完整藏文原文 · 德格版页 当前仅加载第 56 函德格 146b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་བསྐལ་པར་བཞུགས་སུ་གསོལ། །སྒྲོན་མ་ཆེན་པོའི་འཇིག་རྟེན་དུ། །ཤིན་ཏུ་མྱུར་བར་ནུབ་འགྱུར་ཏེ། །འཇིག་རྟེན་འདི་དག་རབ་མྱུར་བར། །ལྡོངས་པ་ཉིད་དུ་འགྱུར་ལགས་སོ། །མི་མཆོག་བདག་ནི་གཡར་ངན་འདི། །དགེ་སློང་རྣམས་ལ་སྨྲར་མི་སྤྲོ། །གང་ལ་གཡར་ངན་མ་མཆིས་པ། །
D136.056.0146b01.01གཞན་ཞིག་མངག་པར་བཀའ་སྩལ་གསོལ། །བཅོམ་ལྡན་འདས་ཀྱིས་བཀའ་སྩལ་པ། གོའུ་ཏ་མའི་བུ་འདུ་བྱེད་ཐམས་ཅད་མི་རྟག་པ་ཡིན་གྱིས་མྱ་ངན་མ་བྱེད་པར་ཐོང་ཅིག །དེ་ནས་བཅོམ་ལྡན་འདས་ཀྱིས་དེའི་ཚེ་ཚེ་དང་ལྡན་པ་ཀུན་དགའ་བོ་ལ་ཕྱིར་ཚིགས་སུ་བཅད་དེ་བཀའ་སྩལ་པ། །
D136.056.0146b02.01བྱེ་བ་མཐའ་ཡས་ལྷ་རྣམས་ཀྱིས། །དེ་རིང་སངས་རྒྱས་འདའ་ཐོས་ནས། །གཞལ་མེད་ཁང་དག་སྤངས་ནས་ནི། །མྱ་ངན་བྱེད་ཅིང་སྨྲེ་སྔགས་འདོན། །ང་འདས་ཕྱི་ན་དགེ་སློང་དག །མ་མཐོང་མྱ་ངན་བྱེད་མ་གཞུག །འདི་ནི་རིམ་གྲོ་བྱེད་པའི་ལས། །སོང་ལ་དགེ་སློང་རྣམས་ཀྱང་སྦྲོན། །དེའི་ཚེ་ཚེ་དང་
D136.056.0146b03.01ལྡན་པ་མ་འགགས་པ་རི་རབ་ཀྱི་སྤོ་ལ་སུམ་ཅུ་རྩ་གསུམ་པའི་ལྷ་རྣམས་ལ་ཆོས་སྟོན་ཅིང་འདུག་གོ། །ཚེ་དང་ལྡན་པ་མ་འགགས་པས་ལྷའི་མིག་རྣམ་པར་དག་པ་མི་ལས་ཤིན་ཏུ་འདས་པས་ལྷའི་བུ་དབང་ཆེ་བ་དབང་ཆེ་བར་གྲགས་པ་རྣམས་རང་རང་གི་གཞལ་མེད་ཁང་དག་ནས་མི་སྣང་བར་གྱུར་པ་མཐོང་
D136.056.0146b04.01ཞིང་ལྷ་རྣམས་ཀྱི་སྨྲེ་སྔགས་འདོན་པའི་སྒྲ་ཆེན་པོ་དག་ཀྱང་ཐོས་རང་གི་འཁོར་རྣམས་ཀྱང་སྲབས་པར་མཐོང་ངོ་། །དེ་ནས་ཚེ་དང་ལྡན་པ་མ་འགགས་པས་དེའི་ཚེ་བསམས་ཏེ་ལྷའི་མིག་གིས་ལྷའི་བུ་འཁོར་དང་བཅས་པ་དེ་དག་ཡི་ཆད་ཅིང་རང་རང་གི་འདོད་པའི་དགའ་བ་དག་སྤངས་ཏེ་རིངས་པ་{རིངས་,རིང་}
D136.056.0146b05.01པར་གང་དུ་དོང་ཞིང་འདོང་བར་བྱེད་ཅེས་འཇིག་རྟེན་ལ་རྣམ་པར་བལྟས་སོ། །དེ་ནས་ཚེ་དང་ལྡན་པ་མ་འགགས་པས་རིའི་རྒྱལ་པོ་རི་རབ་ཀྱི་རྩེ་མོ་ལས་དཔག་ཚད་བརྒྱ་ཙམ་དག་ཆད་པ་དང་། རིའི་རྒྱལ་པོ་རི་རབ་ཀྱི་རྩེ་མོ་ལས་དཔག་ཚད་ཉིས་བརྒྱ་ཙམ་དང་། རྩེ་མོ་ལས་དཔག་ཚད་སུམ་བརྒྱ་ཙམ་དང་།
D136.056.0146b06.01རྩེ་མོ་ལས་དཔག་ཚད་བཞི་བརྒྱ་ཙམ་དག་ཆད་པ་དང་། རྩེ་མོ་ལས་དཔག་ཚད་ལྔ་བརྒྱ་ཙམ་དག་ཆད་ཅིང་ཆད་ཅིང་རྒྱ་མཚོ་ཆེན་པོའི་ནང་དུ་ལྷུང་བ་དག་ཀྱང་མཐོང་སྟེ་སེམས་ཅན་འགའ་ཙམ་ལ་ཡང་གནོད་པའམ། རྣམ་པར་འཚེ་བར་མི་བྱེད་ན་སྲོག་གི་བར་ཆད་བྱེད་པར་འགྱུར་བ་ལྟ་སྨོས་ཀྱང་ཅི་དགོས། འདི་
D136.056.0146b07.01