ་པར་རོ། །གྲོང་གི་ལོ་ཏོག་ཕུན་སུམ་ཚོགས་པར་མཐོང་ན་ས་བཞི་པར་རོ། །ལྗོངས་ཀྱི་ལོ་ཏོག་ཕུན་སུམ་ཚོགས་པར་མཐོང་ན་ས་ལྔ་
D48.039.0234b01.01པར་རོ། །འཛམ་བུའི་གླིང་གི་ལོ་ཏོག་ཕུན་སུམ་ཚོགས་པར་མཐོང་ན་ས་དྲུག་པར་རོ། །གླིང་བཞི་པའི་ལོ་ཏོག་ཕུན་སུམ་ཚོགས་པར་མཐོང་ན་ས་བདུན་པར་རོ། །སྟོང་གསུམ་པའི་ལོ་ཏོག་ཕུན་སུམ་ཚོགས་པར་མཐོང་ན་ས་བརྒྱད་པར་རོ། །ལོ་ཏོག་ཡོངས་སུ་
D48.039.0234b02.01སྨིན་པ་ཕུན་སུམ་ཚོགས་པར་མཐོང་ན་ས་དགུ་པར་རོ། །དེ་ལ་འཇུག་པར་བྱེད་ན་ས་བཅུ་པར་རོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་སེམས་ཅན་ནད་པ་རྣམས་གསོ་བར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་བརྒྱད་
D48.039.0234b03.01པོ་དག་ལས་ས་གང་ཡང་རུང་བར་བལྟ་སྟེ། །དེ་ལ་ལས་ཀྱི་སྒྲིབ་པ་ཆུང་ལ་བདུད་ཀྱི་ལས་ཤས་ཆེ་བས་དེས་སྙིང་རྗེ་ཆེན་པོས་ཡོངས་སུ་སྦྱང་བར་བྱ་ཞིང་གཞན་ལ་ཕན་པ་ལ་བརྩོན་པ་དང་། ཕྱིར་རེ་བ་མེད་པར་ཡང་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་
D48.039.0234b04.01འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གང་ཁྱེའུ་གསོ་བར་བྱེད་ན་དེ་ནི་ས་དང་པོར་རོ། །གང་བུད་མེད་གསོ་བར་བྱེད་ན་དེ་ནི་ས་གཉིས་པར་རོ། །གང་མི་ཆེན་པོ་གསོ་བར་བྱེད་ན་དེ་ནི་ས་གསུམ་པར་རོ། །གང་རིམས་ཀྱིས་བཏབ་པ་གསོ་བར་བྱེད་ན་དེ་ནི་ས་
D48.039.0234b05.01བཞི་པར་རོ། །གང་སྐྱེ་རྦབ་ཀྱི་ནད་ཀྱིས་བཏབ་པ་གསོ་བར་བྱེད་ན་དེ་ནི་ས་ལྔ་པར་རོ། །གང་ཤ་བཀྲའི་ནད་ཀྱིས་བཏབ་པ་གསོ་བར་བྱེད་ན་དེ་ནི་ས་དྲུག་པར་རོ། །གང་སྐེམ་ནད་ཀྱིས་བཏབ་པ་གསོ་བར་བྱེད་ན་དེ་ནི་ས་བདུན་པར་རོ། །གང་འབྱུང་པོས་ཟིན་པ་གསོ་བར་བྱེད་
D48.039.0234b06.01ན་དེ་ནི་ས་བརྒྱད་པར་ཏེ། བདུད་ཀྱི་ལས་ནི་མ་གཏོགས་སོ། །སྙིང་རྗེ་ཆེན་པོ་དང་ལྡན་པའི་བྱང་ཆུབ་སེམས་དཔའ་དེས་བཟོད་པའི་ཕ་རོལ་ཏུ་ཕྱིན་པ་ལ་སྤྱོད་ཅིང་ལྷག་པའི་བསམ་པ་ཕུན་སུམ་ཚོགས་པར་བྱའོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་
D48.039.0234b07.01